Heimur Sollu

nýtt blogg

2009-03-07T00:31:00.000-08:00

jæja þá eru jólin búin og sumarið á næsta leiti, já ég hef verið frekar ódugleg við að blogga, enda er eitthvað í heilanum á mér sem segir í sífellu facebook, facebook, og ekki er það spaug, já jólin voru góð Andres, Míra og Isabella voru hér um jól og Rune fjölskylda var hér um áramótin, svo það var mikill glaumur og gleði, sem mér finnst í rauninni að ætti að vera um áramót. Við ákváðum að þó að þau væru flutt í burtu , þá ætluðum við að hittast allavegana einusinni í mánuði, en það eru komnir tveir mánuðir núna og við höfum ekki fundið tíma til að fara upp eftir til þeirra, súrt er það því þau eru höfðingjar heim að sækja.

Alexander hefur verið mikið veikur og sagði læknirinn að hann væri með asma bronkítis, og hefur andardrátturinn verið einsog hjá versta reykingarmanni, hann hefur fengið meðal fyrir asmanum og fékk líka pencilin, en hann veiktist aftur og ég held að pencilinið hafi ekki virkað einsog það átti að gera. en hann er hress núna hóstar bara mikið en vonandi nær hann því úr sér núna þegar fer að hlýna, og jej það er kominn mars og nú fer að hlýna og birta meir og meir, ELSKA ÞAÐ :) vorið er besti tíminn sumarið framundan.

Hannah hefur líka fengið að finna fyrir smá veikindum en samt ekkert í líkingu við Alexander, en það er búinn að vera mikill pestafaraldur hér og oftast höfum við sloppið vel úr því og ekkert hefur bitið á okkur hraustmennunum og var ég búin að segja við eina sem vinnur með mér að ég væri svo heppin með að börnin mín verða næstum aldrei veik og takið eftir ég sagði 7,9,13 á eftir en svo urðu þau veik og veik og veik, það var einsog þetta ætlaði engan endi að taka. en við vonum að þetta sé yfirstaðið.

Hanna ræfillin hefur svo fengið að fara í heimsóknir til nokkra gagmamma og hefur hún ekki verið mjög ánægð með það, og er það nátturlega skiljanlegt að vera bara kastað svona á milli, dagmamman hennar sagði að við ættum að kvarta einsog hinir foreldrarnir gera og hún sagði að þau á skrifstofunni notfærðu sér það af því að við segjum aldrei neitt og henda henni bara þangað þar sem er pláss fyrir hana. en ég veit, ég er ekki mikið fyrir að vera alltaf kvartandi.

Svo er það í vinnunni minni, á miðvikudaginn er ég mætti þá var mér sagt að það væru vandamál með eina sem var nýbyrjuð, og hún vann ekki vinnuna sína væri alltaf úti að reykja, og sú sem var að vinna með henni gæti ekki unnið með henni, EN það ætti að gefa henni séns í tvær vikur og hún ætti að vera í afleisingum og taka minn skóla en ég ætti að fara á deildina sem hún var ráðin á og þið getið rétt trúað því að Sollan varð brjáluð og ég þakka guði fyrir að það voru engir mættir á skrifstofurnar sem ég var að vinna á, því húsgögnin fengu að finna fyrir því, og ég varð sár og reið því ég er ráðin í afleysingar þarna og er ekki alltaf að vinna á sama staðnum. Svo fór ég að tala við eina sem er þarna og hún sagði mér að ég ætti bara að vera róleg því þetta væru bara þessar tvær vikur. og það ætti að reka hana, en ég er ekki alveg að fatta þetta og læt þetta fara verulega í taugarnar á mér. Því þegar maður byrjar þarna er maður á reynslutíma í þrjá mánuðu og það á að vera hægt að reka fólk með litlum sem engum fyrirvara ef það stendur sig ekki. AAARRRRGGGG!!!!

En viti menn sollan sagði að hún vildi ekki missa afleisingarnar og við sem erum í afleisingunum komum til með að skiptast á að vera á þessari deild í einhvern tíma en ég græt skólann því það var æðislegt að enda daginn á honum í rólegheitum.

Ég gleymdi að segja ykkur fyrir þá sem ekki vita að við Míra erum farnar að vinna saman :)

Alexander er búinn að gera þeim í leikskólanum lífið leitt með ærslum og svo var það einn daginn að hann hafði læst sig og nokkur önnur börn inná skrifstofunni og þær urðu ekki glaðar, skiljanlega, og er pabbi hans var að skamma hann og sagði afhverju hann hlýddi ekki þá sagði hann, nátturlega að dönsku" en það gerði ég, ég opnaði hurðina á endanum" (men det gjorde jeg, jeg åbnede døren, til sidst)

Benedikta slapp svo alveg við pestir og finnst henni það súrt að þurfa alltaf að fara í skólann, (hún er einsog pabbi sinn), en hún hefur annarslagið verið illt í maganum, og erum við að fara í eitt skiptið enn til barnalæknis.

þó að það sé ekki eins slæmt og á Íslandi, þá finnum við fyrir þrengingum og að það er allstaðar verið að spara, og fólk er ekki tryggt með sína vinnu, en ég er held ég örugg, þetta er jú sjúkrahús og þeir verða að hafa starfsfólk, en við erum að fara á fund á þriðjudaginn og það er í sambandi við einhverjar breytingar, en við vitum ekki meir um þetta, svo það verður bara að koma í ljós, og vonum við það besta það þýðir ekki að mála skrattann á vegginn alveg strax.

Svona er það nú í stórum dráttum, okkur var boðið í afmæli um síðustu helgi til Daniels þeyrra Stebba og Lenu, þetta var búningaparty og Alex var superman, Hannah var bangsímon, Benna var norn, ég var prinsessa og Addi var töffari. mmmmm þetta var sko ekta íslenskt afmæli með þvílíkum bombunum, vá vildi að ein væri komin núna hingað til mín, hey kannski ég baki bara eina á eftir :Z

Annars hef ég það bara þokkalegt, er með aumar axlir og var í nuddi í gær aaahhh (dejligt) æðislegt en hún sagði að ég væri svo slæm að ég þyrfti allavegana að koma aftur eftir tvær vikur ef ekki oftar svo ég gæti losnað við þetta, en einn tími kostar 300 kr sem er ekki mikið, en mér finnst það alveg nóg, en komon ég reyki ekki og fer aldrey út að skemmta mér svo það er alltílagi þó ég leifi mér eitthvað, og líka ef það varðar heilsuna.

Addi er að byrja að spila meira og er það virkilega gleði efni, og eitt sinn er hann var að spila í Århus var brotist inní bílinn og viti menn það munaði svo litlu að ég færi að hlæja í símann þegar sekuritas maðurinn hringdi í mig og spurði eftir eigandanum af bílnu, því það hefði verið brotist inní hann, þetta er gamall bíll og ekkert girnilegt við hann, ég hélt nefnilega að Addi hefði fengið einhvern vin sinn til að gera at í mér, svo það munaði litlu að ég gerði mig að fífli. Einn í hljómsveitinni hafði nefnilega gleymt tölvu inní bílnum og var það hún sem þeir girntust, ein rúðan var brotin afturí í bílnum og er búið að setja bráðabyrðar rúðu í hann.

jnæja þetta er orðið ágætt og bið ég bara að heilsa ykkur í bili:) Sollan kveður með hækkandi sól!!!! bæó spæó

Þá eru það jól

2008-12-24T04:45:00.000-08:00

Gleðileg jól allir !!!
og gæfuríkt komandi ár,
þökkum allt gott á liðnu ári
matarboð, og annað þegar við vorum á Íslandi.
og ég vil einnig þakka hlýhug til mín meðan ég var veik, nú er ég loksins farin að sjá fyrir endan á því.
Ég vona að þið hafið það sem best yfir hátíðina.
ætla ekki að hafa þetta lengra, knús og kossar til ykkar allra, Solla og fjölsk.

Allt gott héðan :)

2008-12-12T01:02:00.000-08:00

Hæ allir, það er barasta kominn tími á blogg, ég komst í kinni við facebookina og þá kemst ekkert annað að, ég fer á netið og logga mig inna þessa blessuðu bók, ég spurði Adda hvað er eiginlega svona merkilegt við hana, því það var hið ótrúlegasta fólk þar inni svo ég ákvað að prófa og viti menn ég varð algjörlega háð henni skrítið.

já góða fólk, nú get ég farið að sjá fyrir endan á þessum veikindum, er búin að vera meira og minna veik síðan í júlí og missti um tíu kíló. Þau eru svona smátt og smátt að koma til baka sem er gott því ég leit út einsog gömul kona. fór í aðgerð
26. november það sem restin af undirlífinu var fjarlægt ásamt fitu og botnlanganum. Aðgerðin tók á þriðja tíma og kveið ég þessu alveg gífurlega þar sem traustið á læknum var ekki mikið eftir fyrstu aðgerðina en þær urðu þrjár allt í allt. þetta gekk hinsvegar einsog í sögu og varð ég fljótlega hress er heima núna og fer að vinna eftir áramót, Ég fór á þriðjudaginn og fékk niðurstöðuna úr ræktuninni og það fannst ekkert illt í því og sagði læknirinn að þeir hefðu fjarlægt það illa í fyrstu aðgerðinni, en nú þarf ég að mæta reglulega í eftirlit sem er bara af því góða og á að mæta aftur eftir fjóra mánuði.

Núna get ég bara glaðst og hlakkað gífurlega til jólanna þar sem Andrés, Míra og Isabella verða hér og ég ætla að hafa börnin í fríi yfir öll jólin, svo það verður mjög huggulegt. það eina er að ég sakna alveg gífurlega elstu barnanna þriggja og ég myndi nú alveg vilja hafa þau hér líka, ég var nefnilega að hlusta á lagið kondu um jólin og þá komu tárin fram í augun(smá væmið)en svona er þetta bara, Addi segir að ég sé einsog andamamma, vil hafa börnin eins nálægt og hægt er.

í morgun fór ég með Benediktu í skólann þar sem hún tók þátt í sankta Lucia. það var mjög flott og hátíðlegt, þau voru í hvítum kuflum og héldu á kertum.

í dag kl. 15. er mér boðið í jólaglögg og eplaskífur, hjá Gitte hönnuh dagmömmu.

Alexander er veikur með ljótan hósta og andar mjög þungt, við ákváðum bara að hafa hann heima svo hann geti jafnað sig.

Það er svo kominn nýr fjölskyldumeðlimur og er það lítil tólfvikna læða og hefur hún fengið nafnið Mis, Hannah varð alveg rosalega hrifin og vék ekki frá henni þegar hún sá hana. Alexander lét ekki eins mikla ánægju í ljós.

Hannah á afmæli þann 21. og verður hún tveggja ára, ætlum við að hafa smá kaffi á afmælisdaginn fyrir vini og kunningja og hún kemur til með að halda uppá daginn hjá dagmömmunni næstkomandi föstudag.

Ætla ég ekki að hafa þetta mikið lengra að sinni, hafið það gott elskurnar, bæó spæó Solla síkáta

aðgerð

2008-11-05T06:57:00.000-08:00

jæja nu er komin timi á aðgerðina og á ég að mæta á þriðjudaginn 25 november og aðgerðin verður gerð 26 november. Ég var hjá lækninum í dag, og var ég skönnuð og kom þá í ljós að ég hefði þrjár blöðrur á eggjastokknum, og eggjastokkurinn væri þrefalt til fjórfalt stærri an hann á að vera svo hún sagði bara að hún vildi gera þetta sem allra fyrst. þá er það bara laufabrauðsgerð, bakstur og jólahreyngerning núna næstu þrjár vikurnar, því ég má ekkert gera í tvær vikur eftir aðgerðina, og svo er bara að vona að ekkert alvarlegt komi út úr ræktuninni, því þetta verður allt sent í ræktun. Ég er svolítið döpur þessa stundina, og auðvitað sollu hátturinn á að mála skrattann á vegginn, en vildi bara láta ykkur vita.

En til annarra og gleðilegra frétta Hannah kom í morgun og sagði mamma tisse, sem þýðir mamma pissa og þetta er í fyrsta skiptið sem hún segir til þegar hún þarf á koppinn, gleðilegt finnst ykkur ekki? það finnst mér allavegana.Fljótlega bæbæ bleia.
svo á þriðjudaginn á Alexander afmæli og veit ekki alveg hvenær við höldum uppá það, en það verður fljótlega, og er hann búinn að fá hjól frá okkur í afmælisgjöf.
við Benedikta fórum stelpnatúr til Århus og keyptum við jólagjafir sem við svo sendum heim á klakann með Snæþór, við hittum Andres og Míru og fórum með þeim á veitingahús og fengum okkur að borða og var þetta mjög huggulegt.
Alexander sagði líka svolítið í gær sem ætti að gleðja þau, þegar hann kom af leikskólanum spurði hann pabba sinn hvort Andres og Míra væru hjá okkur og pabbi sagði nei afhverju spyrðu, bara því mig langaði að sjá þau, þau væru það besta í allri veröldinni, svo nú hafiði það :)
við erum avo nýstaðin uppúr veikindum Alexander lenti þó verst í því og kastaði bara öllu upp sama hvað hann lét ofanísig Hannah ældi svo aðfaranótt mánudags, svo ég var heima, einsgott því ég varð svo hálfslöpp að deginum og lá bara einsog skata og svo kom Addi heim veikur, svo það var næstum öll fjölskyldan heima.
jæja ég vona bara að allt fari vel með aðgerðina og allt það, jú auðvitað fer allt vel maður á að hugsa svoleiðis, vonandi hugsiði til mín.
sollan kveður í bili með sól í hjarta, þó að hún skíni ekki úti í aunablikinu.

bæó spæó

ditten og datten

2008-10-25T00:37:00.000-07:00

er ekki máltilkomið að blogga aðeins? jú ég held það nú í morgun lagði Snæþór af stað í áttina að norrænu, það er mikill söknuður og eftirsjá í þeim skötuhjúum því ég var viss um að þau yrðu hér um jólin, en svona er það nú, ég var að tala við Snæþór og er hann kominn uppeftir og bíður nú í röð eftir að komast um borð, hann var nú ansi snöggur að keyra þetta einungis tveir tímar. Ég sendi hann með nokkra jólapakka, hefði kannski bara átt að senda peninga, en hvað um það jeg savner jer
:0(

það er annars allt gott af mér að frétta er öll að braggast og hef fengið um tvö kg. aftur, þannig að þetta er allt á réttri leið Benni kom líka hér um síðustu mánaðarmót og hann færði mér vitamín og ég hef aldrei verið eins orkumikil og ég er nú, enda veitir ekki af þar sem ég hef í nógu að snúast, hef t.d. tekið alla eldhúsinnréttinguna í gegn og verið í garðinum enda hef ég ekkert getað gert þar síðan um miðjan júlí, ég er líka farin að vinna aftur á fullu og er það bara fínt. Ég fer svo í viðtal í byrjun november, og þá kemur í ljós hvenær ég verð skorin upp það verður annaðhvort í november eða strax eftir jól.

við erum að venja Hönnu af bleiunni og gengur það svona upp og ofan, það vantar enn að hún segi sjálf til þegar hún þarf á klósettið en er mjög dugleg þegar hún er sett á koppinn og hefur hún gert báðar þarfirnar í hann. Benedikta er í kirkjukórnum og singur hún við margar messur, og verður ein fj0lskylduguðsþjónusta núna næstkomsndi þriðjudag um kvöldið, sem móðirin og sistkynin ætla að mæta á. Litli karlinn okkar er svo að fara í skóla næsta haust, það sem tíminn líður og hann var bara tíu mánaða þegar við fluttum hingað, hann var um daginn upp í skóla að hlaupa með skólanum það er vani hér að krakkarnir hlaupi eithvað visst marga km. eftir aldri daginn fyrir haustfríið, og hann hljóp 6. km. og Benedikta hljóp 13. km. Svo er tíminn að breytast á morgun og við getum sofið einum klukkutíma lengur jibbý!!!!

Þó að krakkarnir komi ekki frá Íslandi um jólin, verðum við ekki alveg ein í kotinu á aðfangadag koma Andres, Míra og Ísabella og ætla að eyða kvöldinu með okkur og verður það örugglega kósý að fá þau hingað og skemmtilegt. Mig er bara farið að hlakka til, enda er ég svo mikið jólabarn í mér og byrja jólaundirbúninginn snemma og reyni svo að gera eitthvað skemmtilegt með börnunum. og slappa af í desember ef ég fer í aðgerðina fyrir jól verð ég að vera búin að gera laufabrauðið áður en það verður.

ég er svo fegin að við búum hér en ekki á Íslandi núna í augnablikinu, ég hef mína dýpstu samúð með ykkur Íslendingar, ástandið lagast vonandi bráðum þó að það sé erfitt að sjá það og flestallir danir eru mjög áhyggjufullir og þeir sem við þekkjum eru alltaf að spyrja um hvernig þetta sé þarna og þeir eru mjög áhyggjufullir.

jæja góða fólk við biðjum bara að heilsa og hafið það gott ses senere.
sollan kveður í bili bæó spæó

okidoki

2008-09-08T04:27:00.000-07:00

jæja, það er langt síðan ég hef skrifað nokkuð hér, enda held ég stundum að þetta sé bara fyrir mig sem ég er að blogga. En svo er nú mál með vexti að ég er búin að vera meira og minna veik síðan um miðjan júlí. var skorin upp og var hreinlega eiðilögð vil ég meina, (ég fékk lífhimnubólgu) ég er svo horuð að ég líkist einni frá fátækulöndunum, átti að fara í uppskurð fyrir tvem vikum en fékk snert af lungnabólgu svo ég lá inni á spítalanum með þetta ógeðslega meðal(pencilin) sem er búið að gjör eyðileggja mig, og varð ég enn veikari en síðast, ég gat ekki talað þá þurfti ég að kasta upp, nú er ég heima að reyna að safna kröftum fyrir aðra aðgerð og er ég virkilega orðin þunglind, þvi ég veit að þeir ætla að láta mig á pencilin á eftir aðgerðina í öriggisskini og mér verður flökurt. Ég er að reina að vera bjartsýn en það er svo erfitt, það eru margir sem hringja og eru að stappa í mig stálinu og er ég mjög þakklát fyrir það. ég fékk jurtate sem vinur okkar hafði, pabbi hans er læknir í afríku og notar þetta mikið við lækningar og er ég að reyna að fá lag á magan, hann er búin að vera í ólagi síðan í júlí. það væri gott að fá ábendingar um gott fæðubótarefni, ég vil nefnilega gera allt til að fá lukkið til baka.

Annars gengur allt sinn vanagang hér allir aðrir eru hressir. Benedikta fór með vinkonu sinni í djurssommerland í gær og Addi fór líka með Alexander því hann nefnilega elskar djurssommerland einsog hann sagði í gær, þetta eru síðustu dagarnir sem er opið. það verður opið á laugardaginn næsta í síðasta sinn og er ég kannski að hugsa um að fara ef ég er betri í maganum.

Hannah Christina er farin að tala dáltið mikið og apar eftir því sem er sagt. Amma hennar var hér um daginn og hún apaði eftir henni þegar hún var að kalla á pabba hennar, Arnþór!! þá sagði litla skottið arndó!! og kallaði hann svo óspart arndó með ekki svo miklum fögnuði föður hennar.Við erum að reyna að fara að venja hana af bleiunni, og hefur hún pissað tvisvar í koppinn, dugleg en mætti samt vera duglegri.

ég hef bara svo lítið að segja það gerist ekkert hér við förum ekkert, ég læt mér leiðast hér á daginn því ég hef ekki mikla orku til að gera nokkuð og svo koma börnin heim og er ég fegnust þegar þau fara í háttinn því það litla sem ég hef er uppurið.

þetta er mjög upplífgandi blogg verð ég að segja en það verður bara að hafa það. ég er ekki mjög upplífgandi persóna allavegana í augnablikinu.

ég vil bara þakka Hönnu fyrir hjálpina þetta var alveg ómetanleg hjálp, nú er bara að sjá hvernig fer í kringum hina aðgerðina.

bið að heilsa í bili kv. Sollan

The live goes on

2008-08-19T03:53:00.000-07:00

jæja, nú er ég að verða ansi góð eftir hremmingarnar og byrjaði að vinna í síðustu viku, part úr degi fyrsta vikan var frá 6,30-10,00, og þessa viku er ég að vinna til 11,00, átti svona smámsaman að auka vinnuna, en í næstu viku fer ég aftur undir hnífinn, og verður þá fjarlægt móðurlífið, eggjastokkurinn, botnlanginn og fita sem er innan á maganum, því það fundust cellu breytingar í blöðrunni sem var fjarlægð, svo þetta er svona fyrirbyggjandi aðgerð, svo ég fái ekki krabba seinna á lífsleiðinni.

það er allt annað gott að frétta héðan, Kristófer farinn heim til Islands, og hans er sárt saknað sérstaklega af húsmóðurinni sem naut hans hjálp í ýmsum heimilisverkum. En annars er Hanna að koma út á föstudaginn og ætlar að hjálpa til á meðan ég verð á sjúkrahúsinu og eftir að ég kem heim, þúsund þakkir fyrir það mér léttir stórlega. Ég hef nefnilega ekki verið til stórræðanna undanfarið og finnst mér ég hálfgerður aumingi, að geta ekki tekið til hendinni heima hjá mér, en ég reyni þó að halda húsinu þokkalegu, og svo hefur Addi verið ansi duglegur við heimilisstörfin. Við reynum líka að virkja Benediktu í að hjálpa og hún getur verið dugleg ef á það reynir.

Hannah Christina er farin að gera sig alltaf meira og meira skiljanlega og hefur maður bara gaman af henni hún gefur sko lífinu lit einginn fílupoki þar á ferð og á það nú eiginlega líka við um Alexander, nema hvað hann hlusta eingöngu á það sem hann vill heyra og þykist stundum vera heyrnarlaus, þvi ef maður segir nei við hann gerir hann það bara samt. Hann er orðinn ógurlega flinkur að hjóla og er gaman að fylgjast með þegar hann gerir hinar ýmsu kúnstir, ég viðurkenni það samt að ég er með hjartað í br. hann er nefnilega svolítill glanni. Hannah er líka oft að glannast og er prílandi upp í stólinn sinn og uppá eldhúsborð.

Alexander gerði tilraun til að gista með leikskólanum í leifimisal skólans, en það var hringt seint um kvöldið, því lítill ungur maður saknaði mömmu sinnar, svo ekki varð mikið úr því.

annars hefur lítið verið brallað hér, þar sem sumarfríið fór í veikindi mín en við fórum nokkrum sinnum í Djurssommerland og í dýragarð og svo fóru krakkarnir með pabba sínum í Randersregnskov, því það passaði svo vel að heimsækja mig og fara svo í regnskóginn. mig langar nú eiginlega að skreppa með krökkunum núna um helgina,því ég hafði lofað Alex það að við færum áður en það lokaði, þetta er eiginlega eini tíminn sem ég get farið.

En annars komu Andrea og Benni hér í heimsókn og voru hér í ellefu daga og var gaman að fá þau. og brenndu þau sig illa á sólinni enda voru þau afar heppin með veður.
ég er búin að sétja myndir inn á allar síður barnanna og væri mjög gaman ef þið vilduð kvitta fyrir ykkur ef þið farið þar inn, takk fyrir.

Nú ætla ég að sétja tærnar uppí loft þar til ég þarf að ná í börnin.
bless í bili, til þeirra fáu sem lesa þetta blogg, bæjó spæjó

Veikindi

2008-07-27T08:13:00.000-07:00

ég fékk helgarleifi af sjúkrahúsinu, eins og kannski einhverjir vita fór ég í uppskurð því ég hafði blöðru á einum eggjastokknum og hún var fjalægð ásamt stokknum, og svo átti allt að vera gott en þegar ég kom heim eftir aðgerðina sem var daginn eftir, leið mér alltaf ver og ver og var það útaf lofti sem var dælt í mig meðan á aðgerinni stóð. ég gat ekkert sofið um nóttina og var eini staðurinn sem ég gat verið á var að sitja við elhúsborðið, og var ég þar næstum alla nóttina án svefns, morguninn eftir hringdi ég í læknirinn og hann vildi fá mig samstundis og hann var ekki lengi að skoða mig, hann taldi að ég væri með blóðtappa í lunga, og við það að heyra orðið blóðtappi fór mig að svima svo ég hallaði mér uppað Adda. Læknirinn hringdi svo á sjúkrabíl og ég var keyrð uppa randerssjúkrahús. það var tekið blóð og læknirinn sagði að af þeim að dæma væri ég frekar með lungnabólgu. Sýklatalan var yfir 5000, en á bara að vera um 100. nú hófust hinar ýmsu rannsóknir og fékk ég strax sýklalif í æð og saltvatn því matarlöngunin fór alveg ég gat ekki einusinni drukkið vatn, hitinn var líka mjög hár. á mánudaginn síðasta kom læknir til min og sagðist ætla að skoða mig og fór ég í sónar, þar kom fram að ég hafði vökva í maganum sem átti ekki að vera þar, hann sagði að ég þyrfti í skönnun og kom í ljós að það var eitthvað þarna og læknirinn sagði að ég ætti að fara í uppskurð um kvöldið og var það um kl. 9 mér leið vel eftir uppskurðinn og hélt ég að nú væri ég í góðustandi. Það sem var fjarlægt var vökvi úr blöðrunni, ég fékk verkjalif í gegnum hrygginn, ég var ógurleg slöpp eftir þennann umgang en á miðvikudaginn eftir aðgerð leið mér aðeins betur en ógleðin kvarf ekki og var ég bara á salt og sykurvatni í æð svo þið getið rétt ýmindað ykkur hvernig ég lít út. Ég varð líka allltaf daprari og daprari og spurði eina hjúkkuna hvenær ég mætti eiginlega fara heim og hvenær ég lostnaði eiginlega við þetta ógeðslega lyf, en þessi engill sagðist ætla að athuga málið og kom svo á föstudaginn til mín og sagði að ég fengi að fara heim yfir helgina og hún lét mig hafa meðul með sem ég tek þrisvar á dag, en ég á að koma aftur í blóðprufu á mánudagsmorgun. Svo er bara að sjá hvað kemur útúr henni, fæ ég að fara heim aftur eða verð ég lögð inn það er spurningin. ég er óskaplega þróttlaus og verð að leggja mig á hverjum klukkutíma, ég er líka byrjuð að borða reglulega, ekki mikið í einu en það kemur. Ég vil svo þakka öllum þeim sem hringdu hérna reglulega útaf mér, maður sér hvað maður á marga að þegar eitthvað bjátar á ég fæ tárin í augun takk takk takk mín kæra fjölskylda. þette blogg er aðalega tileinkað mer og nú verð ég að fara að leggja mig, skrifa fréttir héðan seinna bless í bili.

loksins,loksins,loksins

2008-07-10T02:15:00.000-07:00

Ég hef bara ekki haft neinn tíma til að skrifa nokkuð hér, því ég hef haft nóg annað að gera. Ég vinn fulla vinnu og svo er það heimilið eftir kl.fjögur, og um helgar er það tiltekt og þessi litli garður sem við höfum hér og skemmtigarðarnir. En núna er ég heima í veikindafríi því að ég fékk slæman verk í kviðinn á þriðjudagsmorguninn og ég fór til læknis sem sendi mig svo til Randers sygehus í rannsókn og það kom í ljós að ég er með stóra blöðru á öðrum eggjastokknum og fer í aðgerð á mánudaginn þar sem hún verður fjarlægð.

