Blár en góður mánudagur!!!!!!

Halló allir saman!!
ég er ekki sú duglegasta að skrifa, ætli það sé ekki bara sumarið, það er svo gott veður að maður nennir ekki að gera neitt annað en að vera út í garði, þegar maður er heima. En svona er það bara, þetta er búinn að vera góður dagur, ég fór í viðtal út af pragtík og það gekk bara þokkalega, þó ég hafi verið svolítið stressuð. Dagmamman hans Alexanders er í fríi þessa viku, og er hann hjá annari dagmömmu, sem er mjög fín og hann tók henni fljótlega, svona ykkur að segja þá sváfum við nefnilega ekki mjög vel síðustu nótt út af áhyggjum, það gekk ekki mjög vel síðast þegar hann skipti um dagmömmu, en ég er svona og get ekkert að því gert. Andrea fór til Århus í dag með vinkonum sínum í tívolí, það er nefnilega svokallaður Bluemondag þá fara öll fermingarbörnin til Århus að eyða fermingarpeningunum, í tivolí og bara eiga góðan dag. Andrea er í Rønde núna en fer að koma heim. Þá er komið að henni Benediktu minni á föstudagskvöldið fór hún í sveitina og gisti hjá vinkonu sinni þar, svo kom hún aðeins við hér heima nóttina eftir en gisti svo hjá annari vinkonu sinni í nótt, þetta gekk bara allt ljómandi vel held ég. Ég hef verið mikið að vinna í mósaík í Dukan, og þó ég segi sjálf frá þá er þetta bara flott hjá mér. Addi smíðaði borð sem ég er að leggja mósaík á og ætla ég að reyna að klára það á morgun. því það er síðasti dagurinn minn þarna í bili, moske til frambúðar, vona það. Addi er búinn að smíða stól fyrir Alexander, og nú á hann fínan pall sem hann getur prílað uppá til að ná takmarki sínu sem sagt upp á borð, Addi er líka að smíða garðbekk og verður spennandi að sjá hann. Núna verð ég að fara að hætta en þar til næst bless í bili.