Svo er hann Blessaði Garfield okkar dáinn og varð mikil sorg hér á bæ, sérstaklega hjá sjálfri húsmóðurinni, hann var bara einn af trúðum fjölskyldunnar, hann dansaði alltaf fyrir utan svalahurðina þegar hann vildi koma inn. Hann hvarf eina helgina og hélt ég að hann hefði bara farið á kvennaveiðar og hefur hann sennilega verið að því þegar hann varð fyrir bíl á Ryomgårdsvej. Við vorum að fara í Djurssommerland þegar uppgötvaðist að Benidiktu vantaði gleraugun sín og var snúið við og þá sá ég okkar elskulega kött liggja í vegkantinum. Fór jarðarförin fram hér í garðinum og var búinn til fallegur kross og ætlum við að kaupa fallegt tré eða blóm sem við gróðursetjum á leiðinu hans. Blessuð sé minning um þína stuttu ævi elsku Garfield. Ekki áttir þú níu líf varst rétt orðinn ársgamall. þegar líf þitt var tekið.

Fyrir utan þetta er bara allt gott að frétta héðan við erum búin að fara nokkrar ferðir í djurssommerland, og á sunnudaginn komu Andrés og Míra með okkur, og ég afrekaði það að fara í Piraten, þennan stóra rutscíbana og ég argaði svo mikið að ég varð þurr í hálsinum og öll aum og var líka með lokuð augun næstum allan tíman, en gott að þetta er yfirstaðið því nú fæ ég frí fyrir nöldrinu í Adda allavegana í bili. svo höfum við farið í skandinavisk dyrepark, þar eru dýr sem finnast hér í skandinavíu, og eru myndir af þessum dýrum inná barnalandssíðunum ásamt mörgum fleiri, það tók mig kvorki meira né minna en 5-6 tíma að setja myndirnar inná síðurnar enda held ég að það séu um 100 myndir inná hverju albúmi. Anita og Snæþór eru komin til danmerkur og eru búin að fá litla íbúð í Grindsted, en Snæþór er að vinna í litlum bæ nálægt Grindsted sem heitir Starup, svo er maðurinn sem leigir þeim að athuga með vinnu fyrir Anitu í legoverksmiðjunni i Billund, hann vinnur þar og sagði að það vantaði vinnuafl þar og það vantar líka á sjukrahúsið í Grindsted og er verið að athuga með það líka, svo vonandi rætist fljótt úr með vinnu fyrir hana.

Það er skrítið en dáltið þægilegt að vera næstum barnlaus hér heima, en Kristófer og Benedikta eru jú hér en tvö yngstu eru í pössun, svo næ ég í þau um kl. fjögur. Nu sit ég hér í tölvunni og Kristófer er úti að slá því ég má ekki ofgera mér dejligt.

Við höfum líka tvisvar verið boðin í mat til Andrésar og míru og höfum við haft það mjög huggulegt og næs, það er líka alltaf gaman þegar ég þarf ekki sjálf að elda, enda ét ég aldrei eins mikið og þá. Okkur var líka boðið í einsárs afmæli til Isabellu og fengum við ýmislegt góðgætið. mmm þær sem ég vinn með segjast ekkert skilja í því að ég sé ekki feitari því ég get borðað heil ósköp þegar mér er boðið upp á einhverskonar góðgætið enda eru þær duglegar við að koma með kökur og slik í vinnuna sem við borðum svo í pásunum.

einu sinni til tvisvar í mánuði fær Addi stóran pappakassa fullan með ávöxtum og grænmeti sem er alveg nýtt og hann borgar aðeins 200kr. fyrir þetta. það er t.d. stór vatnsmelóna og tveirpokar vínber og hellingur af eplum, plómum, gúrkum, tómötum og káli og bara ýmislegt annað góðgætið.

jæja ég læt þetta gott heita í bili sollan kveður með bros á vör, þið megið hugsa til mín á mánudaginn. FARVEL!!

Heima á ný, ferðasaga

2008-06-07T23:47:00.000-07:00

jæja þá erum við komin heim, ferðin gekk vel, þegar átti að fara til Íslands, vöknuðum við um kl.4 um nóttina, því við áttum að vera mætt í lestina rétt fyrir 6, lestarferðin tók um fjóra og hálfan tíma og vorum við með ferða dvd með sem börnin horfðu á og Hannah svaf langleiðina til flugvallarins, þegar við tékkuðum okkur inn voru færiböndin biluð svo við þurftum að bíða þónokkurn tíma, en svo gékk þetta einsog í sögu, ekkert var tekið af okkur þegar við gengum í gegnum tollinn, enda passaði ég mig á að hafa ekkert krem eða í fljótandi formi í handfarangrinum. Allt snyrtidótið var í töskunum. Krökkunum fannst þetta mjög spennandi ferðalag, þetta var í rauninni önnur flugferð Alexanders en hann var svo lítill þegar hann flaug fyrst að hann man ekki eftir því, hann sat út við gluggann, það var gaman að sjá hvað allt var stórfenglegt í hans augum. Hannah svaf líka mestalla flugferðina svo það er ekki hægt að segja annað en að hún sé þægileg að ferðast með. Flugvélin var ekki hálf, og við fengum góða þjónustu, ekki er hægt að segja annað.Það tók múgur og margmenni á móti okkur, mér leið bara eins og drottningu.

Fyrst fórum við í sveitina(Dæli), til að hvíla okkur því það var stór dagur daginn eftir,nefnilega brúðkaup þeyrra Önnu og Gunna. Þetta var mög góður dagur nema hvað að það var mikil þreyta í yngstu ferðalöngunum (Hönnuh og Isabellu) og þær voru mjög órólegar í kirkjunni, enda sofnaði Hannah fljótlega þegar við komum á rima þar sem veislan var haldin og vaknaði ekki fyrr en morguninn eftir.Daginn eftir var okkur svo boðið á möðruvelli í afganga og Anna og Gunni tóku upp gjafirnar.TAKK FYRIR OKKUR!!

Sunnudagurinn fór mikið í afslöppun og við fórum í heimsókn til Önnu Siggu, við héldum nefnilega að hún færi fljótlega utan en það hafði svo breyst.Frystihúsið var heimsótt, Addi skoðaði húsið með Kobba, en ég fór upp í kaffistofuna og sat á spjalli með Krillu á meðan, við kíktum svo í kaffi til hennar á eftir.

Svo fóru dagarnir í heimsóknir til ættingjanna,19. mai átti ég svo afmæli og var eldað eitt af uppáhaldinu mínu og það var hangikjöt, mmmm, og ég fékk líka nokkrar gjafir heppin ÉG. Okkur var boðið í mat til Nonna og Dóru, og var það annað af uppáhaldinu lambalæri, með mörgu gotteríi með mmm og krakkarnir fengu ís og við fengum ekta súkkulaðitertu og kaffi á eftir, við fórum til Krillu í fisk og er ekki oft sem við fáum svoleiðis gotterí, því fiskurinn hér er ekki svo góður.
okkur var líka boðið til Önnu og Gunna og fengum við þar léttreiktan lambahrygg og kjúklingalæri með ýmsu meðlæti, og desert og royal búðing (uppáhald Benediktu)og svo var drukkið örlítið rauðvín með matnum. Jóna bauð okkur í bjúgu og meðlæti daginn áður en við áttum að fara heim, hún var á tenerife og við gátum samt rétt náð að kíkja á hana.

Svo fórum við nokkrum sinnum í garðshornið til að kíkja á dótið okkar sem var þar í geymslu og var hent alveg heilum haug og annað var sett í kassa og sett aftur inn í hlöðuna. Benedikta fór líka oft í heimsókn til gamallar vinkonu sinnar hennar Ólöfu Maríu, og fóru þær nokkrum sinnum í sund, Benedikta kinntist líka frænku sinni henni Guðbjörgu Viðju og léku þær sér smávegis saman, Alexander og Daniel náðu líka vel saman enda báðir sveitamenn, með áhuga á hinum ýmsu tækjum.

Við tókum líka familíuna með í myndartöku, og var tekin mynd af Hönnuh því það vantar mynd af henni uppá vegginn og svo var líka systkina myndartaka og af allri fjölskyldunni.

Ef við vorum ekki í heimsóknum þá fór tíminn bara í afslöppun í Dæli og krakkarnir upplifðu það að sjá lömbin fæðast og svo voru líka kálfar að fæðast og Arnþór fór stundum útí fjós að moka flórinn, ég er nú svo mikil sveitamanneskja að ég fór einu sinni út í fjós að sjá hvernig tækninni hefur fleigt fram með robot og ég sá hvernig þetta fyrirbæri virkar, ef eitthvað er að þá hringjir robotinn heim og fyrst eftir að ég var komin svaraði ég í símann og skildi ekker í því að það vildi einginn tala við mig og sagði bara hallo halló og svo kom seint og um síðir mjaltastöðin með furðulegum róm og ég leit bara á Hönnu og sagði hvað var nú þetta.

Svo var komið að heimför, við fengum að vita það með stuttum fyrirvara að flugvélin skildi millilenda á keflavíkurflugvelli,það átti nefnilega að fylla vélina og biðum við í hálftíma en svo þegar flugvélin var að fara frá sagði flugstjórinn að þeir fengu ekki leifi til að fara í loftið fyrr en eftir hálftíma af því það væri svo mikil umferð, þannig að þetta varð um klukkutíma bið(gaman með marga krakka)Hannah aðvísu sofnaði og svaf langleiðina. Við vorum lent um ellefu um kvöldið sem var ágætt því við áttum miða í lestina sem fór kl.tólf. þegar við fengum töskurnar, var ein þeyrra opin og ég hélt að hún hefði sprungið en það er einhver sem hafði opnað hana og ekki lokað aftur, en það góða var að það vantaði ekkert í töskuna furðulegt.
svo var það bið eftir lestinni sem var svoltið erfið því að allir voru orðnir svo þreyttir. Á lestarstöðinni hitti ég svo Oddný dobba hún býr í Odinsø og var gaman að spjalla við hana. Eftir að við komum í lestina þá var Alexander flótlega sofnaður og Hannah sofnaði fljótlega á eftir, en hún benedikta hafði fengið svo slæmar hellur að hún skældi bara, á endanum þurfti ég að grafa í ferðatöskunni eftir panodil og fljótlega eftir að hún hafði tekið hana sofnaði hún, ég prófaði að sofna en það tókst ekki svo vel, ég hef mestalagi sofið í svona 10 mín. en ferðin var ok miðaðvið að það voru hópur af unglingum sem höfðu mishátt. Hölli tók svo á móti okkur á lestarstöðinni í Århus, og var brunað heim og sá maður rúmmið sitt í hillingum. Ég var nú svoltið hrædd um að yngra liðið vildi ekki sofna aftur þarsem klukkan var um sex að morgni.en þau gátu sofnað aftur og var sofið fram að hádegi.

Ég er svo búin að setja myndir inn á barnaland og þaðværi gaman ef þið kvittuðuð í gestabækurnar. Þetta er orðið gott í bili sollan kveður frá sólarlandinu Danmörk

Ísland, vi kommer nu!!

2008-05-13T00:15:00.000-07:00

Ég er baraheima núna, hún Hannnah mín er nefnilega veik með yfir 39 stiga hita, ég vona bara að þetta vari ekki lengi þar sem við erum að fara í ferðalag á föstudaginn yfir sundin blá, já það er enginn mánuður í ísland núna og ekki heldur ein vika það eru aðeins tveir dagar!!! og eru blendnar tilfinningar bæði kvíði og tilhlökkun. Það er búið að vera algjör rjómablíða hér og hefur hitinn farið yfir 30 gráður þegar hefur verið heitast, svo maður er á báðum áttum um hvort maður ætti nokkuð að vera að fara í kuldann á Íslandi. Ég held að Hannah hafi fundið það ásér að það væri ekki nóg að hafa bara einn dag til að pakka í töskur og gera húsið hreint, svo ég hugsa að ég noti tækifærið og klári hreyngerninguna og þvo þvott, mikil ósköp sem er til af þvotti ég hef ekki töluna á hvað ég er búin að þvo margar vélar bara á þremur dögum, það er einsgott að tauið er fljótt að þorna. Jæja mín kæru systkini þið megið fara að undirbúa komu drottningarinnar smá spaug :), það eru nefnilega næstum fjögur ár síðan að ég hef séð mörg ykkar, VÁ! ætli ég muni eftir því hvernig þið lítið út. Mig hlakkar til að sjá framan í Alexander þegar við komum því hann var aðeins tíu mánaða þegar fið fluttum hingað og man því ekkert eftir landinu og heldur hann á það sé hluti af Danmörk, og þar sem hann er líka þvílíka náttúrubarnið þá held ég að það verði gaman að sjá svipbrigðin hjá honum.

Benedikta er svo næstum flutt til vinkonu sinnar hennar Tönju, hún svaf nefnilega hjá henni alla hvítasunnuhelgina. svo höfum við farið í djurssommerland, og var það gaman einsog vanalega og erum við komin með sæsonkort, svo stefnan verður oft þangað. Addi prófaði nýja rússíbanan og segir hann að hann sé alveg geðveikur og er spennan alveg til hann stoppar aftur. Einusinni hafði ég mig í að fara í svona morðtól en ég er algjör skræfa orðin og bara þori ekki, en ég veit að ég fæ engan frið fyrr en ég hef farið einn túr, og er Addi alltaf að ýta á mig að prófa.

Hölli ætlar svo að vera hér og passa hús og dýr á meðan við erum í burtu og bara þökkum honum fyrirfram fyrir það, hann kom líka eina helgina og passaði fyrir okkur, því það hittist á að við áttum að vinna sama laugardaginn og ég veit ekki hvað við gerðum ef við hefpum hann ekki, þar sem allir eru svo langt í burtu.

en sú stutta er nú sofnuð á handleggnum svo ég er að hugsa um að nota tækifærið og gera eitthvað hér.

sjáumst síðar kæru vinir Sollan kveður í bili. BÆÓ!!!

hej

2008-04-24T11:51:00.000-07:00

Það koma myndir inná síðurnar um helgina, og svo verðiði að vera dugleg að kvitta

Kv. Sollan

2008-04-12T02:07:00.000-07:00

Páskarnir komu og fóru, ég var að vinna um páskahelgina og þegar ég fór að sofa var snjór yfir öllu og þá hugsaði Sollan afhverju er ég einmitt að vinna þessa helgi, ég þurfti nefnilega að keyra til Rønde og ná rútunni þaðan og það hafðist nú ég keyrði bara á 30 km. en þegar ég kom heim aftur var sólin búin að bræða allt svo ferðin heim gekk betur. eftir að ég var búin að vinna á páskadag, fórum við lengra uppá jótlandið í heimsókn til vina okkar Linnette og Bo og Borðuðum við páskamatinn með þeim, ferðin var ekki í frásögu færandi nema hvað að það byrjaði að snjóa þegar við nálguðumst ákvörðunarstað, og á mörgumstöðum var mjög hált og bíllinn okkar er ekki góður í snjó því hann er afturhjóladrifinn og stundum byrjaði hann bara að skauta og þá varð ég stíf og reyndar var ég alveg frosin til við komum til þeirra, og Addi blótaði þessu ferðalagi í sand og ösku, en málið er að Benedikta var þarna uppfrá og við urðum að ná í hana, svo þetta var stutt stopp og var ég þeirri stundu fegnust er við vorum lennt heilu og höldnu heima. Börnin fegngu sent páskaegg frá ömmu sinni og Óskari og þau fengu líka páskaegg sent frá Anítu og Snæþór ég þakka kærlega fyrir eggin þau eru ennþá að borða þau, svo miklir salgætisgrísir eru þau.

ég er smátt og smátta að venjast gleraugunum og pirrar það mig mjög ef kemur minnsti skítur á þau og hún Hannah mín er svo mikill stríðnispúki og er alltaf að káfa á þeim. þegar ég er ekki með þau þá tek ég alveg eftir því að ég er ekki með svo góða sjón, skrítið að maður geti verið með bygningsfejl(sjónskekkju) án þess að gruna að það er ekki í lagi með sjónina.

Um síðustu helgi var mikið að gera hjá mér, ég hafði lofað Benediktuað og Marie að halda spøgelsesfest(draugaparty) og komu um 10 stelpur. Var bökuð pizza og poppað og svo sáu stelpurnar um afganginn, þær höfðu það mjög huggulegt og svo sváfu um helmingurinn hér hinar fóru heim um 10 leitið. Addi var ekki alveg sáttur við þetta party og tuðaði og tuðaði þar til ég var orðin ansi pirruð og sagði nú er nóg komið ég nennti barasta ekki að hlusta á þetta lengur, maður verður nú annarslagið að gera eitthvað fyrir börnin. Á laugardaginn hafði Addi svo boðið allri hljómsveitinni í mat og eldaði ég önd eða endur með öllu tilheirandi og hafði svo ís og súkkulaðiköku í desert. þau voru mjög ánægð með matinn og sagði Lotte sofia(söngkonan) að hún kæmi í jólamatinn hjá okkur og var ég mjög ánægð með þetta hrós, þar sem önd er oftast höfð á jólaborðum dana. á fimmtudaginn fyrir þessa miklu helgi fékk ég snert af júgurbólgu en þraukaði daginn í vinnunni mjög veik, ég sagði bara við starfsfélagana að ég væri bara þreytt en ég vissi að ég var eiginlega fárveik og á leiðinni heim í bussnum hugsaði ég með hrillingi til helgarinnar framundan og svo hringði engill nefnilega mamma Bjarkar og spurði hvort að Alexander mætti fara með þeim heim og þið getið ekki trúað hversu fegin ég varð, ég hafði nefnilega enga orku eftir og vorkenndi sjálfri mér svo skelfilega. Um helgina var ég svo eiginlega búin að jafna mig svo þetta hafðist allt.

Addi og band eru svo að fara aðp spila á fullu og verður það fínn aukapeningur í búið.

Alexander er er algjört kvennagull og er ekki feiminn við að faðma stelpurnar að sér eða halda í hendur þeirra og hún Hannah mín er líka algjör gullmoli og ef manni líður illa fær hún alltaf brosið fram. hún dansar og hoppar og bara alltaf glöð, hún var hjá gestadagmömmu í síðustu viku og einn daginn hafði einhver verið að stríða henni og þá komu tár og dagmamman sagðist barasta hafa haldið að hún gæti ekki grátið.

ég vil óska Jóni Bjarna til hamingju með ferminguna og Patti minn og Hildur til hamingju með drenginn, við sjáumst eftir einn mánuð!!

33 dagar til Íslandsferðar . Hafið það gott til næst, Sollan kveður í stuði bæó

O.B.S

2008-03-25T07:32:00.000-07:00

Buin að skrifa færslur inní vefbækur barnanna, skrifa hér seinna

mikið að gera

2008-03-04T08:04:00.000-08:00

já, ég hef haft í ansi mörgu að snúast núna undanfarið enda tvöföld vinna, vakna kl. 4.50 að morgni og fer í rúmmið milli 9 og 10, svo það er ekki mikill tími fyrir bloggskrif. en þetta er fín vinna sem ég er í og ætla ég bara að vera þarna áfram, starfsandinn er frábær og er skipst á að kaupa morgunbrauð á föstudögum og sitjum við saman í morgunpásunni og borðum nýbökuð rúnstykki mmmmm.Það þarf ekki mikið til að gleðja solluna. vinnan er ekki eingöngu þrif, heldur sjáum við líka um morgun og hádegisverð fyrir súklingana, og að panta úr eldhúsinu það sem vantar. Dagarnir bara hverfa. Ég varð aðvísu veik í síðustu viku og fékk ég júgurbólgu á kusumáli, því Hannah mín er enn á brjósti og passaði ég mig ekki nógu vel í kuldanum sem er búinn að vera, svo ég fékk háan hita og lá í rúmminu í einn dag.

Addi spilaði í fyrstasinn með bandinu núna síðasliðinn föstudag og skilst mér að tæknin hafi verið að stríðaþeim eitthvað svo hann kom ekki mjög ánægður heim og þau fóru öll og drekktu sorgum sínum í öli, nema Addi sem getur ekki sofið annarstaðar en heima, hann var nefnilega búinn að fá inni hjá Thomasi, en hann ákvað svo bara að køre hjem.

Það var skólaskemmtun í Thorsagerskóla á fimmtudaginn var, og sýndu stelpurnar í öðrum og þriðjabekk magadans, og það var ýmis skemmtun í gangi, en Bennan neyddist til að fara án foreldranna,ég var veik og Addi fór á æfingu með bandinu.

Alexander er alltaf hinn hressasti og dansar og syngur í leikskólanum, svo skemmtilegt er lífið hjá honum, segja dömurnar þar, hann kom nefnilega í gær á móti mér og hoppaði og trallaði og þær sögðu að hann væri alltaf svona sýkátur.

Í dag var Hannah í afmæli hjá Noah, hann varð einsárs og var bara gaman hjá henni, það er alltaf stutt í brosið hjá henni, þó hún sé núna svoltið kvefuð og með hálsbólgu, enda hefur hitastigið rokkað mikið upp í hita og niður í mikinn kulda.

jæja ég verð að fara að elda, það gerir það enginn annar. svo si u later :) bless í bili Ísland eftir tvo og hálvan mánuð eða 73 daga jibbí jeje

Arbejde, Arbejde, Arbejde !!!!!!!!!!!!!!!!

2008-02-07T00:24:00.000-08:00

jesssss!!
ég er búin að fá vinnu jibbý, það er við hreyngerningar í Børne og ungdomspsykiatrisk Center Risskov. Það er geðsjúkrastofnun fyrir ungabörn og uppí 21 árs gömul börn ef börn megi kalla. Ég byrjaði í gær með því að fara á námskeið í konflikthåntering(árekstrabeiting)þ.e hvað maður á að gera ef maður lendir í árekstrum við börnin, hvernig maður eigi að komast sem auðveldast úr jafnvel lífshættulegum aðstæðum. Ég er í fríi í dag og á morgun en vinn svo um helgina, og þær spurðu mig hvort ég væri nokkuð hætt við en ég sagðist nú mæta, það þyrfti meira til að ég mætti ekki. ég vinn 37 tíma á viku og mæti oftast kl. 6.30 og þarf að taka rútuna kl. 5.30 ef ég fer með rútu annars er ég um 20 mín að keyra þetta. Addi er búinn að breyta vinnutímanum sínum og byrjar núna alltaf kl. 9.00 og er til kl. 18.00þannig að hann fer með börnin um morguninn og ég sæki þau svo þegar ég kem heim.

Ég fór svo og náði í þessi ódýru gleraugu, sem ég notabene þarf að ganga með og þarf ég að venja mig við þessa breytingu. t.d. klæjar mig ansi mikið á nefinu. En það skrítna er að ég hef séð veröldina í ansi óhreynu ljósi. Fyrst eftir að ég setti gleraugun upp var ég alltaf að líta uppfyrir þau og viti menn ég sá miklu skýrar og ég hef alltaf haldið að ég væri með næstum fullkomna sjón og þyrfti aðeins lesgleraugu.

Um síðustu helgi var fastelavn og byrjaði það með því að Benedikta og Alexander klæddu sig út að föstudeginum og fóru í skóla og leikskóla, Benedikta sem Heks og Alexander sem Bathman og var sleginn kötturinn úr tunnunni. Við fórum í kirkju að sunnudeginum, það er nefnilega hefð hér að fara í kirkju kl.10.00 með börnin útklædd í ýmis gerfi, og á eftir er okkur boðið í fastelavnskaffi og kötturinn er sleginn úr tunnunni(góð hefð). kl. 14.00 fórum við svo í samkomuhúsið einnig í fastelavnsfest, það kostaði aðvísu 20 kr. inn en við fengum bollur og börnin fengu nammipoka fyrir utan allt nammið sem var í tunnunum sem voru svo slegnar sundur og saman og var það í fyrsta sinn sem Alexander vildi taka þátt í því gamani(og koma bráðum myndir inn á síðurnar þeirra af því). Benedikta fór svo með vinkonu sinni henni Tanyu að rasla(hringla) og þær rösluðu til kl. 20.00 um kvöldið, og fengu gott peninga og fleira. Hér er farið í heimahús og sungið og börnin fá bollur, peninga eða eitthvað annað. Í gær fór Hannah í legestuen og var sleginn kötturinn úr tunnunni og borðaðar bollur, hún var klædd út sem álvamær.

Á sunnudagskvöldið fann ég svo að Hannah var heit og mældist hún með 38 gráður, og eftir að börnin voru sofnuð tók ég eftir að Alexander andaði ansi ört og mældist hann líka með um 38 gráður, þannig að þau tvö hafa verið heima fyrri part vikunnar. Hannah fór í gær til dagmömmunnar en Alexander fór fyrst í leikskólann í dag.

Addi fékk ekki vinnuna en það þýðir ekki að láta deigan sýga og það er um að gera að halda áfram að sækja um, sækja um og sækja um. En maður finnur það núna hvað það hefði borgað sig að hafa farið í skóla og hvet ég börnin mín óspart til að halda áfram og láta ekki aðrar freystingar hefta för. Ég er kannski ekki að tala um að þið eigið að verða einhverjir proffar en finna sjálfið í ykkur og hvað þið viljið gera við ykkar líf og fara í nám sem hæfir ykkur, og þá eru allir vegir færir. Andrea er á málabraut í fjölbrautarskóla sauðárkróks og Aníta er að hugsa um að fara í skóla þegar hún kemur hingað út og er ég mjög stolt móðir.

Jæja nú er bara að reyna að fara að gera eitthvað hér heima, en þegar ég byrja daginn á að setjast við tölvuna verð ég hálf frosin og nenni barasta ekki að hreyfa mig.

Sollan kveður í bili, 99 dagar til Íslandsferð !!! bæó

já já já !! ég veit.

2008-01-28T05:21:00.000-08:00

jæja góðir hálsar :)
ég veit, ég veit!!
ég hef ekki verið neitt dugleg við að blogga, enda er andleisið svo yfirþyrmandi núna. Það eru líka þeir tveir mánuðir sem ég vildi helst vera í rúmminu allan daginn.
En það skín þó stökum sinnum sólin og vermir mér um hjartað, sollan svolítið háfleyg. við vorum svo heppin að vera boðin í mat til Sigrúnar Evu og Bjarna á laugardaginn, (ég er nefnilega svo ánægð þegar ég þarf ekki að elda sjálf)og fengum við alveg æðislegan mat,kjúklingarétt og ís og súkkulaðiköku á eftir mmmmmmm þetta var bara svo gott. ÉG hef alltaf bakað pizzu á föstudögum alveg frá því að elstu stelpurnar voru litlar og það er það eina sem ég fæ aldrey nóg af, þær eru nefnilega svo góðar pizzurnar mínar, miklu betri en frá þessum pizzastöðum ;)

ÉG fór í tékk útaf augunum,(var farin að sjá hálf illa þegar ég var að lesa og horfa á sjónvarpið og fékk stundum höfuðverk) það er nefnilega útsala á umgjörum, sem kostar bara eina krónu, svo ég ákvað að fara í tékk, sem kostaði ekki neitt, en það kom svo í ljós að ég var með bygningsfejl (veit ekki hvað þetta heitir á íslensku)á öðru auganu og svo er það nú eðlilegt að fólk á mínum aldri þurfi að fá sér lesgleraugu. Ég valdi mér umgjör sem kostar bara eina krónu en glerin sjálf kosta um sjö þúsund takk fyrir, ég ætlaði bara nefnilega að vita hversu sterk í + eða - ég þyrfti svo ég gæti bara fengið mér svona búðargleraugu til að vera með þegar ég les.

Addi fór í atvinnuviðtal um daginn, Lísa vinkona okkar benti á þetta og lagði einnig inn gott orð,( þetta er eitthvað í sambandi við tölvur) og þetta viðtal gekk bara mjög vel, við bíðum bara eftir því að hann hafi samband aftur, og krossa ég fingurna og tærnar í bak og fyrir því að ef hann fengi þetta starf þá myndu launin tvöfaldast og það fylgja einnig ýmis fríðindi einsog t.d. síminn, internetið og fleira. Það yrði ekkert amarlegt. ALLIR KROSSA FINGUR !!!!

það er svo ekkert svosem að frétta héðan, ég er bara að leita mér að vinnu og hef neyðst til að leita alla leið til Århus, annars var að koma í póstinum bréf frá social- og sundhedsskolanum og ég kemmst inn í mai ef ég vill ennþá fara í þetta, en annars hef ég meiri áhuga á skrifstofuvinnu og bókfærslu. svo það er aldrei að vita en ég þarf samt að hugsa vel hvað ég vil gera því ég þarf að láta vita nú í byrjun febrúar.

Börnin eru við hesta heilsu og það verður fastelvn núna um næstu helgi og ætlar Benedikta að vera Heks (norn), Alexander ætlar að vera bathman(leðurblökumaðurinn) og Hannah ætlar að vera fe (álvamær).

jæja þetta er nú barast nóg í bili verð að hugsa mér til hreyfings og ná í gullmolana tvo, til dagmömmunnar og í leikskólann.
það verður vonandi ekki eins langt til næstu skrifa. En til næst kveður sollan í svona þokkalegu ásigkomulagi:) vor vor vor, og Ísland eftir 109 daga. bæó!!!!

Það er komið nýtt ár !!!!!!

2008-01-02T23:50:00.000-08:00

já enn eitt ár er runnið sitt skeið og 2008 komið. Gleðilegt ár til ykkar allra.
Það er erfitt að byrja aftur eftir svona langt frí, ég dröslaðist þó framúr 07.20 til að koma Benediktu í skólann og koma litlu grislingunum í pössun.
Við vorum hjá vinum okkar Linnette og Bo yfir áramótin og var það þægilegt, þó að maður hafi saknað þess nú að vera ekki heima, en það er alltaf gaman að gera eitthvað annað en þetta venjulega. Benedikta fór til þeirra tvem dögum fyrr og við keyrðum svo uppeftir á gamlársdag og tókum við hundinn með, en skildum köttinn eftir heima. Í áramótamatinn var í forrétt stjerneskuð(stjörnuhrap)sem saman stendur af steiktum fiski, rækjum, brauði, kaviar, sítrónu, remolaðe, og hvítri dressingu. og var þetta mjög gott. Í aðalrétt var meatloaf(kjöthleifur)með alskonar grænmeti og kartöflum og bökuðum perum, mmmmm þetta var líka ógurlega gott, og síðast kom svo bananasplit, það var heldur ekki af verri endanum. Svo var sest inn í stofuna og farið í leik sem sem ég man ekki hvað heitir og borðað salgæti og ýmislegt annað. Það er eitt sem danir eru fastheldnir á það er alltaf sýnt sama leikritið í sjónvarpinu rétt fyrir áramótin, og Linnette sagðist muna eftir þessu fráþví hún var barn og þetta væri á hverju ári, kostulegt. Svo var skotið upp um miðnætti og var það ekkert í líkingu við hér í Thorsager eða á Dalvík, því á báðum þessum stöðum verður allt vitlaust. Við vorum jú í sveitinni en sáum skoteldana frá öðrum í fjarska. Ég var þó inni mestan tímann því börnin okkar Adda eru ekki mjög gefin fyrir flugeldana, þó var Alexander hugaðri en Kristófer og Benedikta voru sem börn, því þau skriðu undir stofuborðið meðan á skothríðinni gekk, hann þorði þó að standa við gluggann.
Það eru líka margir, ég segi kannski ekki allir danir búnir að taka niður jólaskrautið og jólatréð farið, fyrir áramótin. Benedikta spurði mig afhverju jólaskrautið væri ennþá uppi, og ég spurði hana afhverju hún spurði, þá sagði hún að það væri komið nýtt ár og þá ætti jólaskrautið ekki að vera lengur. Ég sagði henni að jólin væru alveg til 6. jan og jólaskrautið færi ekki niður fyrr. Mér finnst nefnileg þessir tveir mánuðir sem eru að skella á, janúar og febrúar svo drungalegir og leiðinlegir að jeg vildi hafa allt heimsins skraut og ljós bara til að komast yfir þessa mánuði, en blessað jólaskrautið fer niður 7. janúar.
jæja nú er ég alveg sprungin á limminu og veit ekkert hvað ég á að skrifa um meira.
Ég ætla að fá mér morgunverð. svo sjáumst síðar nú verður talið niður til Íslandsferðar 134 dagar til brottferðar, virðist langt en tíminn vonandi flígur áframm það er jú hlaupár.
hafið það gott :) sollan kveður að sinni með sól í hjarta þó að snjói úti.
bæó

Jólakveðjur, og fregnir

2007-12-27T05:49:00.000-08:00

Gleðileg jól til allra vina og ættingja nær og fjær og gott nýtt ár vonandi hefur jólahaldið farið vel fram allstaðar og jólasteikin runnið ljúflega niður, jólin voru með rólegu sniði hér núna enda aðeins fimm á heimilinu.
Hannah varð einsárs 21. des og hélt hún uppá það hjá dagmömmunni með muffins og bollum, svo buðum við nokkrum í heimsókn hingað í smá afmæliskaffi daginn eftir, í glögg og eplaskífur og svo nátturulega voru afmæliskökur.
Vil ég þakka fyrir allar afmælisgjafirnar til hennar.
aðfangadagur var líka með rólegu sniði, við borðuðum kl.6 andarsteik a hætti dana í forrétt var aspargussúpa og risalamande í eftirrétt, og vann Benedikta möndluna sem betur fer, hún hafði miklar áhyggjur af því að fá ekki möndluna, hún er svoltið tapsár blessunin.
Það tók okkur u.þ.b klukkutíma að borða enda var nógur tíminn, svo var gengið frá eftir matinn, helltuppá könnuna og rauðvíni hellt í glösin, svo var sest inn í stofuna og byrjað að taka upp pakkana. það tók u.þ.b tvo klukkutíma því svo mikill var fjöldinn af pökkunum. Við viljum þakka kærlega fyrir allar gjafirnar, við fengum nátturlega alveg hellinginn allann af konfekti og íslensku nammi takk fyrir það.
eftir að við vorum búin að opna gjafirnar þá fórum við í að skoða dótið sem við fengum, það var nú samt léleg ending í liðinu því krakkarnir vöknuðu kl. 6 um morguninn og því voru þau sofnuð um ellefu og svo var móðirin eitthvað slöpp og telur hún að það hafa verið spennufall vegna þreytu, svo að hún var einnig í bólinu um svipað leiti og krakkarnir, en vaknaði svo hress daginn eftir.
Á jóladag komu svo Andrés, Míra og Ísabella, í hangikjöt og fínerí og var æðislegt að fá þau hingað í heimsókn, léku þær sér alveg ljómandi vel saman, frænkurnar Hannah og Ísabella og skröfuðu heilmikið saman og var gaman að sjá, annann jóladag höfðum við það næs og spiluðum matador með sigri Adda en Benedikta stóð sig alveg ljómandi vel en sollan fór á hausinn og misti allt sitt, au au aumingja ég.
Alexander mældist svo með 38 gráður um kvöldið og er enn veikur.
Addi þurfti að skreppa í vinnuna í dag og kemur heim kl. 6 en er svo í fríi á morgun og fram yfir áramót.
Þetta er svona í stórum dráttum það sem á daga okkar hefur drifið við vitum ekki alveg hvað verður um áramótin, en komið hefur til tals að skreppa uppá land til vina okkar Linnette og Bo, en ekkert er ákveðið ennþá.
Hafið það gott yfir hátíðina og ég rita eitthvað hér síðar, það fara svo að koma afmælismyndir og jólamyndir inná barnalandssíðurnar.
Sollan kveður í þokkalegu jólastuði þó að það vanti helminginn af fjölskyldunni.
þúsund kossar og jólaknús til ykkar allra. bæó spæó

Jólin jólin aalstaðar

2007-12-10T05:39:00.000-08:00

jú nú eru bara tvær vikur í þau, skrítið Hannah að verða einsárs og mér finnst einsog það hafi verið í gær sem ég lá á Randers sjúkrahúshótelinu, mikið líður tíminn hratt.
Í augnablikinu er ég að vinna sem vikar í gestahusinu í Mørke, við erum þrjár að passa uppí tiu börn, en það hafa verið svo mikil veikindi hér að í síðustu viku fór það niður í fjögur börn.
Stelpurnar mínar eru svo komnar og farnar aftur, og í lok dvalarinnar kræktu þær sér í þessa pesti sem tröllríður Danmörku núna, og lágu þær síðasta daginn með magapesti,og Arnþór lagðist líka og helgina áður lágum ég, Benedikta og Alexander, en Alexander slapp best við þessa pest en Benedikta varð svo veik að á tímabili leist mér ekki á blikuna, það virðast fáir sleppa við þetta, svo í gær fékk ég aftur í magann en það fór niður en ekki upp.
Ég er svona hægt og sýgandi að undirbúa jólin og þegar stelpurnar voru hér notaði ég tækifærið og fór í laufabrauðið, og við fengum sent með Anítu, (hangikjöt) takk fyrir það Hanna Stína og Óskar, ég er búin að baka tvær svortir af smákökum, og ætla ég að baka svona fjórar svortir til viðbótar. Ég er líka búin að kaupa allar jólagjafirnar, og sendum við Anítu og Andreu með gjafirnar heim til Íslands.
Það er svona smá herpingur í hjartanu minu yfir að hafa ekki eldri börnin hér yfir jólin en svona er þatta nú bara, fuglarnir flúga úr hreiðrinu, og ekkert er við því að gera.
Á föstudaginn seinasta var jólahúllumhæ í leikskólanum, með eplaskífum, glöggi og fleira, svo kom jólasveinninn í heimsókn og áttu börnin að leita að garni í skóginum og fengu þau nammi poka í staðinn, þetta var mjög gaman.
Ég og Arnþór fórum á laugardaginn með STARK á jólahlaðborð mmmmmmmmmmmm ég get ekki sagt annað við átum á okkur gat í bókstaflegri merkingu, og drukkum í hófi þó að það hafi verið frír bar, en orsökin var sú að við þurftum að fara í kirkju daginn eftir, því það var slútt hjá minikonfirmanden(mini fermingarfræðslu)og var hádegisverður á eftir. Hölli, Cecilie og Liv voru hér á meðan við fórum á jólahlaðborðið, og þökkum við þeim fyrir það.
Alexander fór til tannlæknis á fimmtudaginn seinasta og var önnur framtönnin dregin úr honum, og ástæðan fyrir því er sú að hann hefur fengið svo mörg högg á tennurnar að það var komin sýking fyrir ofan tönnina og taldi tannlæknirinn að best væri að tönnin færi svo hún eiðileggi ekki fullorðinstönnina, svo nú er hann bara með eina frammtönn í efri góm, og er hann ekki alveg sáttur við það, en það kemur önnur í staðinn vonandi eftir ekki svo mörg ár.

jæja þarf ég nú að fara að hugsa mér til hreyfings, og ná í Hönnuh til dagmömmunnar. svo sí u later, og ef einhver les þetta blogg þá er velkomið að kommenta. Sollan kveður með stæl einsog alltaf, FIMM MÁNUÐIR TIL ÍSLANDS FERÐ!!!! bæóoooooo

úr einu í annað =0)

2007-11-20T14:16:00.000-08:00

ok ;)
ég veit aldrei hvernig ég á að byrja þessi blessuðu blogg.
En svo er mál með vexti að ég bíð bara enn eftir svari frá dagmömmuskrifstofunni, ég hringdi í dag og sagði daman að ég fengi svar kannski seinna í vikunni eða í byrjun næstu viku, þær eru búnar að koma og skoða húsið og voru að ég held mjög ánægðar og þó sérstaklega með garðinn og umhverfið í kring. Þær töluðu líka um að það ætti að opna gestahús í Rønde, þá eru ekki nein föst börn heldur er þetta fyrir þau börn frá dagmömmunum sem eru í fríi eða eru veikar. Þær spurðu mig hvort ég hefði áhuga á því ef það vantaði ekki dagmömmur í Thorsager, og auðvitaqð sagði ég bara já við því. Svo er bara að sjá hvernig þetta þróast, ég vona samt frekar að geta starfað hér heima, það er nátturlega betra þá get ég haft Hönnuh hjá mér og svo eru launin betri vegna skattafrádráttarins. Þið megið alveg hugsa til mín, því stundum er ég bjartsýn og hittslagið er ég svartsýn, Addi er svaka bjartsýnn og segir bara að ég fái djobbið.

Ekki meira um það Alexander átti afmæli 11. nov og bakaði ég þrisvar súkkulaðiköku. fyrst bakaði ég á afmælisdaginn fyrir heimafólkið, svo hélt hann uppá afmælið í leikskólanum, og til síðast hélt hann uppá afmælið fyrir fjölskyldu og vini á laugardaginn síðasta og buðum við í morgunkaffi með öllu tilheyrandi og nátturlega kökum á eftir. Þetta var mjög góð tilbreyting og var hellingur eftir af deginum þegar veislunni slúttaði.

vil ég svo nota tækifærið og óska Hönnu Stínu til hamingju með afmælið, minnið er aðeins betra en það var í fyrra, fattarinn var nefnilega tvem vikum á eftir áætlun. en til hamingju með daginn.

Á mánudaginn fyrir rúmri viku síðan var dagur helvítis, því að ég veiktist svo rosalega, vaknaði ég um morguninn með mikinn höfuðverk og ég verð aldrei veik svo ég hunsaði þessa viðvörun. Ég þurfti nefnilega að fara með Benediktu til barnalæknis í Århus, og ætlaði ég að nota tækifærið og versla allar jólagjafirnar, svo við tókum daginn snemma eftir að við skiluðum Hönnuh til dagmömmunnar, tókum rútuna til Århus. Ég lagði mig á leiðinni því að höfuðverkurinn var ekkert á undanhaldi, svo skelltum við okkur á lestarstöðina þar er nefnilega verslunarmiðstöð og ætlaði ég að versla þar allar jólagjafirnar og Alex og Hannah fengu pening frá ömmu sinni í afmælisgjöf og ætlaði ég kaupa jólafötin fyrir þann pening, og náði ég því með herkjum á eftir settist ég á einn bekkinn á ganginum með höfuðið á milli hnjánna, kom þá maður til mín og spurði hvort hann gæti gert eitthvað fyrir mig og hvort hann ætti að hringja í Falk(sjúkralið), ég sagði honum að ég væri bara veik og ætti í rauninni bara að fara heim. Þið getið rétt trúað því að ég óskaði þess svo að vera uppí rúmmi og sofa þetta úr mér og HVAÐ VAR ÉG AÐ GERA Í ÅRHUS. Það endaði með því að ég fann ælunna uppí hálsinum og fór á klósettið en heppin ég þau vöru öll stífluð, svo ég neiddist til að fara þaðan út og gekk ég um FFFFF gangana og rauk út til að fá mér frískt loft en það hjálpaði skammt og endaði ég með að kasta upp í eina ruslatunnuna í Brunsgallerí, en það var á bakvið eina súluna sem er þar svo ég held að það hafi ekki margir tekið eftir þessu en annars veit ég það ekki því ég var svo önnum kafin við að æla(aumingja Benedikta). Ég hringdi í Adda og bað hann um að afpanta tímann hjá lækninum,svo var ekkert annað en bara að koma sér heim. Náði ég nú að halda það út í rútunni á leiðinni heim en var ég þó með poka við hendina, svona ef ske kynni. Þegar heim er komið skreið ég bara beinustuleið í rúmmið og svaf til hersingin mín kom heim, þá var nú ekki mikill svefnfriður. En svo byrjaði gamanið aftur og mátti ég ekki drekka einn dropa þá kom hann upp aftur. Ég hélt að stundin væri upprunnin, Addi varð nú að sjá um börnin og allt annað. En morguninn eftir hafði ég nú fengið lystina, en fyrst núna er ég farin að getað drukkið kaffi án þess að klýja við því eða lyktinni af því. Er ég að velta því fyrir mér hvort þetta geti hafa verið matareytrun, því ég er sú eina á heimilinu sem hef veikst svona.

Við erum búin að panta farið til Íslands og er það 16. mai eftir aðeins nokkra mánuði og ætlum við að stoppa í 10 daga, við erum að fara í brúðkaup Önnu Sigrúnar og Gunna og svo kíkjum við á ættingjana eitthvað.

Aníta og Andrea eru að koma núna á föstudaginn!!!! vá hvað ég hlakka til að fá þær hingað. ég er að hugsa um að fara til Rønde á morgun og kaupa jólagjafirnar, því ég nenni ekki til Århus, svo ég verði búin að því áður en þær koma.

jæja best að fara að halla sér enda er þetta orðið ansi langt blogg. KNUS TIL YKKAR ;) Sollan kveður að sinni bbbbbbbbbbbæææææææææææææóóóóóóóó

hejsa !!!!!!

2007-11-02T05:00:00.000-07:00

jæja er ekki mál til komið að rita eitthvað hér.
í augnablikinu er ég atvinnulaus, en ég er bjartsýn á að ég fái dagmömmustarf, sem er ekki verra því hvað er betra en vera heima og passa börn labba út í skóginn og vera bara úti með þeim og svo eru launin ekki slæm yfir 18000 kr. danskar næstum allt í vasann, Addi hefur meiraðsegja verið að íhuga að gerast dagpabbi, þegar ég fór á fundinn hjá dagmömmuskrifstofunni, voru þær að ía að því að það væri gott ef að hjón tækju sig saman og ynnu heima sem dagplejer. Það er kona að koma og skoða húsið og tala við mig á fimmtudaginn næsta, og þá veit ég svona nokkurnveginn hvernig staðan er, Hannah var að byrja hjá dagmömmu í gær og aðstaðan hjá mér er betri en hjá henni svo bjartsýnin hefur farið uppávið undanfarið.
Þið megið svo alveg krossa fingur fyrir mig.

Í gær eftir skóla komu fjórar glaðlyndar stelpur í heimsókn, með Benediktu meðtaldri, það voru stelpurnar úr sveitinni, foreldrar þeirra eru í óðaönn að undirbúa flutninga svo þær fengu að vera hér á meðan, það endaði svo með að þær gistu hjá okkur því að foreldrarnir komu svo seint heim og þær þurftu jú að fara í skólann í morgunn, en þetta var bara skemmtileg tilbreyting frá vananum en morguninn var þó svolítið strembinn, að þurfa alltíeinu að hugsa um þrjá til viðbótar, það er nefnilega nógu strembið að koma mínum af stað á morgnana.Þau eru að flytja núna um helgina omg. það verður ekki gott en við heimsækjum þau eftir ekki svo langann tíma.

Alexander er svo að verða 4.ára og erum við að hugsa að breyta útaf vananum og bjóða fólki í morgunkaffi, það verður ábyggilega mjög huggulegt.

Nú er mömmuhópurinn hættur að hittast nema við erum nokkrar sem höfum farið út að ganga og er ég nú hálf leið yfir því þetta var nefnilega svo magnað að hittast svona aðrahverja viku og spjalla og drekka morgunkaffi saman, en svona er þetta bara allt tekur það enda.

jæja ég nenni ekki meiru ég læt vita hvernig fer með dagmömmustarfið, ef ég fæ það ekki þá er ég búin að sækja um í social og sundhedskolen svo ekki er öll von úti með starf.

men senere Knus og kramm fra mig :)

hilsen solla bestasta

10 góð ráð fyrir jafnvægi daglega.

2007-10-02T13:51:00.000-07:00

# Lærðu að þekkja stresseinkenni þín, hlustaðu á líkamann þinn.

# Hugsaðu jákvætt. Brostu til heimsins!

# Hættu að láta eitthvað skaprauna þér.

# Hugsaðu um afhverju þú ert önnum kafinn. Er það yfirhöfuð nauðsynlegt?

# Ef þú hefur það ekki gott á einhverju svæði í lífinu, t.d. í vinnunni- þá skaltu leita eftir að hafa það gott með vinum og fjölskyldu.

# Gerðu aðeins einn hlut í einu og einbeittu þér að því sem þú ert að gera.

# Skipuleggðu pásurnar þínar.

# Finndu þér áhugamál. Hugsaðu um eitthvað annað en vinnuna og skuldbindingar.

# Finndu hvað það er sem stressar þig-settu kröfu á sjálfa(n) þig, frama, vinnu, fjárhag. Gerðu breytingar!

# Láttu vera með að taka sorgirnar fyrirfram. það kannski gerist samt sem áður aldrei.

Vildi bara deila þessu með ykkur, var nefnilega á fundi hjá leikskólanum, þar sem m.a var talað um stress og fengum við þessi ráð með heim. VÆRSGO!!!!!

ALT MUGLIGT !!!

2007-09-25T05:01:00.000-07:00

Hejsa !!
Þá er nú mál að blogga. Ég hef nú sótt um mörg vinnuplássin og ekkert gengið enn sem komið er, ég hef verið kölluð í eitt viðtal og ég veit nú ekki hvort ég á eitthvað að vera að tíunda það hér, en semsagt gekk það ekki vel, að mínu mati. Ég er ekki góð í að tala og öfunda ég Adda af þeim eiginleikunum. Ég á frekar (MJÖG) erfitt með að hæla sjálfri mér, en nú ætla ég að prufa án þess að segja djók á eftir. Solla mín þú ert best, þú ert góð sál, besta móðirin í allri veröldinni( segja börnin mín)allir elska þig, því þú ert svo frábær, þú ert hefur allt sem til þarf í þetta starf. Það vantar dagmömmur á svæðið og er ég að fara að sækja um það, dagmömmurnar vinna að vísu 48 tíma á viku en ég var nú vön að vinna myrkranna á milli á Dalvík og svo fá dagmömmurnar margt á móti fyrir að nota sitt eigið heimili og kommunan reddar öllu sem við þurfum að nota.
svo segi ég að ég geti ekki talað um sjálfa mig, en þá að öðru krakkarnir eru búin að vera veik þ.e Alexander og Hannah, Alex var með hálsbólgu og hita um helgina og núna er Hannah veik með það sama og þau eru með ljótan hósta.
Hannah er komin með dagmömmupláss og heitir dagmamman Gitte og býr niðrá Thorsgade, ég fæ að vita í næstu viku hvenær hún getur byrjað, við vorum í heimsókn þar í gær og líkaði bara vel.
Alexander er byrjaður að hjóla og er ég nú með lífið í lúkunum, því hann er svoltill glanni, en hann er ekki alveg búinn að ná tækninni við að fara af stað svo við þurfum alltaf að hjálpa honum.
Við fórum í haustmessu síðasta sunnudag, því minikonfirmanden( krakkarnir í þriðja bekk) tóku þátt í guðsþjónustunni og sungu lag fyrir okkur foreldrana og aðra sem komu til kirkju, hér eru byrjað að undirbúa krakkana fyrir fermingu í þriðja bekk, svo að Benedikta fer einusinni í viku í fermingarfræðslu.
Við erum svo búin að selja bílinn og fengum við 70.000 danskar kr. fyrir hann, sem er alveg ágætt og erum við svona eiginlega búin að festa okkur annan bíl, það er mitsubishi L300 sjö manna, því það hefur verið hálfgert problem með að fara eitthvað þegar eldri börnin hafa verið í heimsókn, svo ég vona að þessi bíll standist okkar kröfur.´
Jæja þá ég verð víst að fara að hætta þessu í bili er að fara í foreldra viðtal í skólanum. svoooo si u later :) knus og kram frá Sollu FRÁBÆRU.

ATVINNULEIT!!! og fleira

2007-09-06T12:15:00.000-07:00

Hejsa!!!
ég er byrjuð á fullu í atvinnuleitinni og er ég búin að sækja um á ca. 10 stöðum, flestum þó sem sosu-hjælper(hjálpa gömlu fólki í heimahúsum), og bíð ég eftir svari frá tveim og eitt sem ég sótti um var í ungdómsklúbbnum hér í Thorsager, það hefði verið frábært ef ég hefði fengið það byrjað kl. ellefu og unnið til fjögur -fimm það er ekkert að því og það bara í göngufæri og hvað er betra en vinna með börnum og unglingum, en ég hef ekki fengið svar frá þeim svo ætli það verði nú :(

En hann Addi minn er sko í góðri vinnu, hann kom t.d í dag heim með parket á barnaherbergin, þeir sögðu við hann að hann mætti ráða hvað hann gerði við þetta annað hvort að henda því eða taka það með heim, ég varð alveg orðlaus þegar hann opnaði skottið á bílnum og sagði bara sisona það átti að henda þess svo ég ákvað bara að hirða þetta ALVEG NÝTT PARKET !! magnað að losna við teppin af gólfinu, frábært ég segi ekki annað, sumir vinna í lottói en þessi vinna hefur verið sem lottó fyrir okkur, við kaupum allt á næstumþví innkaupsprís.

Benedikta er byrjuð í þriðja bekk og er í sfo eftir skóla(pössun)í skólanum og þetta er síðasta árið sem hún verður þar,svo fer hún í klúbbinn á næsta ári núna eru krakkarnir í þriðjabekk farin að taka meiri ábyrgð ásig og eiga að krossa sig inn í sfo og líka merkja við þegar þau eiga frí en hún Benedikta mín á svo erfitt með að muna þetta og er starfsfólkið búið að hringja hingað oft og spyrja hvort hún sé heima, hún hefur þetta sennilega frá henni móður sinni því hún á mjög erfitt með að muna hlutina.

Ég var á foreldra fundi í skólanum í síðustu viku og það er alveg sama sagan og var á þessum fundum á Íslandi, sumir foreldrar þurfa að gera svo mikið mál úr hlutunum og alltaf eru rökræður um sömu hlutina, afhverju að gera einföldustu hluti svona erfiða? ég bara spyr.

Við erum búin að setja bílinn á sölu á netinu og ætlum við að fá okkur ódýrari bíl og stærri eða 7- 9 manna, því það er alveg vonlaust að komast eitthvert þegar krakkarnir eru í heimsókn. við vorum bara að prufa þetta og kanna viðbrögðin og hefur einn hringt útaf honum, en þvímiður hefur hann ekki hringt aftur hann var nefnilega mjög áhugasamur, en bíllinn er nú bara búinn að vera þarna í þrjá daga svo vonandi eiga einhverjir áhugasamir eftir að hringja. ef einhverjir vilja skoða þá er hann á www.bilzonen.dk og þetta er rauð mazda 626 svona ykkur að segja.

Ég var að tala við Andreu í gær og er hún að hugsa um að koma með Anítu í november og þið getið ekki trúað því hvað mig hlakkar til að fá þær í heimsókn, það var bara svo erfitt að sjá á eftir krökkunum til Íslands. Það spyrja mig margir hvort ég sakni ekki heimahaganna en ég sakna bara barnanna, og ég mun ekki flytja þangað aftur, það er bara svo margt hér sem er betra en á Íslandi og ég finn mig heima hér í Thorsager, þetta er bara svo fallegur bær og gott umhverfi fyrir börnin. Það muna örugglega margir hrista höfuðið yfir þessum skrifum en svona er þetta bara. en mig hlakkar til að fara þangað í heimsókn næsta vor, það verður dáltið skrítið eftir þrjú og hálft ár í burtu.

Það hefur verið ansi kalt hér á morgnana og á kvöldin og eru öll börnin með hálsbólgu og kvef, og er kominn tími á brenniofninn allavegana á næturnar, og hann Alexander minn heldur að það sé ennþá sumar og vill eingöngu ganga í stuttbuxum, en ég klæddi hann í buxur í morgun á meðan hann var sofandi og hann fattaði ekki að hann var ekki í stuttbuxum og ég hef reint að útskýra fyrir honum að töffarar ganga líka í buxum. Ég segi nú bara omg. það er svo erfitt að klæða hann, ég hef aldrei áður lennt í svona barningi, á hverjum morgni, hann vill t.d.ekki ganga í íþróttabuxum, og hann er með æði fyrir öllu röndóttu. Hann á bara tvö pör af röndóttum sokkum og eina röndótta peysu. Hann og Benedikta eru tvö virkilega ólík sistkyni, henni er nákvæmlega sama hvernig hún er klædd og þarf ég yfirleitt að passa uppá að hún klæði sig þokkalega.

Svo er nú annað að ef ég fæ vinnu fljótlega þá getur verið að ég þurfi að fara með Hönnuh í pössun á einhvern annan stað því að það losna engin pláss hérna í Thorsager fyrr en í október. Ég sótti nú auðvitað hjá henni Dorthe okkar en ég efast um að við verðum svo heppnar að fá pláss hjá henni og ég vona bara að við þurfum ekki að keyra skvísunni einhverja langleið í pössun, það var nú eitt sem ég hugsaði um, dagmömmustarf,það vantar nefnilega dagmömmur á svæðið, en við þyrftum stærra húsnæði til þess að það myndi ganga upp, svo sá möguleiki er ekki fyrir hendi allavegana ekki í augnablikinu.

Jæja nú er Addi á leiðinni heim af æfingu svo ég held bara að ég láti þetta nú gott heita af bloggi í bili, sollan kveður með tilhlökkun og kvíða í hjarta eftir að byrja að vinna og fara í einhver atvinnu viðtölin. Hafið það gott elskurnar.

bæó spæó.

Ditten og datten :0)

2007-08-07T14:26:00.000-07:00

Sælt veri fólkið :)
ég sest við tölvuna og ákveð að blogga eitthvað, en svo bara man ég ekkert hvað ég ætla að blogga um, svo þetta verður kannski bara eitthvað hrafnasparkið, en það er best að reina.
jæja þá er best að byrja. Í byrjun mánaðarins komu Benni og Stína í heimsókn, ég bakaði nátturlega kökur og bauð þeim í svínakótilettur og fylltist húsið af ungum dömum sem voru að koma úr Djurs sommerland, Addi fór nefnilega að ná í Benediktu og Katharinu, sem höfðu farið einar þangað uppeftir og með þeim komu Gabriella og hennar vinkona þær höfðu líka verið uppfrá, það var einsgott að ég eldaði mikið. Við fórum svo helgina eftir til Århus að sjá hellinginn allann af seglskútum, og fékk Addi miða hjá Stark, sem gaf okkur rétt til að sjá heimsins stærstu seglskútu og annan miða þar sem við gátum fengið okkur kaffi, samlokur og kökur, krökkunu var boðið uppá nammi,ís og þau fengu einnig bol í boði starks, þetta var bara ágætis dagur þó að allstaðar væri verið að reyna að plokka af manni peninginn, t.d. var þarna svæði fyrir börnin, hoppukastalar með meiru og þeir kostuðu bara dagurinn litlar 50 kr. per barn, en Stína bjargaði mér fyrir horn og bauð þeim á þetta svæði, svo takk fyrir það, það voru þarna líka nammibásar með risanammi og þeir sem hafa komið hingað vita að nammi er frekar dýrt og þetta var selt eftir vigt, Benedikta fékk pening hjá afa sínum til að kaupa nammi en endaði með að þurfa að biðja um meiri pening því hún hafði ekki nóg, en nóg um það þetta var alavegana góður dagur og alltaf gaman að breita útaf vananum.

við erum stöðugt að betrumbæta húsið og erum við búin að mála bæði barnaherbergin, og er Addi byrjaður að mála stafninn á húsinu hvítann og er ætlunin að mála alla gluggana og hurðirnar úti hvítar.

Aníta, Snæþór, Andrea, Benni og Vaka komu hingað þann 23. júlí og var gert margt og mikið, td. var farið til Århus í verslunarferð og farnar nokkrar ferðir í djurs sommerland og var ég nátturlega dregin í öll stóru tækin, og þeim fannst greinilega gaman að sitja við hliðina á mér, því ég argaði alla leiðina og trúið mér það eru til margar skelfilegar myndir af mér þar sem ég er einn skelfingarsvipur, og þeim fannst þetta alveg ógurlega findið, jæja ég gat allavegana skemmt þeim. Krakkarnir skruppu svo í Tivoli friheden einn daginn og fór Benedikta með þeim.
Þegar krakkarnir komu hélt Benedikta uppá afmælið sitt og buðum við þeim úr sveitinni í veisluna, það var alveg rjómablíða og löbbuðum við niður á tún, sem er rétt hjá skólanum því þar er stórt tré þakið af kirsuberjum og tíndum við í tvær stórar skálar. á meðan lögðu ferðalangarnir sig, því þau komu með næturflugi og voru því nær ósofin.
Daginn áður en krakkarnir fóru heim, fórum við í Legoland, og vorum við nú sammála með það að þetta er nú staður sem gaman er að koma til svona einusinni á sumri, það er gaman að skoða allar legobyggingarnar og það er að vísu eitt tæki þarna sem mér fannst virkilega gaman í, það eru armar þar sem tveir sitja saman í, þeir eru forritaðir fyrst og maður getur valið hreifingarnar og hraðann, ég fór tvisvar í þetta og í bæði skiptin emjaði ég úr hlátri enda stilltum við hraðann á fimm sem var hraðast og maður þeyttist afturábak og áfram, á hvolf og bara allavegana, þetta var virkilega skemmtilegur dagur með brakandi blíðu og langur var hann því við lögðum af stað kl.átta um morguninn og komum heim um hálf ellefu um kvöldið enda gátum við gert allt sem okkur langaði til.

Hjalti og Monica ásamt börnum komu hingað og fengu að tjalda eina nótt í garðinum, en þau höfðu tekið sumarhús á leigu í Ebeltoft í tvær vikur, þau komu færandi hendi og gáfu okkur gotterí og rauðvínsflösku, alltaf sama rausnin í þeim ég segi barasta takk fyrir okkur, svo komu þau á föstudaginn síðasta í heimalagaða pizzu og höfðu með sér bjór og léttvín og keypti Snæþór ís til að hafa eftir matinn og ég bakaði smávegis með kaffinu, svo enginn varð hungraður það kvöldið.
Svo það sé nú annað mál þá er Hannah farin að skríða útum allt og riksuga í leiðinni, það sem á vegi hennar verður og einn daginn þegar við erum einar heima hafði hún náð í eitthvað sem stóð svo fast í henni að hún var orðin blá í framan, það munaði svo litlu að ég hryngdi í neyðarlínuna en sem betur fer náði hún að hósta þessu upp með hjálp minni en ég var við það að fá taugaáfall, bara svona ykkur að segja fer ég bara í panik þegar svona gerist og get bara ekki hugsað skýrt, enda skældum við bara báðar eftir öll ósköpin.
nú eru dætur mínar tvær farnar heim og græt ég svolítið inní mér, en Alexander er ekki alveg að skilja hvert hún Aníta hans fór, hann vildi nefnilega fara með henni, ég leifði honum að hringja í hana áður en þau fóru í vélina og hann sagði bara kommer du Aníta, kommer du!! svo sætt ég fékk barasta tár í augun.
jæja þá fer að líða að seinni hluta fæðingarorlofsins og er ég byrjuð að leita eftir annari vinnu því ég er alveg harðákveðin að ég ætla ekki að láta þetta leiðindarpakk traðka meira á mér, enda fást bara útlendingar í svona traðkvinnu, danir láta ekki bjóða sér þetta. Ég verð að vera búin að finna eitthvað fyrir nóvember því þá er ár síðan ég fór í fríið.
jæja ég verð nú að fara að halla mér þetta gengur barasta ekki lengur, klukkan hjá mér er orðin hálf tvö og gott betur, góða nótt allir og hafið það gott sjáumst seinna í bloggheiminum, sollan hveður með bros í hjarta enda er ekkert betra en sólin sem skín hér núna og yljar mér. bless bless

Ýmislegt frá Thorsager

2007-07-01T23:38:00.000-07:00

Jæja ég ákvað að hætta að eiga afmæli enda er einginn spenningur við það að eiga afmæli allt árið læt mér nægja einn og hálfan mánuð. Nú er thorsagerfestin buin og fengum við svona þokkalegt veður, ekkert einsog síðustu ár sem voru með brakandi blíðu, en það kom sól svona annarslagið og rigningarúði hitt veifið. Við Alexander tókum þátt í optoginu (skrúðgöngunni)með Lille Arnold og vorum við klædd út sem yggdrasil lífsins tré, bara gaman að því.
Það er búinn að vera einhver rigningarsuddi og vonast ég til að því fari að slota svo maður geti komist til að slá, og þvíumlíkt. Þó að rigningin geti verið góð, þá verð ég afskaplega þung og kem engu í verk en það er eins og ég fái vítamínsprautu þegar sólin skín og verð öll svo léttari.
Benni og Stína eru að koma núna í vikunni og er kominn spenningur í okkur að fá þau í heimsókn, og svo styttist í dæturnar oooog þið getið rétt ýmindað ykkur hvað mig hlakkar til að fá þær og svo tengdasynina og Vaka kemur líka, þannig að það verður fullt hús (við þurfum að fara að stækka við okkur, húsið). Ekki fengum við lottóið um helgina!!! hrmp, það voru einungis milli 70 til 80 danskar millur í pottinum sem skiptust í átta hluta, heppnir þeir(Een ekki þýðir að gráta gvend).
Nú er skólinn loksins kominn í frí og er ég alltaf fegnust, engir madpakkar að smyrja, svo er Kristófer hér hjá okkur núna og það sem drengurinn hefur stækkað á einungis einu ári, hann er orðinn hærri en ég(þó það teljist nú ekki til kraftaverka). jæja Benedikta bíður nú eftir tölvunni svo ég segi bara bæjó í bili sjáumst hér, vonandi ekki eftir marga mánuði og hafið það gott.

Hejjjj !! hver á afmæli í dag ????

2007-05-18T15:52:00.000-07:00

Að dönskum tíma er 19 mai runninn upp og hver skildi nú eiga þennan dag??
Hver önnur en unglambið hún ég =0). Ég held það nú, og ætli ég baki ekki í tilefni dagsins eitthvert gúmmelaðið, eða svona þegar ég hef sofið þreytuna úr mér eftir gærdaginn langa eða þann sautjánda við vorum nefnilega með þeim fyrstu sem mættu í djurssommerland þetta árið,að vísu voru ansi margir sem mættu þennan fyrsta dag og voru biðraðir í flest tækin en þetta var bara mjög góður dagur, voru vinir okkar úr sveitinni með okkur, og tókum við með okkur nesti svo var sest niður og borðað og spjallað heil ósköp. Addi heimtaði að ég færi með honum í thorshamar og ég rétt slapp fyrir horn, það var nefnilega svo löng biðröð og fáir vagnar, þannig að það var hætt við það, en ég lofaði honum að fara næst svo ég neyðist vist til þess oooooooo . Við vorum nátturlega þarna alveg til lokun, svo var brunað heim hundurinn sóttur og beint í sveitina og þar var borðaður kvöldmatur og fórum við ekki heim fyrr en um miðnætti svo þið getið trúað því að ég var virkilega þreytt þegar ég vaknaði morguninn eftir, það var einsog ég hefði verið á blindafylleríi. ooooooooo ég kem til með að sakna þeirra mikið,en jæja ég hugsa að ég fari bara að sofa, svo ég verði ekki úber þreytt á morgun, sjálfan afmælisdaginn. Tillykke med fødselsdagen Søde pige ;) sjáumst seinna góða fólk hafið það barasta gott. si u later, hej hej

Vinnugleði með íslensku útvarpi

2007-04-30T03:20:00.000-07:00

ok, ok, það hefur ekki verið mikill tími til bloggana, því við höfum verið að flísaleggja og mála, og vinna í garðinum. talvan var ekki tengd af þeim sökum. við höfum líka fjarlægt þetta ljóta grindverk og bauðst nágranninn til að kaupa runnaplöntur fyrir okkur, því hann var svo feginn að vera laus við spítnadraslið. við erum að tala um margar plöntur og munu þær kosta á bilinu fjögur til fimm þúsund kr. danskar, svo við erum bara fegin.
það hafa verið töluvert um veikindi hér, kvefpestar með tilheyrandi hita og er litla skvís núna full af kvefi.
Addi fór með Bene, (einsog hún er kölluð af vinkonu sinni) til augnlæknis og taldi hann að hún þyrfti mun sterkari gleraugu, hann talaði um fjóra á öðru auganu og fimm á hinu ég hef svosem ekki mikið vit á þessu, en hvernig hefur hún komist af stundum án gleraugnanna, því hún gleymir þeim hér og þar, þegar hún er í leik, en augnlæknirinn vill fá að sjá hana einu sinni enn til samanburðar því hún fékk dropa í augun síðast.
Jóna systir er að koma um næstu helgi og eru næstum fjögur ár síðan ég hef séð hana, svo það er smá tilhlökkun að fá hana hingað.
Já!¨! núna getum við svo hlustað á rás eitt og rás tvö í gegnum gervihnöttinn og það er bara eins og við erum á Íslandi svo skýr er sendingin, ég er núna að hlusta á rás tvö, þetta er alveg magnað.
Vinafólk okkar í sveitinni er mjög sennilega að fara lengst í burtu frá okkur svo það er svona svolítill leiði í liðinu útaf því en það er ekkert við því að gera, við munum örugglega heimsækja þau oft og gista, eða bara flytja með þeim því það eru svo ódýr og flott húsin þarna, en að öllu djóki slepptu þá er eithvað um tveggja tíma akstur til þeirra og þau ætla að útbúa gestaherbergi og við munum alveg örugglega notfæra okkur það. Við ætlum að grilla saman og horfa á myndina 300 hjá þeim í sveitinni á föstudaginn og verður það kosý einsog vanalega
Alexander var að skipta um deild á leikskólanum, því það voru að koma ný börn í leikskólann, og þarámeðal vinkona hans hún Bjørk og svo voru tilvonandi skólabörn færð í lille arnold frá thorsager leikskóla,svo það er fjölmennt í leiskólanum um þessar mundir. Vil ég svo óska öllum þeim fjólmörgu ættingjum og vinum sem áttu afmæli í apríl til hamingju með afmælið, þið verðið bara að afsaka að ég hafi ekki hringt, en þið fáið bara kveðju hér í staðinn. Núna þarf ég að fara að hætta því Hannah var að gera eitthvað mikið í bleiuna, og sýnist mér að það hafi farið eitthvað lengra en í bleiuna, svo við mæðgur kveðjum með sól í hjarta og bros á vör. bæó spæó

Fréttir úr Trimmelbakken

2007-03-29T14:33:00.000-07:00

jæja ég held bara að það sé kominn tími á nýtt blogg þó að það séu ekki margir sem lesa það. það sem maður lifnar við með hækkandi sól og hita, já það er búið að vera ágætis veður hérna, en svolitið kalt á næturnar ennþá. Mín er bara búin að vera ansi dugleg, við erum í gang með að lappa uppá húsið og eru þessir ljótu múrsteinar úr sögunni innandyra og einnig puttarnir mínir (skæl), ég get ekkert gert með hægri hendinni því allir fimm fingurnir eru eitt sár, en samt fót ég í garðinn í dag og klippti niður rósirnar fyrir framan húsið og bambusinn í garðinumm en ég bara notaði vinstri hendina því það er bara einn puttinn á þeirri hendi sem er sár.
Í kvöld fórum við fjölskyldan að hlusta á Benediktu syngja með skólakórnum og var það góð skemmtun einsog vanalega og það voru teknar myndir sem fara inná síðuna hennar svona við tækifæri.
Við fórum með Benediktu til augnlæknis síðasta mánudag og hélt hann kannski að hún þyrfti sterkari gleraugu en það kemur alltsaman í ljós 23. apríl en þá fer hún aftur og fær dropa í augun svo hægt sé að mæla sjónina nákvæmt, það er bara vonandi að hún fáist til að ganga með gleraugun, hún segir að þau séu alveg óþörf því hún sjái jafnvel án þeirra, ég hef prufað að sétja gleraugun upp og ég sé ekkert frá mér svo það er ekkvað duló við þetta,hmm.
Ég talaði líka við heimilislækninn útaf maganum á Benediktu og fékk hún tilvísun til barnalæknis. Hérna þarf að senda inn tilvísunina og svo fær maður sent tímasetningu í pósti og vitiði hvenær hún kemst að ?? í lok júní !! ég segi nú ekki annað en það, að það er einsgott að þetta sé ekkert alvarlegt, og ræfillinn fær að þjást í þrjá mánuði í viðbót.
Ég og Hannah Christina erum byrjaðar í mömmuhóp og verður þetta vanalega annan hvern miðvikudag og hinar vikurnar er ætlunin að fara í göngutúra og jafnvel sétjast einhvernstaðar niður og spjalla, þetta er alveg æðislegt, bara að komast út og spjalla við einhverja aðra en sjálfa mig, og trúið mér ég geri mikið af því.
Hannah Christina dafnar vel og er orðin lítil bolla og er mjög glaðleg og brosmild stelpa, og sefur alla nóttina, þær horfa öfundaraugum á okkur hinar mömmurnar í hópnum en þetta hlýtur að koma með móðurmjólkinni því öll börnir mín hafa verið svona góð já ég segi það nú bara þau hafa rólindið frá henni móður sinni.
Tíminn var að breytast síðasta sunnudag og eftir því er líður á vikuna verð ég alltaf þreyttari og þreyttari, það er eins gott að það er að koma páskafrí þá þurfum við ekki að rífa okkur upp á morgnana,að vísu þarf Addi ræfillinn að fara í vinnuna svona þessa daga sem er opið og fæ ég hálfgert samviskubit yfir því að vera heima.
Alexander er algjör prakkari og finnst það ofsa sniðugt núna að pissa úti en mömmunni finnst það ekki alveg jafn sniðugt því stundum blotna fötin.
Bóndinn á bílinu hérna við hliðina kom og heilsaði uppá Alexander, því hann hefur sínt öllum tækjunum og tólunum mikinn áhuga og skreppur stundum yfir til að skoða, hann var að segja að hann sé eiginlega hættur með kýrnar og eru bara tvo dýr eftir í húsinu.
Við fengum send páskaegg frá Anítu, því Benedikta hafði beðið hana um það, enda jafnast ekkert á við íslensku páskaeggin frá Nóa og siríus mmmmm, takk fyrir það Aníta mín.
jæja best að fara í háttinn svo ég verði ekki einsog kæst skata í fyrramálið.
Ég segi bara hafið það gott elskurnar til næst hvenær sem það nú verður.
sjúbbídú gamla kúin kveður í stuði með guði ;0)bæóóóóhóóó

Snjóóór!!!!!

2007-02-22T00:06:00.000-08:00

Þetta minnir mig nú bara á Dalvík!! snjólagið hérna fyrir utan, bíllinn snjóaður inni enginn skóli í allri kommununni og mannhæðaháir skaflar. Ég og börnin erum bara heima og er verið að horfa á dvd, Addi er sá eini sem hefur farið hérna út úr húsi og í vinnuna. Börnin eru á leiðinni út að kanna brekkurnar og verður það ábyggilega fjör, við Hannah verðum einar hér inni.
Á morgun byrjar mömmuhópurinn og vona ég nú að það verði fært, þeir hafa verið ansi duglegir að riðja en það hefur snjóað svo ansi mikið og blásið að ég er ekki alveg viss um að það verði allt fært í fyrramálið, við eigum að mæta kl. 10 og erum við sjö mömmurnar í hópnum, fjórar stelpur sem eru allar fæddar á bilinu 20-22 desember og þrír strákar, einn er fæddur 12 des, annar 2 jan og þriðji á að fæðast 26 feb. ég hlakka bara til að hitta þessar konur og komast aðeins út að spjalla við einhverja aðra en Adda og börnin, þó að það sé nú ekkert að því. Hejjjjj ég nenni ekki að blogga meira og er ég að hugsa um að gerast sófa kartafla. hej til næst. ;)

Hvað get ég sagt

2007-02-12T03:54:00.000-08:00

Er ekki bara kominn tími á nýtt blogg? jú ég held það bara, dagarnir eru svipaðir hver öðrum og er ég búin að vera svona hálf döpur, kannski er þetta eitthvað tengt þunglindi veit það ekki, Hannah er mjög þægilegt barn og fær magaverki svona einn og einn dag þá einna helst seinni partinn, svo ekki er hún til vandræða en annars er ég áhyggjufull útaf Benediktu, hún hefur kvartað um magaverki í einhvern tíma og hef ég farið með hana tvisvar til læknis, í annað skiptið sagði hann að hún væri með loft í maganum en í hitt skiptið sagði hann að þetta væri örugglega stress, en ég veit ekki útaf hverju það ætti að vera hún á alveg helling af vinkonum og er mjög sátt að fara í skólann, núna eru börnin í vetrarfríi svo það er bara fjör hér heima, fastalavn var haldið í skólanum núna á föstudaginn var, og var Benedikta Solla stirða, fastalavn er svo næsta sunnudag og verður farið í félagsheimilið, kötturinn sleginn úr tunnunni og boðið verður uppá fastelavnsbollur, á mánudeginum fer Alexander uppáklæddur í leikskólann og verður öruggleg gert eitthvað skemmtilegt þar. Ég ætla hinsvegar að setja upp svuntuna og baka helling af bolludagsbollum mmmmmmmmmm og svo verður borðað á sig gat nammi namm (gott að geta hlakkað til einhvers). Það var nú bara margmenni hér síðustu helgi(2-4), Benni og Anna Sigrún komu og stoppuðu hér yfir helgina, Sigrún Eva og Bjarni komu, svo bauð ég í önd hér á laugardeginum og var það bara dejligt, Hölli og Cecilie komu með litlu Liv og er hún orðin ekkert smá mannaleg og alveg einsog pabbi sinn. Það er búið að vera andsk. kalt hérna og er kynt allan daginn, Addi getur tekið eisog hann vill af brettum í vinnunni til að kynda með og kemur þvílíkur hiti af þessu. Öll börnin eru komin með heimasíður á barnalandi og eru slóðirnar http://benedikta.barnaland.is , http://alexlevi.barnaland.is , http://hannastina.barnaland.is ,er öllum velkomið að kikka á þær, munið bara eftir gestabókunum. Það skeður kannski ekki mikið hér og maður hefur allan tímann í veröldinni en ég gat nú ekki annað en brosað þegar í póstkassanum lá kort frá skólatannlækninum, þann 20. febrúar á ég von á hjúkrunarkonunni að líta á Hönnuh, ég á að fara í skoðun hjá tannlækninum mínum líka 20.febrúar og að fara með Benediktu í skoðun hjá skólatannlækninum, allt þetta á að ske 20feb milli 13,00 og 13,30 furðuleg tilviljun að þetta skyldi hitta allt á næstum nákvæmlega sama tíma. Krakkarnir eru farnir út að renna sér svo að það er best að laga svolítið til hérna, hilsen til næst;)

gangur lífsins.

2007-01-17T00:35:00.000-08:00

Þá er best að reina að koma einhverju hér á blað.
Það er svosem ekki mikið að segja, jólin komu og fóru, áður en maður gat blikkað auga og dæturnar farnar heim, og mikið sem ég sakna þeirra en þær koma aftur í sumar. Hannah Christina er mjög gott barn og sefur bara á milli þess sem hún drekkur, svo ekki er hún til vandræða.
Alexander lenti í útistöðum með einum á leikskólanum og fékk skrámu á hausinn, hann getur verið ansi þrjóskur og stendur fast á sínu og er það svosem gott að hann láti ekki traðka á sér, en verra er að það er komin upp lítil karlremba í honum, og er hann t.d ekki sáttur þegar ég keyri bílinn og klagar í pabba sinn ef ég geri eitthvað rangt einsog ég keyrði í poll um daginn og honum fannst það ekki nógu gott.
Benediktu gengur ágætlega í skólanum, en það getur verið ansi erfitt að fá hana til að gera heimanámið, stærðfræðin hefur verið í uppáhaldi hjá henni, en hún er að koma til í lestrinum.
Addi er mjög ánægður í vinnunni og þeir eru ánægðir með hann og er það mikill munur að hann þurfi ekki að vakna fyrir allar aldir í vinnuna og líka það að aðrahvora viku getur hann keyrt Alexander í leikskólann og hina vikuna sótt hann, svo það er mikill munur.
Ég ætla svo að fara að leita mér að annari vinnu, því á molskránna ætla ég ekki aftur, en hvað það verður veit ég ekki.
Ég vil svo þakka fyrir allar kveðjurnar og allar gjafirnar til okkar.
Hef þetta ekki lengra í bili, hafið það gott til næst, bæó.

Jólakveðja

2006-12-25T14:22:00.000-08:00

Gleðileg jól allir vinir og kunningjar nær og fjær og vonandi hafið þið það gott bæði um jól og áramót, eins og fyrr hefur komið fram höfum við takmarkað jólakortasendingar til vina okkar en það er ekki þarmeð sagt að við höfum gleymt ykkur, einsog flestir vita kanski vorum við að eignast litla dóttir og við komum heim í gær fyrst, svo mér hefur ekki gefist tími til að rita neitt fyrr en nú og biðst ég bara velvirðingar á því, en enn og aftur Gleðileg jól og borðiði á ykkur gat einsog ég ætla að gera, því nú er ég sko komin með listina aftur (gat ekkert orðið borðað trúi ég útaf stressi) jólastressi en þurfti þess ekki því ég hef svo góða hjálpara hér sem voru bara búin að gera allt svo ég þurfti næstum ekkert að gera þegar ég kom heim (heppin ég)svo erum við búin að skýra skvísu og heitir hún Hannah Christina og er hún með heimasíðu á barnalandi og er slóðin http://hannastina.barnaland.is
og er öllum velkomið að kikja á það. Svo vil ég bara þakka fyrir allar sendingarnar til okkar og pakkana hangikjöt, hákarl og fiskinn og bara allt þúsund þakkir. Jólakveðjur til allra frá mér og öllum hinum.

Jólakort.

2006-12-05T05:08:00.000-08:00

Hæ,hæ jæja þá nálgast jólin óðum, og við höfum ákveðið að takmarka jólakortasendingar til Íslands, því að það er svooo dýrt í staðin komum við til með að kommenta hjá hinum og þessum vinum okkar jólaóskir, það eru bara ættingjar okkar sem fá að sjálfsögðu kort, ég vona að enginn verði sár, en það var nú bara þetta sem ég vildi koma á framfæri. ég blogga meira seinna, vonandi þegar barnið er fætt, það fæðist vonandi á morgun á afmælisdegi pabba, en þangaðtil segi ég nú bara bæjó spæó

Jólin gætu alveg komið á morgun

2006-11-26T05:35:00.000-08:00

jæja þá er ég að verða búin að undirbúa jólin og þau gætu bara næstum því komið á morgun. Búin að baka laufabrauðið, með aðalega aðstoð Hölla, svo er ég búin að baka um átta smákökusvortir, og gera hreint í næstum öllum herbergjum, og þá er bara að undirbúa komu nýjafjölskyldumeðlimsins, og núna líður mér bara frábærlega að vera búin með þetta allt, er aðeins búin að þvo svona þetta litla sem ég á á barnið. Núna erum við Benedikta bara einar heim og það eru jólalög í spilaranum að sjálfsögðu og við erum aðeins birjaðar að skreita, ég veit að það er aðeins of snemmt en það er bara svo mikill spenningur í liðinu sérstaklega Benediktu eftir að fá systur sínar hingað. Alexander er búinn að jafnasig á hlaupabólunni og fer hann á morgun í leikskólann. Addi er svo að fara að ljúka síðustu vikunni sinni hjá dansk supermarket og byrjar í nýrri vinnu núna næsta föstudag. Andres og Míra ætla að koma hingað næstu helgi með eplaskífur og ætlum við að hafa smá huggulegt, svo nátturlega eru þau í sveitinni að undirbúa smá huggulegheit í desember með eplaskífum og pakkaleik, þau eru næstum orðin einsog fjölskyldan manns hér úti, nema hvað við umgöngumst þau meira en við gerðum með okkar fjölskyldu heima á fróni. Jæja núna er Addi kominn heim og vill víst fara í tölvuna, svo ég verð bara að segja bless til næst hvenær sem það nú verður :)

Jólin, jólin aalstaðar með jólagleði og gjafirnar.

2006-11-09T02:39:00.000-08:00

hellú gott fólk, við fórum í afmælisveislu þann 28. okt og var það bara magnað og át maður ásig gat bæði af mat og nammi, svo síðasta laugardag fórum við í heimsókn til þeirra í sveitinni í mat og huggulegheit og var horft á hvorki meira en minna en þrjár dvd myndir, svo annað kvöld er okkur boðið þangað í mat því það er Bo's rétti afmælisdagur, er okkur boðið ásamt öðru vinafólki þeirra, þetta á víst að koma honum á óvart. Ég veit ekki hvað maður gerir þegar þau flytja í burtu, þau eru að leita að sveitabýli en held ég hérna á djurslandi, svo það verður kanski ekki svo löng vegalengd á milli okkar, Benedikta mun koma til með að sakna vinkonu sinnar. Ég get nú sagt ykkur það að ég er búin að vera svo svakalega dugleg að gera hreint, og ég er líka búin að kaupa jólagjafirnar sem á að senda til Íslands og þið þurfið ekki að undra ykkur á að þið fáið þær svolítið snemma, ég ætla nefnilega að hafa það náðugt í desember, þegar ég er búin að gera hreint þá tekur baksturinn við og nátturlega laufabrauðið og vona ég að Hölli vilji kannski hjálpa, annars er Benedikta ansi öflug í útskurðinum, hún líkist múttu sinni hvað það varðar, ég elskaði að skera út þegar ég var krakki, og enn í dag finnst mér það gaman en einhver verður víst að fletja út og er það í mínum verkahring. Ég er nú bara að fá svona smá jólafíling í mig, er samt ekki byrjuð að spila jólalögin. Ég hlakkar líka ekkert smáræði til að fá stelpurnar mínar yfir jólin og ekki má gleyma Snæþór, og er mikill spenningur hér á bæ, og svo verður fjölgun í fjölskyldunni, og á það að ske 7. desember en ég veit að það verður ekki fyrr en 21. svo ef þið hafið hugsað ykkur að gefa barninu gjafir þá verður það bara að vera fyrir bæði kynin, því ég hef ekki hugmynd kvort kynið það verður, ég var hjá ljósmóðurinni áðan og spurði hún hvort ég vildi fara heim strax eftir fæðingu eða vera á hótelinu og að sjálfsögðu vil ég vera á hótelinu og láta stjana við mig án þess að borga, er nokkuð til magnaðra?? Það er ekki oft sem ég get látið stjana við mig svo því ekki að nota tækifærið. Á laugardaginn á svo stubburinn minn afmæli og er ég að spá í að hafa smá kaffi honum til heiðurs, orðinn þriggja ára, fljótur er tíminn að líða maður minn, tvö ár og tveir mánuðir síðan við fluttum hingað út og var hann þá bara smábarn. Jæja nú fara hávaðabelgirnir tveir að koma heim, og þá meina ég Benediktu og Katharinu, það þyrfti stundum að sétja hljóðkút á þær svo mikill er hávaðinn. Hef þetta bara gott í bili en til næst bbbbllllleeeeessss.

Jólahreyngerning eður ey það er spurning.

2006-10-25T02:58:00.000-07:00

Hér sit ég nú og er að berjast við að vera dugleg, ætlaði nefnilega að þrífa eldhúsið, en hugsaði sem svo að það væri bara best að setjast við tölviskriflið og skrifa einhverja endaleisuna.
Nú er haustfríið á enda og börnin í skólanum, og verð ég að viðurkenna það að ég var hálf fegin, því þeim dauðleiddist hér heima og voru að gera mig vitlausa.
Ég get ekki beðið eftir að tíminn breytist, ég er svo skelfing þreytt alltaf á morgnana og drattast seint og síðarmeir á lappirnar, en hvað um það við erum að fara í afmælisveislu um helgina og hlakka ég ekkert smá til. Það er kaffi kl 15.00 svo kl.18.30 er matur (þrí réttaður) leikir, ball, svo nætursnarl og danir kunna sko að skemmta sér, þetta verður alveg magnað við tökum börnin með svo það er ekkert problem. Eina sem er að er það að ég hef ekki fundið neina gjöf en við erum að fara á eftir í búðarkíkk.
Addi er svo búinn að fá aðra vinnu, hér í nágrannabænum Rønde í verslun sem heitir stark og er þetta byggingavöruverslun. Hækkar hann um 3300 kr. á mánuði í launum sem eru um 38.000isl.kr. og svo kemur líka tíma og bensínsparnaður inní þetta, hann byrjar 1. des. þetta er nátturlega barasta tær snilld. ég get haft bílinn annarslagið og keyrt Alexander í leikskólann í staðin fyrir að berjast í sudda þangað niðreftir, og annað ég er komin með löglegt danskt ökuskírteni, jibbý !!og þurfti ég ekkert að taka próf (thank god)svo nú þarf ég ekkert að óttast að verða tekin ólögleg á bílnum. Hölli og Cesilie komu hingað um síðustu helgi með litlu snúlluna, hún er svoooo lítil og sæt.
jæja ég verð nú að fara að gera eitthvað það er ekki alltaf hægt að fresta því leiðinlega en það mátti reyna. Svo góða fólk þá segi ég bara blessss til næst:)

Haustfrí :)

2006-10-13T22:37:00.000-07:00

nú eru börnin komin í haustfrí, en þau eru samt uppi fyrir kl. sjö á morgnana og draga mig frammúr hálf úldna.
svo styttist í vetrartímann og er hann núna 29. október og þá munar bara einum tíma á Íslandi og hér í danaveldi og maður getur morrað í klukkutíma lengur í rúmminu.
Okkur er boðið í þrítugsafmæli hjá vini okkar honum Bo þann 28. okt og okkur vantar hugmynd af gjöf við erum alveg tóm í kollinum enda langt síðan við höfum farið eitthvað svona (þið megið alveg koma með hugmyndir).
Andres og Míra komu í heimsókn síðasta sunnudag og borðuðu hér og var bara næs hjá okkur.
Hölli okkar varð svo pabbi þann 9. okt og óska ég honum og Cecilie hjartanlega til hamingju með dótturina, við kíkjum svo vonandi á ykkur í dag eða á morgun.
Það var motiondagur í skólanum í gær og hljóp Benedikta átta kílómetra :) alveg magnað hjá henni, leikskólarnir tóku líka þátt í deginum en það voru aðeins elstu börnin sem fóru.
Það skeður svosem ekki mikið hér í Thorsager lífið gengur sinn vanagang og allir ánægðir, og svona þokkalega frískir. Ég segi þá bara bless til næst:)

Helgin og meget mere

2006-10-02T23:57:00.000-07:00

Jæja góðir hálsar, ég sit hér og veit ekkert hvernig ég á að byrja þetta blogg en það sem á daga okkar hefur drifið er að við vöknuðum upp með andfælum föstudagsmorgun við það að Alexander ældi í rúmmið og var hann mjög veikur þann dag með bæði upp og niðurgang. Á laugardag var hann svo orðinn hress og við ákváðum að skreppa til Álaborgar í heimsókn til Hauks og Rúnu og það var ekkert annað en frábært, þar sem við höfum nú ekki gert mikið annað en vinna borða og sofa fyrir framan imbann. Addi var svo að vinna á sunnudeginum og var nátturlega á þrusulaunum því yfirvinna hjá þessu fyrirtæki er ekkert slor 100% álagning. Á mánudaginn rölti ég með Alexander í leikskólann og sá þá helling af liði fyrir framan skólann og búið að loka innkeyrslunni og flagg sem á stóð nej ved besparelse og ég neiddist víst til að fara til baka því foreldrarnir stóðu vörð við leikskólann og blokkeruðu hann, þannig að ég og Alexander erum bara alein heima núna og veit ég ekkert hvenær hann getur farið í leikskólann, sem er leiðinlegt fyrir hann því hann hefur engann hér nálægt til að leika við. litli sjarmörinn lætur ekki vinkonur Benediktu í friði og kemur ein af uppáhalds píunum hans í heimsókn núna á eftir og er það Katharina. Svo það sé nú annað mál þá er ég að fá mér danskt ökuskírteini, því mitt er ólöglegt hér, það er útrunnið síðan 93 en ég get notað það á Íslandi til sjötugs. ég var svoltið smeik um að þurfa kannski að taka prófið uppá nýtt hér og fór um daginn með kortið og síndi þeim það og mér var sagt að ég fengi bara annað kort en ég þyrfti að koma með læknisvottorð og ýmsa pappíra, ég var búin að redda öllu því og fór svo til Århus í gær en þá sögðu þau að ég þyrfti að taka próf en ég mótmælti því harðlega og sagði að þetta kort væri í gildi á Íslandi og í leiðinni hugsaði ég ekkert gott til þeirra á Íslandi, stúlkukindin fór og spurði æðri máttarvöld og þá var mér sagt að ég þyrfti að fá staðfestingu frá Íslandi um að kortið virkaði þar, það hreinlega sauð á mér, fyrir það firsta þá bíðurmaður í næstum klukkutíma eftir að komast þarna að og ég þarf að fara í þriðja skiftið þangað og með vonandi viðurkennda pappíra frá Íslandi spurningin er bara hver verða svörin þá? en nóg um það best er að fara að huga að barninu svo bless til næst:)

Frí

2006-09-27T23:27:00.000-07:00

jæja ég er nú komin í veikindafrí og kom það vel til góða því að nú eru verkföll í gæslustofnununum hér þ.e. leikskólunum og sfo og svo hafa kennararnir ákveðið einnig að leggja niður kennslu allavegana í dag, þetta er svona samúðarverkfall útafþví að það á að spara og hafa verkföll verið í gæslustofnunum í Århus. Ég er svo byrjuð á jólahreyngerningunni og ykkur finnst það kannski snemmt en það verður í nógu að snúast hjá mér í desember svo það verður best að ljúka öllu því veseni af sem fyrst, svo verða jólagjafakaup og bakstur í nóvember, það er best að hafa vaðið fyrir neðan sig og ekkert stress. Annars er maður nú hálf dofinn, maður fær mjög oft sorglegar fréttir að heiman annaðhvort dauðsföll ungs fólks eða veikindi og maður skilur ekki þetta óréttlæti. Við erum kannski að hugsaum að kíkja upp í Aalborg um helgina svona til að hressa okkur aðeins við en það kemur alltsaman í ljós, Addi er að vinna á sunnudag svo það yrði þá á laugardag þ.e. ef að heimilisfólkið þar á bæ verður heima, en við verðum bara í bandi. Annars er ég nú frekar andlaus þessa stundina svo hafið það gott tiiillll næst, bæó í bili

Húskaup og fleira : )

2006-09-20T06:10:00.000-07:00

jæja hef verið ansi löt við skriftir en litli stubburinn okkar er orðinn stuttkliptur og fullorðnaðist hann heil ósköp við þetta, það er farið að róast töluvert í vinnunni hjá mér þannig að ég get smávegis slappað af, ég þrái samt langt frí og kemur bráðum að því. Ég sit stundum á Røndebusstop og sé rútuna sem keyrir til kaupmannahafnar og langar ótrúlega mikið að fara bara upp í hana í staðin fyrir að fara í vinnuna, skrítið?? en hef ekki látið verða af því enn. Alexander fékk ælupest í síðustu viku og guðsélof hafa ekki aðrir fengið þann vibba, hinsvegar erum við flest útstungin eftir myg og segja danir ekki muna eftir öðrum eins árasum og í ár. Alexander er þekktur hér ámeðl bændanna því það má ekki heyrast í traktor eða öðrum tækjum þá er hann rokinn og þegar ég næ í hann á leikskólann þá löbbum við framhjá vinnusvæðum með helling af vinnuvélum og þá segir hann alltaf "mamma dopp" sem þýðir mamma stopp og svo stöndum við og gónum á þessar blessuðu vélar sem mér finnst ekkert spennandi. Benedikta fór í hjólatúr með bekknum sínum,þau gistu í einhverjum skúr og segist hún aldrei ætla að fara í svona ferð aftur, þær Katharina hafi ekki getað sofnað því þær söknuðu svo mömmu sinnar, ég er nú ekki að fatta það því hún hefur geta sofið annarstaðar án nokurra vandamála. June Variety eru svo búnir að fá nýjan söngvara eða söngkonu og er það ung stúlka með víst þvílikan kraftinn í röddinni og nú vonandi fer þetta að ganga hjá þeim. Þeir eru víst búnir að sétja upp plan svo ég segi bara kýla á það drengir!! já og ég má ekki gleyma einu við erum í gang með að kaupa þetta hús sem við erum í og þá verður nú sett parket á stofuna því ég er komin með ógeð á gólfteppinu sem er síðan sautjánhundruð og súrkál, og það er bara svo margt sem við ætlum að gera hérna að það tæki mig allan daginn að telja það upp en nú þarf ég að fara að hente min lille dreng, svo til næst hilsen!!!!!!!!

bara eitthvað

2006-09-09T09:25:00.000-07:00

Jæja ég ákvað nú að rífa mig upp og koma með eitthvað betra, í kvöld ætluðum við út að borða með Andresi og Míru, en því miður er Míra veik svo það varð ekkert úr því í þetta sinn, láttu þér bara batna Míra mín það kemur helgi eftir þessa. Annars er allt gott héðan, er verið að spá sumarblíðu með yfir 20 stiga hita í næstu viku svo ekki getur maður nú kvartað. Alexander er birjaður í leikskólanum Lille Arnold og þó það taki mig 15 mín í staðinn fyrir 2 að fara með hann þá er þetta hans draumur hann er alveg hættur að sofa á daginn og vill bara vera úti og leika sér enda kemur lítill og þreyttur kall heim á daginn. og er sofnaður hálf átta á kvöldin, Litli Tarzan :)Benediktu gengur bara vel í skólanum og er bara orðin góð í að lesa sko á dönsku þegar hún er alveg búin að læra hana þurfum við að kenna henni íslensku stafina, svo hún geti nú lesið á báðum málunum, það er bara svo frábært að heyra þau tala dönskuna og svo svissa í íslenskuna einsog ekkert sé að vísu talar Alexander næstum bara dönsku en hann segir mamma og pabbi og svo kemur danska runan og hann verður bráðum altalandi á dönsku. Einn daginn þegar ég var að ná í Alexander skreið um 70 cm langur ormur(skröltormur) fyrir framan vagninn við sáum hann ekki strax því hann var næstum samlita götunni og var mér nú ekki alveg sama en hann hélt för sinni bara áfram og lét sem við værum ekki þarna. Addi farinn í heilsuátak og er að standa sig frábærlega, hann er farinn að hlaupa 5-6 km annan hvern dag og fer í ræktina 6 sinnum á viku og ég held að hann sé að byrja í karate niðri í Rønde í næstu viku.

Þreitt :(

2006-08-29T16:16:00.000-07:00

jæja hér sit ég og get ekki sofið, er að hugsa um að tilkinna mig veika á morgun því ég get hreinlega ekki meir er búin að vinna í veit ekki hvað margar vikur uden að fá frí og þeir halda bara að þeir geti notað mann einsog þeim sýnist ég er meget sur það eru að koma merkilegir gestir sem eiga hótelkeðu út um allan heim og við höfum verið á botni við að gera allt fínt fyrir þetta lið þá kemst kannski hótelið í heimsblöðin en það er bara mál með vexti að rekstrarstjóri hótelsins hefur alltaf verið mjög næs við mig svo að ég hlýt að vinna þokkalega það er bara þetta fyrirtæki sem ég vinn hjá sem ég er virkilega reið útí :( ég er meira að segja að hugsa um að segja upp, ég veit bara ekki hvað ég á að gera ég er mjög hrædd um það peningalega séð en á maður að láta koma fram við sig sem skít? Þið verðið bara að afsaka þetta en það eru ekki margir sem ég get talað við og hann Addi minn og börnin fá allan reiðilesturinn og þau eiga það ekki skilið. Mig langar bara að gera eitthvað skemmtilegt einsog að skreppa til Álaborgar, fara út að borða og í Djurssommerland með börnunum áður en sæsonið er úti, og það er síðasta helgin núna, en það er aldrei tími til neins. En svo er Addi að vinna á laugardaginn og ef við fáum enga barnapíu verð ég að vera heima og það eru margir sem mundu ekki hugsa sig um en hún ég læt fara með mig einsog gólftusku. Ég hreinlega orka ekki meir. ég held ég fari bara að horfa á einhverja væmna Juliu Roberts mynd klukkan er nefnilega að verða tvö, svo kannski sofna ég yfir henni. En ég veit að þetta er ekki upplífgandi pistill en ég varð bara að koma þessu frá mér, það kemur betri pistill næst ég lofa því. Góða nótt.

eitt og annað, bros og tár.

2006-08-08T05:32:00.000-07:00

heilir og sælir lesendur góðir. Aldrei þessu vant sit ég hér við tölvuskriflið, börnin ekki heima, Alexander er hjá dagmömmunni og Benedikta er í afmæli, svo ég ákvað bara að hafa það næs í einn og hálfan tíma því ég var aldrei þessu vant komin snemma heim úr vinnu og á föstudaginn þá eru akkúrat fjórar vikur frá síðasta fríi ég átti að fá einn frídag daginn áður en stelpurnar færu heim, og var komin í frí en fékk svo sms kl. sjö um morguninn frá yfirmanninum um það að stelpan sem átti að koma neitaði að koma svo að ég gat ekki sagt NEI!! konan í recepcionen (lobbýinu)sagðí að ég þyrfti að læra að segja nei en það er bara ekki hægt þarna, það eru bara engir aðrir til að vinna vinnuna. Ég hugga mig við það að launaumslagið verði voða þykkt, en þreytt er ég orðin. Að öðru nú erum við bara fjögur í heimili og er það mjög skrítið, ég verð nú að viðurkenna það að ég er búin að vera ansi leið svona á köflum og þó að það sé stundum erfitt að hafa unglinga á heimilinu þá má maður ekki gleyma því að það var líka annarslagið hjálp í þeim svosem að ná í krakkana fyrir mig þegar ég sá framá að vera ekki komin heim á réttum tíma, ég er reyndar mjög stressuð út af þessu því stundum eru rúturnar mjög seinar og þá er ekki víst að ég nái heim fyrir fjögur. Það hefur ekkert lát verið á blíðunni undanfarið, lenti ég þó í dembu einn daginn þegar ég náði í Alexander og var ekki til þurr þráður á mér en guð hvað þetta var annars hressandi, það er ekkert betra en að lenda í góðviðris rigningu sérstaklega eftir þvílíkan þurrkinn. ég segi nú bara sólarlönd hvað? komið bara til Danmerkur, það er búið að vera sólarlandaveður í yfir tvo mánuði.Jæja þá er nú best að setjast í sófann og slappa örlítið af áðuren ég næ í guttann, en til næst bæó spæó

Gestagangur!!

2006-07-29T07:59:00.000-07:00

Vegna mikils gestagangs hef ég ekki haft tíma til að blogga, en það er nú aðeins farið að róast, en það byrjaði með að Aníta og Eydís komu hér þann sjötta júlí og eru þær hér enn, en fara á þriðjudaginn ásamt Andreu, Björk og Guðrúnu (vinkonur Andreu)en þær komu á miðvikudaginn var. Við fórum í brúðkaup Andrésar og Míru þann þrettánda júlí og var það falleg atöfn, síðan var farið í Tivolí friheden í brunsh nammi namm það var sko gott svo var bara spjallað og börnin notuðu tivolíið óspart, öll fjölskyldan þeirra Andresar og Adda komu til danó, Hanna Stína og Agnes gistu hjá okkur nokkrar nætur og Anna Sigrún og Gunni. Benni og Stína kíktu í bæinn ásamt Helgu. Eva frænka Adda kíkti eitthvað smá og varð Kristófer samferða henni heim til Íslands þann átjánda júlí. Krilla og Sigurjón komu hér 22. júlí um kvöldið, gistu eina nótt og fóru snemma á stað á vit ævintýranna og ætluðu að hitta fjörfisk á Benidorm daginn eftir að þau fóru komu Hjalti og Monika með börnin sín þrjú og gistu nokkrar nætur við spjölluðum bæði á Dönsku og norsku og svona af og til á íslensku, þau voru í skemmtiferð með börnunum og kíkktu í sommerlandið ásamt fleiru hér í nágrenninu, ég vil bara þakka þeim fyrir allan rausnarskapinn það var einsog við værum gestir hjá þeim en við eigum eftir að heimsækja þau og þá bjóðum við þeim bara í mat og nammi. Húsmóðirin er næstum komin í fristihúsfílinginn með þvílíkri vinnu að annað eins hefur varla sést, ég hef ekkert getað sinnt þessum gestum hef oftast byrjað kl. sex og unnið stundum til hálf sex og fæ ekkert frí hef unnið stanslaust í tvær vikur og veit barasta ekki hvenær ég fæ frí! En Rúna mín við eigum eftir að kíkka á ykkur svona þegar um hægist. Krilla og Sigurjón koma svo aftur hingað í byrjun águst áður en þau fara heim. ég má svo ekki gleyma Jóu og Óla en þau kíkktu hér einhverntíman í júní en það var ekki langt stopp. Ég veit ekki hvort einhverjir fleiri eru á leiðinni en það kemur bara í ljós. ætli ég hafi þetta lengra svo til næst lifið heil!!!!

Dejligt : )

2006-07-08T23:49:00.000-07:00

Hér sit ég nú bara á náttsloppnum og hef það næs, flestir eru sofandi. Nú eru Aníta og Eydis komnar hingað og er alveg magnað að fá þær í heimsókn, ég er í fríi þessa viku og er ætlunin að fara í djurssommerland nokkrum sinnum og slappa af þess á milli svo er nátturlega brúðkaup á fimmtudaginn, og veit ég að það verður æðislegt það er bara eitthvað við það að fara í brúðkaup og sjá brúðina labba inn gólfið, og svo nátturlega hún Benedikta mín blómastúlkan. Við fengum svo gesti í gær, Haukur og Rúna litu í heimsókn með börnin sín þrjú og skemmtilegt að sjá þau, þau borðuðu hjá okkur en litli guttinn þeirra var eitthvað slappur svo þau stoppuðu ekki lengi. Alexander er svo að byrja í leikskóla, við fengum bréf í síðustu viku um tilboð í leikskóla, og það er þannig að við getum alveg hafnað því, það er nefnilega val um tvo leikskóla, annar er hér við hliðina og hinn er þónokkuð langt frá, okkur finnst þó skógarleikskólinn meira spennandi og það er leikskólinn sem Alexander fékk tilboð í. Thorsagerleikskóli er svona venjulegur leikskóli en hinn er náttúrulegur þar sem flest leiktæki eru búin til úr trjám enda er hann umkringdur trjám og við höfum oftast kallað hann tarsanleikskólann, en nafnið á leikskólanum er Lille Arnold. Núna eru flestallir vaknaðir það er aðeins húsbóndinn sem er enn í fasta svefni, og við þurfum að fara að keyra Andreu í vinnuna, svo sáumst síðar í bloggheiminum. Bless til næst!!

ennþá meiri blíða : )

2006-07-03T07:36:00.000-07:00

Á ég að segja ykkur hvað það er heitt úti núna!! bara 27 gráður í forsælu og á að fara hlínandi. þið sem eruð að koma í heimsókn sjáið örugglega nokkrar öskuhrúgur liggjandi hér og þar, það verður örugglega ekkert eftir af okkur. En við fórum um helgina til Linnette og Bo í heimsókn og áttum við alveg æðislegt kvöld þar, þau eru algjörir höfðingjar heim að sækja, var úðað í mann allskonar sætindum frá því þíska og maturinn var ekkert slor. Börnin okkar voru heima og fengu pizzu (það er líka í uppáhaldi hjá þeim öllum). Vinir Andreu og Kristófers gistu svo hér og það var bara næs hjá þeim. En eitt gleymdist alveg og í annað skiptið í röð minnti Hanna Stína okkur á brúðkaupsafmælið :( haldiði að sé nú ég var nokkrum sinnum búin að minnast á daginn en þegar dagurinn var að kveldi kominn var hringt í okkur og úps við gleymdum aðal deginum!! ég held að ég verði að láta sétja í mig svona minniskubb einsog tölvurnar hafa þá hlít ég að muna allt. Benedikta og Kristófer eru í djurssommerland núna annan daginn í röð, þau fóru með vini Kristófers og sistir hans sem er ekkert nema næsheitin í gær splæsti hún á þau ís, nammi og mat. Jæja nú er ég að hugsa um að fara að tékka á litla manninum mínum við erum nefnilega ein heima núna og svo ætla ég að halda áframm að liggja í sólbaði. bæó til næst

Brakandi blíða.

2006-06-20T08:57:00.000-07:00

Hér hefur veðrið leikið við okkur svo ummunaði, stundum er það nú samt ofmikið,í gær var 25 stiga hiti í forsælu þannig að það var stundum hreint ólíft og og það er svo rakt loftið að fötin loða öll við mann og þegar maður fer í háttinn langar mann helst til að vefja sig inn í ískalt og blautt handklæði. En nóg um það, mér gengur bara vel í starfinu sem oldfru ekkert problem með það. Þann fyrsta júlí ætlum við svo að bregða undir okkur fætinum og fara í heimsókn í sveitina, en í þetta sinn verða börnin heima og við fullorðna fólkið ætlum að hafa það huggulegt og elda góðan mat og spjalla og kannski að horfa á eina mynd saman, það verður bara pöntuð pizza handa gemlingunum, en börnin þeirra fara í sumarhús með ömmu sinni. Við ætluðum nú að halda uppá fimm ára brúðkaupsafmælið okkar sem er núna 29. júní en það bíður kannski bara betri tíma. Skólarnir eru svo búnir núna á föstudaginn, og er það gleðilegt fyrir mig (ekkert stress á morgnanna) og náttúrlega fyrir börnin, enginn skóli í einn og hálfan mánuð. svo líður að því að Addi og Alexander taki frí en hinsvegar á ég ekki rétt á sumarfríi í ár en ég tek samt eina viku í júlí og eina viku í ágúst, þá finnur maður ekki fyrir því launalega séð, við erum nefnilega að hugsa um að kíkka í legoland og bonbonland(báðir skemmtigarðar. Nú þarf ég að fara að elda svo hilsen til næst.

í góðum gír.

2006-06-15T00:27:00.000-07:00

ég get nú ekki annað en verið stolt af henni dóttur minni,(Andreu)hún fékk 6 í munnleguprófi í stærðfræði, gott hjá henni veit að ég hefði fengið 0,3 en það er lægsta einkunin sem maður getur fengið hér. Addi er bara í mjög góðum málum í vinnunni, fær hverja kauphækkunina á fætur annarri og verður yfirmaður hluta ágústmánaðar gott hjá honum. Hölli er svo að byrja hjá fyrirtækinu seinnipart mánaðarins. Það er bara allt í gangi núna. Ég hef svo ákveðið að vinna áfram á molskroen af persónulegum ástæðum og verð ég oldfru í fjórtán daga og þarf að mæta þarna á hverjum degi ooooggg ég er mjög stressuð það er svo margt sem þarf að gera og hef ég bara eina stúlku sem er svotil nýbyrjuð og þarf ég að fara yfir herbergin sem hún hefur verið í. Andrea ætlar að koma með mér einhverja daga til að hjálpa og hefur henni eiginlega boðist vinna þarna í sumar. Patti minn hugur minn er hjá þér núna og hef ég hugsað mikið til þín síðan ég fékk þessar fréttir ég vil bara segja við þig gangi þér vel í gegnum þetta, ég veit að þú átt eftir að sigra. Kveðja til þín og þinna. jæja það er annars bara allt gott að frétta af okkur og þarf ég nú að skunda af stað på arbejde. hilsen til næst.

Glaumur og gleði.

2006-06-08T23:39:00.000-07:00

jæja þá er ég bara í fríi í dag og hef nógan tíma til að blogga. Það er búið að vera alveg dásamlegt veður hérna og er spáð áframhaldandi blíðu. Í dag byrjar Thorshagerhátíðin með ýmsu húllumhæi og ætla veðurguðirnir að vera okkur hliðhollir eins og á síðasta ári. Á fimmtudaginn fyrir viku keyptum við sæsonkort í djurssommerland og er Andrea búin að fara fjórum sinnum síðan og Kristófer þrisvar, svo að það er ekki hægt annað en að segja að þau nýti kortin. Addi var á launafundi í gær og fékk enn eina launahækkunina og þeir eru svo helvíti ánægðir með hann og segja að hann hafi stjórnunarhæfileika, hann er kominn á skrá hjá þeim svo ef að staða losnar þá á hann möguleika á að hreppa stjórnunarstöðu sem þýðir náttúrlega góð laun. Kristófer er komin með nýja bloggsíðu og slóðin á hana er, http://blog.central.is/fujitsu og þið megið endilega kommenta hjá honum. Það styttist svo í allar heimsóknirnar og hlökkum við ekkert smá til og svo er brúðkaupið hjá Andrési og Míru, Benedikta á að vera blómastúlka og kvíðir hún því, hún er nebbnilega svo feimin þessi elska en við vonum að það muni nú ganga alltsaman. Á hvítasunnudag fórum við í sveitina og var grillað og við bara höfðum það huggulegt og var spjallað vel og lengi, þetta verðum við að gera oftar þau eru bara svo þægileg og gott heim að sækja, það er líka alveg magnað fyrir börnin að vera þarna og Alexander og Benedikta elska þetta umhverfi með öllum þessum dýrum og þetta stóra leiksvæði sem þau eru búin að útbúa fyrir börnin er hreint magnað. ég hugsa að ég hafi þetta ekki lengra í dag en til næst bæææææææ.

Sólin skín vei !

2006-05-31T02:15:00.000-07:00

jæja, það lítur bara út fyrir það að vera rigningarlaust í dag, sólin skín og aðeins heitara en hefur verið enda eru mánaðarmót og danir segja að sumarið byrji núna vona bara að það standist. Ég er búðin að lofa krökkunum að fara til Djurssommerland á morgun og þá vona ég að sólin skíni á okkur. Ég er búin að vera mjög dugleg núna í gær tók ískápinn hátt og lágt og á eftir ætla ég að gera hreint á baðinu og í forstofunni, búin að taka eldhúsið í gegn. Addi tók gömlu tölvuna niður og við erum með, ég verð að segja andsk.:( fartölvu, það er glatað að skrifa á þetta ég verð gjörsamlega að fylgjast með hvar ég er, því stundum er ég komin inn í miðja setningu einhverstaðar annarstaðar, þannig að ef það eru einhverjar villur þá er það tölvunni að kenna arg. ég er bara eitthvað döpur í dag svo bless í bili, til næst.

hitt og þetta.

2006-05-23T01:50:00.000-07:00

Ég er bara alveg lost veit ekkert hvað ég á að skrifa hér, Alexander fór í ferðalagið og fannst bara alveg frábært fann ekkert fyrir því að vera án mömmu í svona eina nótt, þau hefðu samt mátt vera heppnari með veður, það var rigning með smá sólarglætu svona annarslagið. Við náðum svo í hann til Grenaa og það var mjög gott veður þegar við komum þar, heppin hittum akkúrat á eina sólarglætuna, svo geystumst við heim og mín bakaði nokkrar kökur með hjálp Kristófers því honum fannst asnalegt að ég skyldi gera það svona á sjálfan afmælisdaginn(heppin verður sú stúlka sem hremmir hann)svo vil ég þakka þeim sem sendu mér kveðjur! TAKK, TAKK, TAKK. Ég ætla svo að nota tækifærið og óska öllum apríl og maí afmælisbörnum til hamingju, ég sendi að vísu einhverjum sms en þeir sem ekki hafa fengið kveðjur TILLYKKE med fødselsdagen. Ég er bara ein heima með hundinum, það er bara þriggja daga vinnuvika í þessari viku frí á fimmtudag og föstudag því að dönum finnst asnalegt að vera bara í fríi einn dag og því er frí líka á föstudag(lllöööööönnnnnng helgi)en samt ekki hjá mér ég verð að öllum líkindum að vinna um helgina. Ég hef svo eiginlega sagt upp vinnunni, því ég varð frekar fúl einn daginn þegar ég var í vinnunni, það var einn sunnudaginn að ég var beðin um að vinna og byrjaði ég kl. sex um morguninn svo átti ég að taka eitt herbergi þar sem fólk gisti aðra nótt, ég var búin með morgunvinnuna kl. níu og ætlaði svo að grípa tækifærið og þrífa herbergið meðan liðið færi í morgunmat, en ég beið og beið svo kl. ellefu komu þjónarnir upp með morgunmatinn og kl. hálf tólf bankaði ég á hurðina og spurði hvort þau vildu að ég gerði hreint, maðurinn sagði já það væri allt svo drullugt og hann sagðpi mér að koma eftir svona klukkutíma, þá var nú fokið í mína, þannig að ég sendi oldfrunni sms og sagði að ég nennti þessu ekki að sitja bara og bíða án þess að fá laun, en hún sagði að ég fengi jú laun, samt veit ég ekki hvort ég fæ laun fyrir þetta þegar maður tekur pásur þá fær maður engin laun og ég komst ekki inn á þetta herbergi fyrr en kl. tvö þannig að ég beið í fimm tíma bara eftir aðeins einu herbergi. Ég held að ég hætti þessu kvarti, við Lise erum í gang með fyrirtækið og erum búnar að ganga á milli verslana og fyrirtækja með auglísingar, við höfum gert tilboð í tvennt og vona ég bara að þeir taki tilboðinu svo höfum við verið spurðar um heima aðstoð og hreyngerningar í sumarhúsum. Þá að öðru ég verð nú að segja það, að eftir eurovision keppnina skammast ég mín eiginlega fyrir að vera íslendingur ég á bara ekki orð yfir þessa manneskju, þið skulið vanda valið betur næst. Benedikta gisti hjá Katharina í sveitinni um helgina og henni fannst það náttúrlega alveg frábært, þetta er algjör paradís fyrir börn þau eru með marga hunda og pokabirni og ketti og mýs og ég veit ekki hvað, við fórum með Alexander þangað og hann fæst ekki heim aftur, það er svo margt sniðugt þarna. Andres gisti hérna í nótt og fór svo með Adda í morgun þegar hann fór í vinnuna. jæja þetta er orðið ansi langt blogg og ég bara vissi ekkert um hvað ég átti að skrifa. Það eru bara allir við hestaheilu. nú ætla ég að fara að slútta þessu svo bið ég ykkur bara vel að lifa hej hej til næst.

HITI !!!!!

2006-05-08T13:26:00.000-07:00

Það er ekki hægt að segja annað en það hafi verið sumarblíða í dag, það var á 25gráðu hiti hér í dag og mín bara orðin brún enda var ég´að vinna í garðinum í allan dag eftir að ég kom heim frá vinnu. Börnin voru í vatnslag á trampolíninu og fóru svo á eftir niðrí leikskólann. Andrea er í prófum núna, hún var í dönskum stíl í dag og fer í matematik á morgun það er vonandi að hún standi sig vel, ég er búin að lofa henni gjöf ef hún stendur prófin, svo er bara að vona það besta. Það er einskonar vinnuvika í Thorsagerskole, Kristófer fór t.d í vinnuviðtal og fékk vinnuna, sem sundlaugarstarfsmaður og Benedikta vinnur sem held ég leikari enda er hún leikari af guðs náð. Alexander er svo að fara í ferðalag með Dorthe og fleiri dagmömmum og börnum, til staðs nálægt Grenå og gistir þar eina nótt, ætli verði ekki lítill svefn hjá minni þar sem þetta er jú í fyrsta sinn sem hann fer frá mömmu sinni svona yfir nótt, en þetta hlýtur alltsaman að ganga. Ég vil svo minna ykkur á síðuna hans Alexander http://www.barnaland.is/barn/15528 vorum að setja inn myndir og fleira. Addi og ég fórum til Århus í gær og keyrðum fram á bílslys þar sem sendiferðabíll hafði keyrt á mann á skúter, og það var ekki fögur sjón og leið mér mjög illa á eftir, en ég vona samt að hann hafi lifað þetta af.Við fórum svo í jysk(rúmfatalagerinn)og keyptum grill, við ætluðum að kaupa úti borð og stóla en stólarnir voru búnir sem við ætluðum að kaupa svo það verður skotist í bæinn um næstu helgi og skellt sér á þetta, við eigum líka von á svo mörgum í sumar að það verður magnað að geta sest út í sumar með ölið. Við grilluðum svo í gærkveldi, og var það bara draumur í dós. Jæja ég er að hugsa um að fara að halla mér enda þreytt eftir alla vinnuna í garðinum, því segi ég bara góða nótt.

Fyrirtæki !!!

2006-04-10T08:39:00.000-07:00

Við fórum í heimsókn til Atla og Líse í gær, og var spjallað heilmikið um þetta fyrirtæki sem við erum að hugsa um að demba okkur útí. Lise er mikið búin að pæla í þessu og fer ekki út í neitt nema að vera örugg um að þetta muni ganga, það er komið nafn á þetta fyrirtæki og munum við heita eftir nýju kommununni eða Syddjurs Rengøring. Þau ætluðu að fara að vinna í logoinu og ætlum við svo að hittast um páskana og ákveða framhaldið, það er bæði kvíði og spenningur sem fylgir þessu því ég hef aldrei áður verið minn eiginn herra, en ég er ákveðin að taka þetta með stæl og vinna einsog brjálæðingur í byrjun því seinna sé ég framá að geta slappað meira af og haft aðra í vinnu og grætt á því, hahaha !! ekki amarlegt það. En að öðru, núna er páskafrí hjá krökkunum og er Benedikta í íþróttaskóla eins og í fyrra, mætir kl.9 og er til kl. 15. Alexander er búinn að vera með eitthvað í maganum í nokkra daga, ég held að þetta sé kannski einhver virus. Það er annars bara allt gott af hinu liðinu. Það verður ekki mikið gert um páskana því ég verð að vinna að öllum líkindum flesta dagana, en engu að síður er hægt að hafa það gott og liggja uppí sófa og horfa á dvd. Það er farið að glitta aðeins í vorið, samt soltið kalt ennþá sérstaklega á morgnana, og plágan er vöknuð einnig til lífsins og þá meina ég MAURARNIR !! núna er maður bara með eitrið á lofti að eitra fyrir þessari vá, þar að segja húsið er eitrað allan hringinn að utan svo að þeir komi ekki inn. En annars er þetta bara nóg í bili, og segi ég bara bless til næst.

Ég á bara ekki orð !!

2006-04-03T23:50:00.000-07:00

Ég bara sit hér og hristi höfuðið, því hún Solla Maja hefúr bara aldrei vitað um aðra eins frekju og yfirgang. Stelpan sem er yfir mér er hringdi kl. fimm í nótt og spurði hvort ég gæti ekki tekið morgunvinnuna og ég spurði hana afhverju og vitiði hverju hún svaraði!!! það er af því að ég fór svo seint í rúmmið!" HALLÓ ég hef stundum mætt blindfull og ósofin í vinnu ekki samt nýlega(kannski samt ósofin ) þessi stelpa er 22 ára. Ég veit ekki betur en þegar ég var um þrítugt þá fór ég í bekkjarpartí og mætti svo beint í vinnu kl. fjögur um nóttina og var notabene að vinna til sjö um kvöldið. Þetta lísir kannski dönum vel, ég vil samt ekki setja þá alla undir sama hattinn, og takið eftir hún vinnur bara fram að hádegi, svo ég vorkenni henni EKKI NEITT!! ég sagði henni að ég gæti þetta ekki því ég hefði ekki tekið börnin til og svo þarf ég að tala við Andreu því það lendir á henni að fara með Alexander. Mér myndi allavegana aldrei detta svonalagað í hug þetta liti öðruvísi út ef hún hefði verið veik en það var hún ekki. Hvorki ég né Addi gátum sofið það sem eftir var nætur og ég festi ekki blund mest útaf BRÆÐI!! og svo kom samviskubit, SOLLA MAJA HVERS VEGNA GETUR ÞÚ EKKI VERIÐ SAMVISKULAUS SVONA TIL TILBREYTINGAR?!! það er hún sem átti að fá samviskubit, ekki ég. En þetta varð til þess að ég er áhveðin í að stofna hreingerningarfyrirtæki með Líse. Hún hefur verið mikið að pæla í þessu, það getur verið gott uppúr því að hafa, hún sér um rekstrarhliðina og ég sé um stjórnun á hreingerningunni. En að öðru, hafið þið einhverntímann flækt ykkur í buxunum sem þið eruð í og dottið á hausinn?? Það afrekaði ég og gott betur ég datt ekki alveg á hausinn heldur sparkaði svo heiftarlega í grindina fyrir framan kamínuna að min yndislega litlatá brotnaði, svo núna er ég bara í sandölum (ekki gott þegar ég þarf út)og skakklappast einhvernveginn, en það kemur ekki í vegfyrir að ég fari í vinnu ónei!!
Benedikta fór til tannlæknis í gær og var gert við eina tönn, hún var ekki sprautudeifð heldur fékk hún glaðloft, þeir mættu alveg bjóða mér svoleiðis því ég þoli ekki sprutuna. Alexander fer svo til tannlæknis á fimmtudaginn. Ídag er svo myndataka í skólanum, þetta er greinilega á hverju ári hér. Páskarnir eru svo á leiðinni, og hlakkar maður bara til þess við fáum kannski íslenskt nammi sent, namm namm, namm!! Svo vil ég nota tækifærið og óska Jónu systir til hamingju með daginn!!Jæja ég held að ég sé aðeins orðin rólegri, og fari nú bara að slútta þessu í bili, en til næst bæó spæó!!

Skattaskýrsla og margt annað.

2006-03-29T23:28:00.000-08:00

Hæ og hó !! Ég sit hér við tölvuna, því ég þykist ekkert hafa annað að gera svo bíð ég bara eftir að hún Anna mín Sigrún vakni, því klukkan er hjá henni hálf átta. Hún ætlar nefnilega að aðstoða mig við skattaskýrsluna, Guð hvað ég verð fegin þegar hún er frá þessi bölv. skattaskýrsa, og í leiðinni losna ég við allt vesen því nú setjum við inn Bárugötuna og þá erum við að fullu laus við það, og næst þarf ég bara að skrifa undir og senda hana til baka,JIBBÍ !!!! við vorum svo að fá boðskort frá Andresi og Míru í brúðkaup og maður er bara farinn að hlakka til og það koma einnig margir að heiman og verður gaman að sjá allt liðið, get ekki beðið. Benedikta er svo að fara í tvö afmæli eitt á morgun og annað á laugardaginn, nóg að gera hjá henni. Andres og Míra ætla að koma hingað uppeftir á morgun, og verður þá gert eitthvað skemmtilegt. Eins og þið vitið kannski búum við í bæ með helling af sveitabæjum í kring, og það er ekkert annað en magnað nema þegar þeir eru nýbúnir að bera á túnin, þá er ekki hægt að hengja út þvott öðruvísi en hann angi allur af skít og Patti elskar að baða sig uppúr skítnum, þannig að í gær urðum við að baða hann því það var ekki hægt að koma nálægt honum, og núna höfum við hann alltaf í keðjunni því annars er hann hlaupinn útá tún. Kristófer og Benedikta eru að byggja kofa ásamt fleirum niður við læk, það er svosem ágætt nema kvað að þau koma oftast hundrennandi og skítug til baka, ekki gott! ekki gott! Ég fékk bréf frá skólanum, um það að ég væri komin inn EN það er eitt stórt problem! þeir sem eru orðnir 25 ára eiga kost á því að fá fullorðinslaun(voksenelevløn)sem er tæp 17000 en það er bara fyrir þá sem búa í Århuskommunu, svo ég á ekki rétt á þessu, þannig að það verður bið á að ég fari í skóla, ég get sótt um skólann í Grenå eða Randers. Ég bara fatta ekki AFHVERJU mér var ekki sagt frá þessu þegar ég sótti um, FÚLT. Annars er bara allt gott að frétta héðan okkur líður öllum alveg stórvel og laus við allar pestir enn sem komið er. Við þurfum hinsvegar að læsa útidyrunum þegar við erum heima, því að einn lítill gaur er alltaf að stinga af út og hleypa hundinum líka út, eins gott að við búum ekki við umferðargötu. En þá er best að fara og fá sér kaffi, það bara er svo erfitt að standa upp af stólnum. en til næst bless!!

Alone home !!

2006-03-21T23:55:00.000-08:00

ég er ein heima, svona fyrir utan hundinn og ég veit að ég þarf að taka til og láta í þvottavélina en ég er bara búin að vera svo dauð ef svo mætti kalla þennan doða sem er yfir mér. Sólin er farin að skína meira og ekki er eins kalt og var,svo ég ætti að fara að hressast og sumardagurinn fyrsti er núna á sunnudaginn, og þá þarf maður að fara á lappir klukkutíma fyrr og éinnig þurfa börnin að fara fyrr í bólið, en þetta venst fljótlega fyrstu tveir dagarnir verða svolítið erfiðir, en það er orðið alveg bjart kl. sex, svo þetta verður ekkert mál. ég verð að skrifa eitt hér, því ég hef aldrei séð aðra eins gleði. ÉG fór að vinna síðasta laugardag kl. sex og allir voru sofandi, svo kom ég heim um kl tvö og það var miðdegislúr hjá Alexander, ég sat í sófanum þegar hann kom fram, það er nú varla hægt að lísa svipnum á honum en það var svo æðislegur svipur og svo byrjaði hann að klappa, það er bara ekki hægt að lísa þeirri tilfinningu sem ég fann fyrir, bara vitandi það að þó maður hafi ekki marga að, þá hefur maður þó ást barnanna sinna. Ég og Addi tókum smá rúnt á nýja bílnum á laugardagskvöldið og enduðum hjá Andrési og Míru, þar sátum við í dágóða stund og drukkum rauðvín og kaffi, við gerum þetta alltof sjaldan að fara eitthvað bara tvö ein, Andrea og Kristófer voru heima að passa, Kristófer sá um hundinn og Andrea um Alexander. Það fer svo að styttast í fimm ára brúðkaupsafmæli okkar hjóna sem er 29. júní og þá verður vonandi gert eitthvað, allavegana út að borða það væri ekkert að því að fara á Mols krána og hafa þetta almennilegt. En sjáumst síðar elskurnar ég kveð að sinni, en til næst bbbbbbblllllllleeeeeeeeeeessssssssssssss.

Bill,bíll,bíll !!!!!!!!!

2006-03-14T06:16:00.000-08:00

Við erum eiginlega búin að kaupa okkur bíl, það á bara eftir að ganga frá pappírum og þessháttar. Þetta er mjög flottur Mazda bíll rauður að lit og kostar hann um 100.000 kr. við borgum út í honum 20.000 og hitt er svo á afborgunum en svona er það nú fórum bara í gær og skelltum okkur á hann. Nú get ég farið í vinnuna um helgina kl.6 en ekki korter í sjö eins og um síðustu helgi. Það var nefnilega hryngt í mig klukkan fjögur um nóttina og ég bara spurð hvort ég gæti ekki tekið morgunvinnuna eða kl. sex(annars mæti ég alltaf kl.hálf 10) sú sem er yfir hafði fengið ælupesti og gat ekki mætt en ég sagði henni að ég væri bíllaus og rútan til Ebeltoft fer ekki fyrr en kl. hálf sjö, en ég varð að fara og morgunmaturinn byrjar kl.sjö þannig að ég hafði bara korter til að þrífa restauranten(þvílikt stress)en þetta hafðist allt hún var aðeins yfir sjö þegar ég var búin að skúra en þá flyktust náttúrlega mannskapurinn inn (gat verið)aðra daga kemur fólk fyrst kl. átta, en nei fyrst hún Solla Maja var svona sein að þrífa þá passaði fólk uppá það að koma sem fyrst, þetta er trégólf og er eins og svell þegar það er blautt, þannig að ég bað í hljóði að enginn flygi nú á hausinn( ha ha) það hefði verið til að kóróna þetta allt saman. En jæja, það verður semsagt magnað að fá bílinn og ég held að við þurfum ekki mikið að óttast að hann starti ekki á morgnana eins og hinn bíllinn, þó að hann hafi nú verið annars ágætur, bara gamall og lúinn, og svo þarf Addi ekki að fara kl. hálf sex í vinnuna og standa og frjósa á stoppistöðunum. Það er milill pestafaraldur hér en við höfum nær sloppið ennþá, enda kalt samt leit ég á mælirinn áðan og sýndi hann fimm gráðu hita, það er bara svo rakt loftið að það virðist bara vera tíu gráðu frost. Núna þarf ég að fara að ná í Alexander svo að ég segi bara bless til næst!!

Úr einu í annað.

2006-03-07T01:35:00.000-08:00

Þið verðið að afsaka, ég er bara búin að vera í lægð núna upp á síðkastið, og hef bara ekki haft áhuga á að skrifa. En það var fastalavn hér og fórum við í samkomuhúsið að slá köttinn úr tunnunni, Benedikta var kosin ein af þrem best klæddu og koma myndir vonandi fljótlega af því inná Alexanders síðu, hún var barbí og það var einn tveggja ára sjóræningi og svo var maríuhæna, þau fengu öll verðlaun fyrir besta klæðnaðinn. Við erum búin að fá að vita hvað við fáum útúr bílnum og það er 20000, fimm þúsund meira en við borguðum fyrir hann, svo það er ekkert annað en gott. Vonandi getum við farið sem fyrst og keypt annan bíl, því þeir vilja fara að fá bílinn sem við erum með í láni, svo við verðum að öllum líkindum bíllaus einhverja daga. Jens ætlar að finna handa okkur bíl. Alexander er nú meiri harðstjórinn,ef hann vill eithvað kallar hann alltaf hærra og hærra mamma og að lokum jolla(solla) ef viðbrögðin eru ekki nógu snögg að hans mati og brosir maður út í annað svona þegar hann ekki sér, hann er bara svo mikil dúlla. Benedikta var mest alla helgina hjá Katharinu, og gisti þar aðfaranótt sunnudags en það sem verra er tíndi hún gleraugunum sínum þar. Þau eru búin að snúa heimilinu á hvolf í leit að gleraugunum en þau bara finnast ekki. Addi fékk ekki vinnuna sem ég sagði frá í síðasta pisli, það eru alltaf einhverjir sem virðast vera hæfari en hann en þeir voru ánægðir mennirnir á lagernum, því þeir vilja ekki missa hann enda góður og duglegur starfskraftur þar á ferð. Kristófer er loksins farinn að fara meira út og vera meira með jafnöldrum sínum, ekki það að maður vilji ekki hafa hann heima en það er ekki eðlilegt að börn hangi bara yfir foreldrum sínum. Þau eru búin að stofna hljómsveit Andrea(bassa), Kristófer(gítar) Mette(söngur) og Nandi(trommur). það er nú meira vetrarveðrið hér það er snjór yfir öllu og búið að vera ískalt, en sólin yljar svona yfir daginn en um leið og hún fer verður ferlega kalt, ég er orðin leið á þessu vil bara að það vori hið fyrsta svo maður geti verið út í garði og lagað til og undirbúið hann fyrir hið yndislega sumar. Ætla ég svo ekki að hafa þetta lengra í bili, blleess tttiiilll nnnnææææsssstttt!!!!

Ólán eða heppni það er spurningin.

2006-02-23T07:07:00.000-08:00

Í gær fór Addi í atvinnuviðtal, og gekk það vel. Byrjenndalaunin eru 19000 og er það bara þremurþúsundum hærra en hann fær núna. Hann borgar eitthvað smá í tryggingu sem dekkar ef eitthvað hendir hann í vinnu og heima, sem er mjög gott. Addi er samt á báðum áttum hvort hann eigi að taka vinnunni, því það er svo góður mórall þar sem hann er núna.Þegar hann var búinn í þessu viðtali, þá lennti hann í óhappi það var keyrt aftaná bílinn, Hölli var með honum og meiddust þeir ekki alvarlega en Addi talaði um að hann hefði fengið hnikk á hálsinn. Bíllinn er ónítur!! ég fór áðan og tæmdi úr honum og fékk lánaðan bíl hjá verkstæði í Følle, þar sem sá gamli liggur nú(blessuð sé minning hans). Við getum ekki verið án bíls þar sem Addi vinnur í Aarhus og ég þarf stundum að mæta í vinnu kl. 6 og rúturnar ekki farnar að ganga. Svona er nú það við bíðum svo bara eftir hvað kemur útúr tryggingunum, erum við þá að hugsa að fá okkur dýrari bíl og stóran svo við getum tekið hundinn með okkur annað veifið. Nú að öðru, það hafa verið svona flexvikur í skólunum og ekki mikill lærdómur, sjötti bekkur er að æfa leikrit sem sýnt verður í næstu viku og spilar Kristófer á gítar ásamt fleirum í þessari uppfærslu. Benedikta er meira í að skoða náttúruna og fleira þessháttar. Svo er fastalavn að skella á og fer Alexander ásamt öllum krökkunum og dagmömmunum í leikstofuna á þriðjudaginn að slá köttinn úr tunnunni. það er bara annars þokkalegt í okkur hljóðið, svona fyrir utan þetta með bílinn. ogþó ef þeir breyta ekki einhverju hjá þessu fyrirtæki sem ég vinn hjá, þá fer ég að leita mér að nýrri vinnu. Þetta er nískt fyrirtæki, ég þarf að hlaupa í einhverja tíma til að ná öllu sem ég á að gera og ef ég næ því ekki fæ ég ekki borgað fyrir það sem ég fer frammyfir. Dæmi: stelpan sem er yfir mér sagði,þú skalt ekkert vera að hugsa um tímann bara að gera þetta vel, ég fór klukkutíma yfir, takið eftir ég hljóp megnið af tímanum, svo spurði ég hana hvort ég fengi ekki borgað fyrir það sem ég fer yfir eenn hún sagði nei þetta er á þínum tíma og ég er búin að vera að fárast yfir þessu alveg síðan. Hún ætlaði að tala við yfirmanninn fyrir mig og hún sagði að ég gæti nú ekki verið þarna gratis(launalaust). Ég verð eiginlega brjál þegar ég hugsa um þetta, þetta er voða fínt hótel og það má ekki sjást fingrafar neinstaðar og hlutirnir eiga að vera svona og svona en ekki hinsegin. Afhverju ekki að borga manni meira svo að maður geti gert hlutina vel? Jæja best að leifa Adda að fara í tölvuna, ég segi því bara bless til næst.

Dagurinn og vegurinn.

2006-02-13T10:43:00.000-08:00

já þá er að blogga eitthvað, nú er vetrarfrí í skólum landsins og það er ekkert nema frábært, ekkert nesti að smyrja á kvöldin eða stress að vekja liðið á morgnan. annars vorum við bara farin á fætur um hálf átta í morgun og ég áhvað bara að fara með Alexander til dagmömmunnar ég hafði hugsað mér að láta hann bara vera í fríi eins og hin börnin. ég er svo í fríi fram á föstudag. June variety er svo komin með heimasíðu http://www.junevariety.dk og mæli ég með að allir fari og líti á þessa síðu, þeir eru með lög sem þeir hafa samið og margt fleira, það hafa strax farið heilmargir þar inná frá ýmsum löndum. Benedikta sefur í nótt í sveitinni hjá Katharinu vinkonu sinni. Ég var var að vinna alla síðustu viku nema á þriðjudag. Ég hélt að oldfrú væri eldri kona með reynslu, en þessi er aðeins 22 ára og ég leisti hana af um helgina og vona ég að ég hafi nú gert þetta almennilega(svoltið stressuð)enda þarf allt að vera í hátopp. Það er svo magnað að sjá hvað hafa margir farið hér inn og kvittað. Addi er líka búinn að blogga, hann hefur bara haft svo lítinn tíma, út af heimasíðugerð og svo nátturlega hljómsveitinni. Það eru líka komnar nýjar myndir inna Alexanderssíðu og von er á fleirum fljótlega. Það var verið að vígja leikfimishöllina á föstudaginn og tók skólinn forskot á fastelavn, allir áttu að mæta í búningum og sleginn var kötturinn úr tunnunni, Benedikta var barbí en Kristófer stóð hinsvegar í ströngu í eldhúsinu og bakaði fastelavnsbollur fyrir alla ásamt bekknum sínum. Núna er ég hinsvegar orðin hugmyndalaus um hvað ég ætti að skrifa meira hér. Köttur út í mýri, setti á sig stýri og úti er ævintýri eða eithvað í þá veruna. bbbbbææææææææææææ bbbbbææææææææææææ til næst.

Ein heima.

2006-02-07T02:09:00.000-08:00

Nú er ég ein heima og hef það bara gott, horfi á vídeo og skrifa blogg og svo horfi ég kannski bara meira á video, fer út með hundinn og horfi svo bara á video. þetta er nú ekki oft hægt, en það er bara svo gott að vera í fríi svona á virkum degi, börnin í skólanum og Alexander hjá dagmömmunni, bara ég og Patti heima sko hundurinn. Ég vil svo bara þakka öllum fjöldanum sem kommentar hér hjá mér og Adda, þetta eru nú síðast heilir 3 takk (hjá okkur til samans), en að öllu djóki þá er bara svo þægilegt að fá einhverjar kveðjur að heiman, þó það væri ekki nema halló! Það er allt útlit fyrir að það sé farið að vora, allur snjórinn sem kom á laugardaginn farinn og nú bara klakinn eftir, ég get bara ekki beðið eftir sumrinu, eiginlega er vorið minn tími elska moldarlyktina og fuglasönginn, tilhugsunin bara að það er að nálgast sumar er alveg frábær. Kannski maður skjótist til Noregs í sumar eða til London hver veit, svo er nátturlega gifting í familíunni sem maður fer til, en til Íslands förum við ekki fyrr en eftir rúmt ár, þá verður Kristófer fermdur, tíminn líður hratt hann bara orðinn stór strákur, og er vist farinn að tala alveg heilmikið í dönsku og hann er farinn að lesa sömu dönskubókina og jafnaldrar hans hér, það segir nú mikið. Alexander er skondinn fír farinn að tala mikið og blandar dönsku og Íslensku saman, verst er að krakkarnir eru búnir að kenna honum ljót orð sem hann notar óspart ef einhver er að skamma hann, ég vona bara að hann noti þau ekki hjá dagmömmunni(þetta er nefnilega enska og danska blönduð saman). Við erum annars í góðum gír, kemur stundum leiði í mann en ég vil samt taka það fram að þetta er ekki heimþrá, kannski smá þunglyndi fylgir kannski aldrinum, ég veit það ekki. ég ætla núna bara að fara að dóla mér eitthvað horfa kannski bara meira á video, við keyptum 12 DVD myndir á aðeins 300kr danskar svo núna höfum við eitthvað að gera á kvöldin. En til næst bæó spæó. P.S. KOMMENTIÐI.

jæja, jæja jæja!!

2006-01-30T05:53:00.000-08:00

Ég fór á tónleika á föstudaginn, June Variety var að spila og skemmti ég mér frábærlega, það var mögnuð mæting með fílinginn í lagi enda strákarnir góðir, ég þurfti þvímiður að fara snemma heim, því að ég átti að mæta í vinnu kl. 6 morguninn eftir. Ég verð nú að segja að þetta er púl vinna og maður er stanslaust að, því að maður verður að vera búinn að skila herbergjunum hreinum fyrir kl. 2 á daginn og við erum bara tvær þarna. og ég var nú búin að hugsa að það væri nú frábært að gista þarna einhverntímann, en þetta er örugglega 5stjörnu hótel, því ein nótt í stóruherbergi kostar 3500 kr. danskar og lítið herbergi kostar 1500 kr. enda þarf maður gjörsamlega að pússa allt og snurfussa þannig að það sjáist ekki eitt fingrafar, og það er ekki sama hvernig maður býr um rúmmið, það er bara nokkradaga nám eða þannig. Ég fór með Benediktu til fótasérfræðings, og hann sagði að hún væri með fladfod (ilsig)og þyrfti að fá upphækkun í skóna ekki innlegg, þannig að hun gangi meira á tánum og ég ætti að kaupa skó með hæla handa henni. Það er bara allt frábært héðan að frétta allir við hestaheilsu. Ég veit að það var þorrablót svarfdælinga á laugardaginn og vildi ég hafa getað verið þarna, borðað súrmat og má ekki gleyma hákallinum og öllu hinu gromsinu. Aníta mín ég sakna þín svo mikið, ég vona bara að þú getir komið í sumar og verið hérna hjá okkur og takir Snæþór með það er langt síðan maður hefur séð hann. En annars verð ég að skunde mig að hente Alexandeer. bleeeess til næst.

Vinna!

2006-01-21T13:53:00.000-08:00

Ég fór í viðtalið á hótelið og er bara eiginlega komin með vinnu. ég á að mæta núna á mánudaginn kl. 10 og þá verð ég sett inní starfið, þó að ég hafi kynnst því smávegis á föstudaginn. T.d að ég á ekki að tosa í pinnann á sturtunni, því að þá fæ ég gusu yfir mig( var að þrífa kringum pinnann, en óvart rak mig í hann) þannig að það flæddi niðrá bak, en við gátum allavegana hlegið af þessum hrakförum og stúlkan sem var með mér sagðist hafa nokkrum sinnum lennt í þessu sama, svo að mér létti við það. Þetta eru í um 15 tímar á viku og ég fæ næstum það sama og frá komúnunni fyrir 37tíma á viku. Ég á að vísu að byrja kl. 6 á morgnana en er búin að vinna um hádegi og þetta er helgarvinna frá laugardegi til og með mánudegi, þannig að ég fer bara á bílnum um helgar en Addi ætlar að skutla mér á mánudögum, því að rúturnar eru ekki farnar að ganga svona snemma. Kannski get ég fengið að semja líka eitthvað um þetta á mánudögum. Mig er farið að hlakka svo til föstudagsins næsta, stórtónleikar þetta verður frábært ég veit það bara, ég hef ofurtrú á strákunum. Við fórum í dag í smá búðarleiðangur og keyptum sófasett á útsölu, aldrey þessu vant þá erum við farin að fá senda óvænta peninga í pósti(ég veit ekki hverskonar heppni þetta er)við fengum óvæntar 7000 kr. danskar um mánaðarmótin síðustu og í dag vorum við að fá endurgreitt frá Energi Danmark yfir 2000 kr. sennilega fyrir það að við notum svo lítið rafmagnið hérna. Þannig að nú fer ég á útsölu og fæ mér leðurstígvél og peysu. Addi var að fá sér frakka á útsölu og kostaði hann einungis 300 kr.þannig að hann er algjör töffari núna, ekki að hann hafi ekki verið það fyrir, hann er bara svo flottur í þessu. Það er bara annars allt gott að frétta héðan, Alexander er að batna pestin, fékk þó aðeins í eyrun allir aðrir eru hressir. jæja nú verð ég að fara úr tölvunni, því að Addi er alveg ólmur að komast í hana. segi ég bara blessss til næst.

Fyrsta viðtalið.

2006-01-18T07:10:00.000-08:00

það var hryngt í mig í morgun, og ég beðin að koma í viðtal á hótel nálægt Ebeltoft. Bærinn heitir femmøller, þetta er helgarhreingerning á hótelinu og vonast ég til að viðtalið beri árangur. svo ætla ég bara að fá mér hálfsdagsvinnu í viðbót, og þá yrði ég ánægð. Alexander er búinn að vera fárveikur, með yfir 39 stiga hita og er ég hrædd um að hann fái lungnabólgu. Hundurinn er búinn að vera mjög afbrýðisamur út í Alexander og bítur mig í lappirnar til að fá athygli, því ég hef verið svo mikið með Alex. ég ætla svo ekki að hafa þetta lengra núna, þið megið ekki slaka á kommentunum. bless í bili.

Leitin að vinnunni.

2006-01-17T02:53:00.000-08:00

Við Addi sátum fyrir framan tölvuna í gær og vorum að pikka út vinnur sem eru hér í nágrenninu og henta mér, og er ég búin að senda í um níu umsóknir. Vona ég bara að þetta beri árangur, svo ætla ég að kíkka á netið í dag og kanna hvort hafi eki komið einhver fleiri job inn. Ég, Alexander og Patti erum ein heima í augnablikinu, en ég bíst við Kristófer heim fljótlega, hann er búinn að vera veikur með hósta og höfuðverk. Alexander er líka búinn að vera veikur með mjög slæman hósta. Andrea fer núna á fimmtudaginn og fær spangir, sem hún þarf að hafa í um tvö ár og svo þarf hún að mæta þar reglulega og láta herða heila klabbið(best að gera þetta hér því það kostar ekki neitt fyrir okkur). Annars höfum við það bara þokkalegt, miðað við allt. jæja nú ætla ég að fara að kíkka á fleiri job og svo náttúrlega að hugsa um gemlingana mína tvo,Patti er alveg á fullu við að naga það sem hann má ekki naga og Alexander er duglegur að bera í hann dótið sitt og annarra, svo ég hef alveg fulla vinnu við að passa þá drengi. Nú ætla ég að hætta í bili bless til næst.

Hundurinn kominn !!

2006-01-13T10:46:00.000-08:00

jæja nú er hundurinn kominn og hefur hann fengið nafnið Patti. Hann er blíður og góður, en það þarf að aga hann vel svo að hann verði verulera hlíðinn og góður hundur og vona ég að það taki ekki langan tíma. Við vorum ekki lengi búin að hafa hann, er ég var lögð inn á spítala, en ég var þar bara í einn dagpart og vil ég svosem ekki tíunda það frekar hér. Anna Sigrún og Agnes eru hér enn, en fara á morgun til Kaupmannahafnar, þær eru búnar að vera veikar með hósta og hita, vona ég að þær verði orðnar skárri á morgun. Á miðvikudaginn fóru þær allar, (Anna Sigrún ,Agnes og Andrea) að fá sér tatto, Andrea fékk sér tatto á öxlina, Agnes á ulnliðinn og Anna á bakvið eyrað. Það fara að koma myndir inná Alexanders síðu, frá jólum og áramótum. Ég er svo bara búin að vera í fríi og verð í fríi til 26. jan en þá á ég að byrja í Ryomgård en annars er ég að fara að leita mér að vinnu, enhverstaðar í nágrenninu, því að í Ryomgård á ég að vinna mikið fyrir skítalaunum og ætla ég ekki að láta bjóða mér það. Það er mikið verið að auglýsa eftir ræstingavinnu og er ég mikið að spá í svoleiðis vinnu.Þá líka losna ég undan kommununni, og fæ meiri pening í hendurnar, fyrir jafnvel minni vinnu svo hef ég líka nóg að gera hér heima. Ég er orðin virkilega þreytt á þessu, það er bara hægt að nota mann út í ystu æsar. Hættum að tala um það, að öðru Addi er núna að smíða búr fyrir Patta svo hann verði rólegur í sínu fleti á nóttunni. Ég er búin að sofa hjá honum nokkrar nætur, og Anna og Agnes sváfu hjá honum eina nótt. Svo vil ég þakka öllum þeim sem kommentuðu, það er alveg magnað að fá svona mörg, þið megið alveg halda þessu áfram takk. En vell best að fara að hætta þessu pári. bless til næst.

Meira um hund.

2006-01-09T02:54:00.000-08:00

við erum kannski að fara að ná í hund á eftir eða á morgun, við erum búin að skoða hunda í gegn um netið og fundum sæta svarta, sex vikna gamla hvolpa. þetta er blanda, mamman er labr/rottw og pabbinn er gold.retri, svo að hann ætti a vera góður fyrir fjölsk. þeir eru mjög barngóðir svo það ætti ekki að vera mikið mál, bara að ala hann vel upp og það munum við alveg örugglega gera, nóg hefur maður að gefa af sér. En annars er bara allt gott að frétta, við vorum með smá litlujól hér þegar krakkarnir komu, og lukkaðist það bara vel og þó ég segi sjálf frá það var maturinn frábær, maður þarf annarslagið að hrósa sjálfum sér er það ekki? Hölli, Anna Sigrún og Agnes kíktu í mat, en stoppuðu ekki lengi. ég var svo með kakó og kökur um kvöldið og Mette kom og drakk með okkur, við horfðum svo bara á sjónvarpið frameftir kvöldið, kvað er betra en vera í faðmi fjölskyldunnar(gott að ég á mörg börn). En ég er að spá í familían sem við eigum á Íslandi,STÓR SPURNING? afhverju kommentar enginn á þessi blogg okkar, það eiga flestir tölvu og ég held að allir kunni að skrifa( sem eru yfir sjö ára), svo ef enginn kemur með eitthvað þá er ég að hugsa um að hætta þessu pári hér á síðunni. EIN BARA SVOLÍTIÐ PIRRUÐ. Þetta er samt ekki til þín Aníta mín, þú ert sú duglegasta að kommenta. ég ætla svo bara að segja bless.

Hundur !!!!!!!!!

2006-01-03T23:49:00.000-08:00

Ég er búin að ákveða það að fá mér hund. Ég veit að Adda hefur alltaf langað í hund, en nú er ég ákveðin við fáum okkur hund helst á morgun. Ég hef sofið lítið sem ekkert síðustu nætur. Við höfum vaknað upp tvisvar við að það hryngir einhver dyrabjöllunni, og auðvitað get ég ekkert sofið eftir það, þetta hefur verið svona um fjögurleitið í bæði skiptin. Ég er kannski orðin dálítið ýmindunarveik, en í nótt vaknaði ég við, að það var einhver að labba fyrir utan gluggann, kannski draumur en þetta var svo raunverulegt að ég bara svaf ekkert það sem eftirvar nætur. Núna veit ég afhverju allir danir eru með hunda. Ég ætla að fá mér STÓRAN hund og náttúrlega barngóðan.Þetta var það sem ég vildi segja, bless til næst.

Dejlig jul !

2005-12-28T07:21:00.000-08:00

við höfum bara haft það mjög gott þessa jóladaga sem liðnir eru, að vísu fékk Alexander einhverja pesti með miklum hita og er búinn að vera veikur í tvo daga með allt uppí 40 stiga hita. Því þurftum við að fresta heimsókninni til Atla og fjölsk. Addi lennti svo í vinnuslysi í dag, hann fekk kassastæðu ofanásig og nefbrotnaði og fékk heilahristing og þetta gerðist snemma í morgun, svo hann var ekki lengi í vinnunni. eins og þið getið lesið þá hefur gengið á ýmsu, ég er ekki alveg búin. í nótt vöknuðum við, við dyrabjölluna og mér kom bara eitt í hug innbrotaþjófar, þetta var um fjögurleitið og var náttúrlega enginn við dyrnar, ég hugsa að þetta hafi verið eitthvað at, en ég hugsa ekkert gott til þeirra því mér kom ekki dúr á auga eftir þetta, og var alltaf að hugsa um hvort ég heyrði ekki eithvert hljóð og hvort að væru ekki enhverjir komnir inn í húsið(ekki góð tilfinning), svo þegar Addi fór í vinnuna læsti ég á eftir honum. það hafa verið alveg ótrúlega mörg innbrot hér á Djurslandi(um 72) þannig að maður er svolítið nervus, en það hefur ekkert verið brotist inn hér í Thorsager, en maður getur aldrei verið öruggur. Andrés og Míra koma svo á morgun í kaffi, og vona ég að Alexander verði orðinn skárri. ég ætla svo að þakka fyrir allar gjafirnar, harðfisk, hangikjöt, krossgátubækur og íslenska namminu, þið eruð bara öll frábær og takk takk takk. ég varð bara orðlaus þegar ég opnaði gjafirnar. ég vona bara að þetta hafi verið nógu skýrt og stórt þakklæti. ég skrifa meira eftir áramótin, en bið bara að heilsa í bili og megiði eiga góð áramót.

Gleðileg jól allir !!!!!!!!!!!!!

2005-12-23T13:36:00.000-08:00

já ég veit að ég hef verið löt. en svona er það bara, þegar maður hefur í mörgu að snúast. Aníta var hérna náttúrlega, kom 29. nov og fór aftur með Andreu og Kristófer til Íslands(miss you guys) 17. des, og ætla að halda jólin á Íslandi. Hölli verður að vísu hérna á morgun, aðfangadag og á jóladag, svo að það verður ekki alveg tómlegt. En börnin mín eru ekki hérna og ég sakna þeirra meget, ég ætla svo bara að óska þeim gleðilegra jóla og vona bara að þau hafi það sem allra best um jólin. Ég var svo í lokaprófinu í dönsku, og ég stóð það (ég vil ekki segja með glans, stress held ég, en allavegana stóðst ég prófið). Svo núna bíð ég bara eftir framhaldinu, annað hvort í skólann(soucial og sundhedskolen) eða held áfram í praktíkinni. Svo hef ég bara verið að undirbúa jólin, og þar er nú í mörg horn að líta, skúra skrúbba og bóna, og kaupa jólagjafir og svo auðvitað að baka, má ekki gleyma því. á morgun á svo barasta að slappa af, og útbúa eftirréttinn (ris a la mandl) að dönskum hætti, mmmmmmmmm hlakkar mig ekkert smá til að borða hann, þetta er bara svo gott!! ef þar að segja ég klúðra ekki einhverju, þetta er nefnilega í fyrsta skipt sem ég geri réttinn. Í forrétt er rjómalöguð aspassúpa, aðalrétturinn er svo festskinka(svínaskinka)með öllu tilheyrandi og í eftirrétt er svo ris a la mandl og heimalagaður ís. Hljómar þetta ekki bara frábærlega? Benedikta bíður spennt eftir jólunum og er búin að setja pakkana undir jólatréð. Enda er allt klárt hér, nenni engu stressi. Ég var í fríi í dag og verð í fríi í alla næstu viku, svo það verður bara slappað af. Strákarnir eru farnir að horfa á mynd, svo ætli ég hlessi mér ekki bara í sófann, og góni á með þeim. ég vil svo bara óska öllum sem mig þekkja gleðilegra jóla og godt nýtt ár, og megiði hafa það sem allra best yfir hátíðina, eins og ég ætla að hafa það. Jólakveðjur úr Danaveldi!! bæbæbæbæ

Svona tröll er ég

2005-11-22T08:37:00.000-08:00

Íþróttaálfur

Þú ert vanaföst, yfirveguð félagsvera.

Arnold Schwarzenegger er vanaföst, yfirveguð félagsvera. Það er því ekki leiðum að líkjast. Íþróttaálfurinn býr sko ekki í Latabæ (LazyTown ^TM). Hann tekur til fótanna, án þess að vera að missa af strætó og þótt enginn sé að elta hann. Hann er hrókur alls fagnaðar í heita pottinum og er jafnvígur í flugsundi og að troða marvaða. Rétt eins og Tortímandinn er íþróttaálfurinn marksækinn og staðfastur. Ekkert fær hann stöðvað.

"Áfram Latibær, I'll be back!"

Hvaða tröll ert þú?

Tíminn líður.

2005-11-16T08:30:00.000-08:00

Þetta er alveg ótrúlegt, hvað tíminn líður. Ég hef ekki bloggað síðan þriðja nóv, mér finnst það hafa verið í gær.En þetta verður örstutt blogg, Alexander hélt upp á afmælið sitt um helgina, og þið getið lesið allt um það á síðunni hans, annars er hann búinn að vera veikur og er ég farin að halda að hann sé með vírus í maganum, því að hann er búinn að vera með niðurgang í nokkra daga. Ég var svo í lokaprófinu í dönsku í dag í Aarhus, og held ég barasta að mér hafi gengið vel, ég fæ svo að vita niðurstöðuna held ég í næstuviku. Hölli var líka að taka þetta sama próf og held ég að honum hafi gengið vel. Munnlegaprófið er svo í desember frá sjöunda til tuttugasta, þvímiður því að ég fæ ekki inn í skólanum fyrr en niðurstöðurnar úr þessum prófum eru komnar á borð hjá þeim, og ég veit ekkert hvenær ég fer í test og við getum ekki haft áhrif á röðina, máski verður skólinn fullsetinn, þegar niðurstöðurnar loksins koma. Eg vona bara að þetta reddist allt. Að öðru það er kominn jólafílingur í liðið, eru spiluð jólalög á hverjum degi. Styttist í það að maður fari að sétja jólaljósin upp, það er nefnilega miklu minni lýsing hér heldur en heima, (sparnaður á rafmagni). Það er annars allt gott að frétta af öllum hér, fyrir utan þetta með Alexander, Benni er að koma í heimsókn held ég um helgina, svo styttist í Anítu. vonandi líður ekki næstum heill mánuður til skrifta, en til næst bæó.

Kitlikitl.

2005-11-03T03:32:00.000-08:00

jæja hún Anna Sigrún kitlaði mig, svo nú ætla ég að skrifa eithvað um sjálfa mig. og hér kemur það.

Sjö hlutir sem ég ætla að gera áður en ég dey.

° Ferðast til Frakklands.
° Fá mörg barnabörn. (svo ég verði ekki einmana í ellinni)
° Eiga peninga sem ég get dreift um mig.
° Læra frönsku.
° hafa það gott.
° Labba yfir helju.
° Ferðast vítt og breytt um heiminn.

Sjö hlutir sem ég get.

° Talað dönsku, svotil hikstalaust.
° Bakað, eldað og lagaðtil á sama tíma.
° Elskað familíuna MIKIÐ.
° Hlustað endalaust á Adda semja tónlist.
° Horft mikið á raunveruleikaþætti.
° Hlakkað til að Aníta komi.
° Keyrt með Adda til þýskalands, og til baka á einum degi.

Sjö hlutir sem ég get ekki.

° Átt gotterí lengi, það bara hverfur.
° Keyrt bíl og gert eithvað annað í leiðinni.
° Talað hið seyðandi tungumál, frönsku.
° Þolað mikið drasl í kringum mig, en einhvernvegin er alltaf allt í drasli.
° Lifað ef ég mundi missa, Adda eða eithvert barnanna.
° Talað mikið í símann, raunar þoli ég ekki að tala í síma.
° Farið að sofa eftir kvöldmat, þó að ég sé dauðþreytt.

Sjö hlutir sem heilla mig við hitt kynið.

° Rassinn, númer 1,2 og 3.
° Góður húmor, (gæti aldrey verið með húmorslausum manni).
° Hann á að vera kraftalegur.
° Klæða sig vel, (í töff föt).
° Hvernig hann kemur fyrir sjónir( í innræti og útliti).
° Svo má nú ekki gleyma augunum( þau geta sagt manni svo margt).
° Ef kossinn er góður, þá er aldrey að vita.

Sjö frægir sem heilla.

° Brad Pitt.
° Jude law
° John Travolta, eins og hann er í dag.
° Hugh Grant, alveg yndislega aulalegur í flestum myndum,(elska hann).
° Selma Hayek, alveg ótrúlega flott.
° Michael Douglas, það er bara eithvað við hann sem heillar.
° Patrick swayze, hann er líka kyssi kiss.

Sjö orð eða setningar sem ég nota mikið.

° Addi! lítteftir Alexander.
° Andskotinn.
° Nei, (við Alexander).
° Benedikta borðaðu matinn!!
° Djöfulsins drasl, það er eins og búi svín hérna.
° Nennirðu ( að gera hitt eða þetta).
° Við erum að verða of sein( á morgnana).

Sjö hlutir sem ég sé fyrir framan mig.

° Tölvuskjáinn.
° Myndir af börnunum.
° Webcam.
° Lampa.
° Bolla með kaffi í.
° Ritter sport súkkulaði.
° Nýjan scanner+ prentara.

Jæja þá er að kitla einhvern og það er pottþétt Míra, Agnes,Kristófer og Andrés. þið verðið svo að vera dugleg að blogga. En nóg í bili , ég er búin að sitja hér í meira en klukkutíma og skrifa þetta en bless til næst. Meðan ég man þá stóðst modul 4 testið í dönsku. bæ bæ.

Nýr tími !!

2005-10-30T00:09:00.000-07:00

Í dag breytist tíminn, ég vaknaði klukkan níu að sumartíma, en þá var hún bara átta að vetrartíma það er magnað að græða svona einn tímam, á morgun getur maður sofið einum tíma lengur og vaknað úthvíldur, ekki úldinn eins og síðustu vikur.
Á fimmtudaginn var ég svo í einu testinu í dönsku (modul 4) seinasta prófið fyrir lokaprófið og fer ég í það 16 nóvember, ég stóðst hlustun og skilning í lestri en fæ svo að vita útkomuna úr skriflega þættinum á morgun (mánud.)
ég fór með Benediktu til læknis á fimmtudaginn fyrir viku, út af löppunum hún þarf að öllumlýkindum ný innlegg, og fengum við tilvísun til bæklunarlæknis, ég hryngdi svo til hans og fékk tíma fyrst þrítugasta janúar(langur biðtími!!) Og hún sem vaknar oft upp um næturnar með verki, en jæja það er ekkert við því að gera. Við notumst við töfra grjónapúðana þangað til, í alvöru hún sofnar eftir 5-10 mín. þegar ég læt þá við lappirnar. Það er annars allt gott að frétta allir í stuði og farnir að hlakka til jólanna, Benedikta vill endilega fara að skreyta herbergið, en mér finnst það kannski full snemmt en suma dagana eru spiluð jólalög út í eitt, og börnin eru búin að kaupa jólagjafir fyrir flesta fjölskyldumeðlimi. En annars segi ég bara þetta gott í bili, það er verið að kalla á mig í morgunkaffið, um helgar höfum við það mjög huggulegt, borðum ný rúnstykki og meðlæti. bless til næst( vonandi líður ekki langur tími)en bæó spæó!!!

Afslöppun!

2005-10-18T02:32:00.000-07:00

ég verð nú bara að segja ykkur það . Í gærmorgun fór ég með Alexander til dagmömmunnar, kom svo heim og var bara rekin í rúmið af börnunum. Ég hélt að ég þyrfti bara að slappa ölítið af og sofnaði á endanum, um kl. 12 var ég svo vakin, og vitiði hvað!!! Andrea, Kristófer og Benedikta voru bara búin að laga til í öllu húsinu!! javnvel betur en ég geri vanalega. Ég á bara ekki orð þetta var bara svo magnað. Vildi bara láta ykkur vita hvað börnin okkar eru frábær.
sjáumst seinna bæjó.

Furðuspurningar.

2005-10-18T02:02:00.000-07:00

1. Hvað ertu búin/n að reka oft við í dag? Kannski einu sinni, enda árla morguns.
2. Ég stundaði fyrst kynlíf? 18 ára (hafði einfaldlega ekki áhuga á hinu kyninu fyrr).
3. Ég er ánægð/ur með mitt útlit 1 og upp í 10? 6 1/2 bíð eftir að komast í ekstream makeover.
4. Ég hef snýtt mér í sundi? Já örugglega margoft.
5. Hvort er betra uppgangur eða niðurgangur? niðurgangur(hata ælupestir).
6. Mér finnst alltaf fret findið? ekki alltaf, en ef það er um mjög dannað fólk að ræða þá finnst mér það spaugilegt.
7. Var Jói góður í idolinu? Sá ekki síðasta idol svo ég veit það ekki.
8. Hver mundi ekki vilja sjá Jón Frey í idolinu? Jú ég alveg pottþétt, ef hann getur sungið.
9. Ég fíla eða hata whoopi Goldberg? Ég hvorki fíla né hata hana, í sumum myndum er hún ágæt.
10.Er líf eftir þetta líf? Já alveg pottþétt!! ég gæti ekki lifað með þá trú að það væri ekkert eftir þetta líf.
Þá er ég búin að svara þessu, og á ég að skora á einhvern ? þá er það Míra, Aníta og Andrés. og hana nú.

Haustfrí !!

2005-10-15T00:40:00.000-07:00

Við vorum að sétja inn nýtt myndband af Alexander, og hvet ég alla til að skoða það, hann er svo mikið rassgat. Nú er haustfrí í skólanum og verða börnin í fríi alla næstu viku, ég er líka í fríi fram á fimmtudag en þá fer ég í vinnuna. Líkar mér bara mjög vel þarna, og er góður mórall innan liðsins, td. í gær fórum við og drukkum kaffi með gömlum manni, og það voru kökur með. Ég er búin að fá hjól, og fyrst er ég hjólaði var ég spaugileg það var eins og ég væri byrjandi, en nú er þetta komið. Og hjólum við á milli heimila og hjálpum fólki, með þrif og annað. Benedikta er nú að fara í afmæli á morgun, og nú getum við bara skutlað henni þangað, og komum við ekki klukkutíma fyrr, í fyrra hélt hún upp á afmælið akkúrat á deginum þegar sumartíminn breytist í vetrartímann, og komum við of snemma. Breytist tíminn 30. október, og verður það frábært að geta sofið klukkutíma lengur. Kristófer er búinn að fara tvisvar til Rønde, í heimsókn til Daniels. Svo fór hann til Aarhus í bío með Andresi. Kom hann heim alveg í skíunum, því Andres og Míra gáfu honum síma, rafmagnsgítar og magnara, og bol. Andrea og hann eru nú alltaf að æfa sig saman á bassa og gítar, og voru að semja lag og texta í gær, með smá hjálp frá Adda. Nú er Addi að ná í Hölla til Aarhus, hann var nefnilega að kaupa sér magnaðar upptökugræjur, og svo eru þeir að fara á æfingu, þeir eru komnir með frábær lög og er Addi með þrjú eða fjögur önnurlög í kollinum, sem hann er að semja. Ég ætla að segja þetta gott í bili, sjáums senere hej hej

Nýr bíll !!

2005-10-04T07:54:00.000-07:00

þá sit ég hér eina ferðina enn, og ætla að reyna að pára eithvað. Við erum við komin á bíl, og er það bara magnað. Fórum við í fyrsta bíltúrinn á sunnudaginn, og rúntuðum hér um kring. Ég settist svo í fyrsta skiptið í bílstjórasætið í morgun, og brunaði í skólann. Gekk það alveg slysalaust fyrir sig.
Ég var alveg rosalega dugleg á sunnudaginn, sló garðinn og bónaði bílinn ásamt Adda og vöskum hjálparmönnum. Andrea er að fara að láta rétta tennurnar, og þurfum við ekki að borga eina krónu í því og er það einn af stærstu kostunum við að vera hér í Danmörku, semsagt tannlæknaþjónustan og læknaþjónustan, maður borgar aldrei neitt, viðkomandi börnunum.
Það er nú ekki mikið að frétta af öðrum fjölskyldumeðlimum. Allt er bara í orden, Addi og band eru komnir með æfinguhúsnæði, og svífa þeir nú á rósrauðu skýi, og styttist núna í frægðina.
Því eins og ég hef sagt áður og það er engin lýgi, þeir eru með frábær lög.
Alexander er farinn að segja meira og meira, hann hefur sagt pabbi og Hölli. Svo er ég að byrja í nýrri praktík, í Ryomgård og þarf ég að vera á hjóli, en það er eitt problem ég pantaði hjól í síðustu viku en fæ það ekki fyrr en á föstudag, svo ég veit ekki hvort ég byrja núna á fimmtudag eða bíð með það þartil í næstu viku.
Ætli ég segi þetta ekki bara gott í bili, hef ekki meira að segja en til næst bæbæbæbæ.

Klukk!!!!

2005-09-25T01:25:00.000-07:00

Ég veit ekki hvernig ég á að koma mér út úr þessu, ég man ekki eftir neinum furðuhlutum um mig. Svo er búið að klukka alla sem ég þekki þannig að ég veit ekki hvern ég á að klukka.
En ég ætla að reyna. Þeir sem ekki vita út á hvað þessi leikur gengur, þá áttu að segja frá fimm furðulegum staðreyndum um þig, og klukka svo fimm aðra.
1. Ég er mjög myrkfælin, og þegar ég er ein hér frammi þá kveiki ég ljósið í eldhúsinu fer svo og kveiki inn á baði og þegar ég fer að sofa þá slekk ég á eftir mér, og slekk svo seinast á baðinu því það er við herbergið okkar.
2. Ég tala mikið við sjálfamig, og oft verð ég að passa mig þegar ég er annarstaðar, svo að fólk haldi ekki hreinlega að ég sé eithvað klikk.
3. þegar ég tek Bussen, þá verð ég helst alltaf að sitja við hurðina afturí, ég veit ekki afhverju en það er bara besta sætið, og ef einhver situr þar þá er ég ekki neitt sérstaklega ánægð.
4. Verð hreinlega veik ef ég er að fara að byrja á einhverju nýju, einsog ég er að fara að byrja í nýrri praktík, og svo sótti ég um skólann allt á sama deginum, og ég get svarið það að ég var alveg búin eftir þetta. Bara tilhugsunin.
5. Þá er það fimmta og og síðasta, ég er alveg skelfilega lofthrædd, og þarf næstum að hafa öryggislínu þegar ég stíg upp á stól. Ég vona að þetta sé nógu furðulegt fyrir ykkur.

Ég ætla að klukka Silju, Sonju, Agnesi, Ástu Mekkin og Míru.

Allt í gúddí !!!!

2005-09-13T07:47:00.000-07:00

Hér er ég komin, og ætla að skrifa smá. Ég veit að ég hef verið löt við að skrifa en vonandi batnar þetta. Það er nú ekki svo margar fréttir að segja ykkur. Við ætlum að kaupa bíl, og erum eiginlega með einn í skotmáli, sem húseigandinn á og er það citroen eitthvað (hef ekkert vit á þessháttar). Hann á einungis að kosta 15000 keyrir vel, og hann lítur vel út, við treystum líka manninum sem á bílinn, þannig að við verðum örugglega ekki snuðuð. Addi fór í starfsviðtal núna í dag, ég heyrði í honum áðan, og hann sagði að þetta hljómaði allt bara vel, svo nú er bara að krossa fingurna. Kristófer er búinn að eignast vini, og er einn drengurinn búinn að koma hér tvo daga í röð, en hann býr í Rønde. Benedikta er í góðum húmör, hún vill allavegana ekki vera of mikið heima, og eftir skóla fer hún alltaf til einhverrar vinkonu sinnar. Andrea er líka í góðum húmör og þið getið farið inná síðu diskóteks í Rønde og séð myndir af henni (með bleikt hár) og hér er slóðin www.diskotekdaisy.dk og klikkið á onsdag d. 7. sept, þar eru margar myndir af Andreu, Mette og mörgum öðrum unglingum. við fórum í djurssommerland, helgina 3. og 4. september og var það mjög gaman, gott veður báða dagana og gátum við dregið Adda með seinni daginn og fannst öllum það vera mjög gaman, og held ég bara að hann hafi skemmt sér alveg konunglega, þó hann hafi nú sagt annað, þetta hafði allavegana mikla þýðingu fyrir börnin. Svo var maður bara í afslöppun núna um síðustu helgi, enda var ég!! allavegana þreytt eftir helgina áður. Á morgun fer ég svo til Århus að sækja um skóla, og er ég bara spennt, svo byrja ég í praktík á elliheimili í október. Allt virðist ganga vel hjá okkur í augnablikinu, og segi ég bara húrra fyrir því!!!gaman að lifa. nú er nóg komið af þessu rausi en bæ ttiiiiilllll næst.

Skóli, ný pragtik og annað

2005-08-31T14:08:00.000-07:00

jæja gott fólk, þá er ég komin hingað aftur, ég get þó sagt eitt að sennilega fer ég í skóla eftir áramót. Það er búið að hafa samband við skólann, og ef ég næ dönskuprófinu í desember þá að öllum líkindum kemmst ég inn í skólann í Aarhus. Svo byrja ég í pragtík á elliheimili í Ryomgaard í október, og verð ég þar til skólinn byrjar en það er mjög gott að vera búin aðeins að kynnast þessu áður en ég fer í skólann. Ég er bæði spennt og kvíðin, eins og eðlilegt er, en þetta hljómar allt vel. Það hafa verið smá veikindi í gangi hér, upp og niðurgangur, og svo kvefpestar, það er nú ekki skrítið, því að hitinn er ekki mikill á morgnana, en svo er brjáluð blíða yfir hádaginn og svo aftur kalt á kvöldin. Benedikta er aðeins farin að lesa, hún fær bækur heim, um læsefidusen Carlo sem hún á að lesa í og svo kvittar maður og gefur umsögn. Nú er Alexander orðinn elstur hjá dagmömmunni og er verið að venja hann á að ganga við hliðina á vagninum,og halda í hann. það gengur annars allt bara mjög vel hjá öllum hinum fjölskyldumeðlimunum. Ég er að hugsa um að fara að sofa en til næst bæbæ.

Úr ýmsum áttum.

2005-08-18T04:46:00.000-07:00

Jæja þá er ég sest hér og ætla að reina að pára eitthvað. Ég var að koma úr testi í dönsku og ég stóð mig með stakri príði!!!!!! Húrra fyrir mér, ég var prófuð í málfræði og skilning í lestri. Ég var með í maganum eins og alltaf þegar ég fer í próf, en ég veit ekki afhverju, þetta er bara svo létt að það er óþarfi að hræðast þetta. En svo í annað, það var götufesti hér og var það bara þrælgaman, mér fannst bara vera léleg mæting en ég kynntist þó nágrönnunum hér við hliðina, og eru þau bara hress. Fyrst var drukkið kaffi í laut sem er hér á milli einna húsanna og farið í víkingaspil, sem íslendingarnir urðum húkt á og er bara eftir að kaupa svona spil. Svo um kvöldið var hlaðborð með allskins réttum og hvert hús lagði til einn rétt, og meðalannars þá smökkuðum við í fyrsta sinn kengúrukjöt, sem var borið framm með spes sultu, og smakkaðist það mjög gott. Svo var auðvitað drukkið rauðvín með matnum, og á eftir var skotið nokkrum hot and sveet á röðina, og var maður bara orðinn nokkuð kenndur, en það er bara allt í góðu því það skeður svona í mestalagi einusinni á ári. Kristófer fer svo til Bornholm, í næstu viku og vona ég bara að það verði frábært stuð hjá honum, en verst er að hann snakkar ikke meget dansk, en hann getur bjargað sér smá í Ensku. Það stoppaði helst á að hann færi ekki því hann hefði ekkert hjól, en það er úr sögunni því að þau leigja hjól þarna. Heimasíðan af Benediktu bekk er komin í gagnið og er það fínt, en ég er smá svekkt yfir að það eru engar myndir af bekknum hennar, eins og af hinum bekknum, en vona ég að þær eigi bara eftir að koma. Andrea fór til Hornslet í gær, og gisti svo hjá vinkonu sinni í Rønde í nótt. Meðan ég skrifa þetta er Benedikta í sfo, Alexander hjá dagmömmunni, og Addi í vinnunni, svo að það er bara rólegt hér í augnablikinu, kannski ég fari bara að læra fyrir mánudaginn, ég er aðeins stemmd fyrir því. Ég á annars að fynna eitthvað emne og tala um það fyrir framan bekkinn, og er ég straks komin með í magann út af því, en gangi mér bara vel!! ég held ég fari nú bara að slútta þessu en þar til næst bæó spæó.

Skólinn byrjaður!!

2005-08-11T12:20:00.000-07:00

Jæja, þá ákvað ég að skrifa aftur(loksins) búin að vera ansi löt. Kannski kemur smá leiði í mann, þegar búið er að vera fullt hús af fólki. En nú er daglega lífið byrjað aftur, skólarnir byrjaðir og allt er að falla í venjulegan jarðveg. Kristófer er hér núna og verður í vetur, hann hefur farið tvisvar í skólann og hefur það bara gengið þokkalega, þó að hann skylji ekki neitt. Hann hefur verið með smá hnút í maganum, og er það alveg skiljanlegt, ég væri væri ekki svona brött að fara í nýjan skóla og skylja barasta ekkert. En þetta kemur vonandi fljótt hjá honum, en það sem verra er að þau eru að fara í skólaferðalag til Bornholm, og fara eftir tvær vikur, og honum líst ekkert á það. En það er einn strákur sem hann hefur veri með meðan hann er í skólanum, en svo fær hann auðvitað aukakennslu í dönsku. Benedikta er bara orðin hinsvegar alveg eins og innfædd, talar alveg reiprennandi, og þeir sem vilja fylgjast með þeim í skólanum þá eru þau í 1a og 6a á Thorsagerskole heimasíðu, það er www.thorsager-skole.dk , en heimasíðan fyrir Benediktu bekk er fyrir einhverjar orsakir ekki komin í gagnið, en það verður vonandi fljótlega. Andrea er svo byrjuð í Røndeskole, og held ég að hún sé alveg þokkalega sátt, hún gisti hjá vinkonu sinni núna í tvær nætur en kemur á morgun. Svo erum við að hugsa um að fá okkur bíl svona til að dröslast á, bæði þá léttir það fyrir Adda að fara í vinnuna, og það væri líka gaman að geta skotist eitthvert, út og suður upp og niður. En áður en ég fer að rugla meira þá ætla ég bara að segja bless þar til næst(vonandi fljótlega)bæ bæ bæ bæ bæ

gestir!!

2005-07-27T15:55:00.000-07:00

Jæja það er langt síðan síðast. En þegar eru gestir hjá manni þá er maður bara ekki mikið við tölvuna. Anna Sigrún og Gunni eru að ég held í Þískalandi, en þau koma aftur hingað um helgina held ég. Annars er ekkert ákveðið, Agnes og Guðlaug koma á morgun, seinnipartinn og ætlum við að fara á lestarstöðina til að taka á móti þeim. Það verður svo fjör hér eftir helgi, því Aldís Lóa kemur í heimsókn með mömmu sinni. Og vonumst við til að Andrés geti gert sér ferð hingað uppeftir og hitt þær, og þá yrðu þau öll Benediktsbörnin hér, ég verð að gera eitthvað í tilefni þess. En að öðru, við gáfum Benediktu trampolín í afmælisgjöf og held ég að allir fjölskyldumeðlimir njóti þess, að hoppa sig þreytta nema kannski ég. Ég er svo lofthrædd að ég þori varla uppá það, en ég get vel legið í sólbaði á því(það er fínt til þess). Núna eru Benedikta og Addi sofandi í sófanum, og Alexander er inní herbergi sofandi að sjálfsögðu, svo að ég sit bara við tölvuna og nýt þess í botn. í öllum leikjunum á netinu, þið ættuð að prófa bubbles þá farið þið ekki aftur frá tölvunni, en samt er ég núna að hugsa um að fara að sofa, klukkan hjá mér er að ganga tvö. svo til næst bbbllllllllleeeeeeeeeessssssssssssssssssssss.

Haglél í júlí !!!!!!!!!!!

2005-07-20T00:50:00.000-07:00

Það dimmdi snögglega hér aðan og skyndilega drundi í öllu húsinu, ég helt að það væri svona mikil rigning. Fór út að glugganum og sá að þetta var hagl, og það mikið, svo á eftir kom elding og stór og drungaleg þruma. Þetta var og er skrítið að sjá svona um mitt sumar, svo hljóðnar allt í smá stund og svo koma þrumurnar, eldingarnar og haglið eða rigningin aftur. Þetta er óhugnalegt veður.En bara að leifa ykkur að vera með í upplivuninni. kv.til næst bæææææææææ.

frí og aftur frí.

2005-07-20T00:13:00.000-07:00

Hellú!!
jæja hér sit ég einaferðina og veit hreinlega ekki hvað ég á að skrifa.
En nú fer að líða að því að krakkarnir fari að koma, er komin þónokkur tilhlökkun í þá sem eru hér. Ég er búin að vera í sumarfríi, og hefur veðrið ekki verið af lakara taginu, en júlímánuður hefur oft á tíðum verið slæmur, og tengja allir því að svo margir taka sumarfrí þarna og skólarnir eru í fríi. Ég er í fríi og sólin hefur ekkert annað en leikið við mig, en svo er spurning hvað verður í ágúst þegar þeir danir sem ætla að blekkja veðrið taki sér frí. ég er búin að vera hálf slöpp undafarna daga íllt í maganum og þessháttar, og sef illa kannski er eitthvað að ganga, en ég vona að þetta lagist. Krusindúllan var að vakna, svo ég hef þetta ekki mikið lengra í bili en rita eitthvað fljótlega. bæó spæó!!!!!!

babl !!!

2005-07-19T01:44:00.000-07:00

Halló!!!
Við sitjum hér ég og Amlexander, og ég ákvað að blogga smá. Það hefur samt ekki mikið skeð, og ég er hálf andlaus. Alexander er farinn að tala mikið babl mál, með einstökum dönskum orðum, og er gaman að hlusta á hann þegar hann er að horfa á dýralífsþætti, en það eru uppáhaldsþættirnir hans. Hann bendir og bablar eins og hann sé að sína okkur eitthvað. Hann stendur núna hjá ryksugunni og bendir mér á að ég skuli nú fara að ryksuga.
Ég ætti kannski að segja ykkur frá dálitlu spaugilegu. Snillingurinn ég var að stytta gamlar gallabuxur sem Addi á, og allt í lagi með það, Addi fer úr buxunum og þær liggja á gólfinu, og ég tek skærin og byrja að klippa. Var búin með að ég hélt báðar skálmarnar, svo fer ég að skoða þá sá ég að ég var búin að klippa af öðrum gallabuxum(betribuxum)sem Addi átti, og fékk ég sjokk og ætlaði ekki að þora að segja Adda frá þessu. En þetta var í raun í lagi því að það hafði ekki verið búið að stytta þessar buxur.Við hlógum svo bara að þessu eftirá, en þetta var ekki spaug fyst þegar ég fattaði þetta. Nú er Benedikta hjá Önnu Sigrúnu og Gunna og verður hún þar til föstudags, svo fljúga þau út. Hlökkum til að sjá ykkur. En til næst bless í bili!!!!!!!!

Það er rigning!!

2005-07-15T00:58:00.000-07:00

hæ fólk!!!!
Það er rigning hér í augnablikinu,og er það bara gott, því það hefur eiginlega ekkert ringt í um mánuð. hefur hitinn verið mjög hár og gróðurinn var orðinn ansi þurr.
Alexander fékk sand í sandkassann í gær, og við fórum til Rønde og keyptum tvær fötur, vörubíl bát og tvær skóflur, sem hann getur leikið með í sandinum.
Þegar ég var að undirbúa sandkassann, sá ég þá stærstu kónguló sem ég hef nokkrusinni séð, þetta var eins og í teiknimynd. Það var kóngulóarvefur út um allt og risa flugur vafðar í honum, þær voru reyndar þrjár kóngulærnar og ég fæ hroll við tilhugsunina. Ég kallaði auðvitað á Adda sem bjargaði mér með það sama.
Addi er að vinna núna, en ég gæti búist við honum heim áhverri stundu, því það er rigning, nema ef hann er að vinna inni það er möguleiki.
Hölli gisti hér í nótt, því hann missti af rútunni í gærkveldi.
Alexander er að trufla mig svo ég segi bara bless til næst!!!!

Heimsóknir!!!!!!

2005-07-12T01:36:00.000-07:00

jæja þá erum við aftur orðin aðeins þrjú í kotinu. Krilla og Sigurjón eru búin að vera hér í nokkra daga, þau komu á laugardaginn á mótorhjólinu, og voru að fara núna áðan. Við höfum gert ýmislegt á meðan þau stoppuðu, meðal annars var drukkinn bjór og mikið af honum, enda er búið að vera drepandi hiti, 35+ gráður. Við fórum til Aarhus á Sunnudaginn á kaffihús, og í gær fórum við í Djurssommerland, og var það alveg meiriháttar gaman. Núna eru þau á leiðinni til Noregs til Hjalta og Guðfinnu, en hún er að hjálpa honum með börnin, því Monika er hér í Danmörku, í næsta nágrenni við okkur. Ef það fer ekki að rigna bráðum þá held ég að gróðurinn drepist hreynlega. Við Alexander erum að hugsa um að fara í laugina, sem Aníta skildi hér eftir, og kæla okkur aðeins. Það er annars allt gott að frétta héðan, Addi er að vinna og við erum bara tvö heima í augnablikinu. Það styttist svo í það að Benedikta, Anna Sigrún og Gunni stormi hingað, um ellefu dagar, Agnes og Guðlaug koma svo nokkrum dögum á eftir, og þar á eftir Andrea og Kristófer. Svo þá fyllist húsið á ný. En nú ætlum við bara að dóla okkur eitthvað, þ.e. við Alex. svo til næst bless.

sól, sól, sól!!!

2005-07-07T05:25:00.000-07:00

halló !!
Það er bara glaða sólskin úti núna, það er búin að vera rigning í nokkra daga, en það er nú bara gott fyrir gróðurinn, því að allt var að skrælna. Núna er sólin farin að skína aftur, og er alveg heiðskýrt. Við Alexander getum nú farið út í garð og leikið okkur, það er bara verst að það vantar sand í sandkassann, og við höfum engan bíl til að ná í sand. Við verðum sennilega að nauða í Lars eða einhverjum öðrum til að ná í sand fyrir okkur, niðrí fjöru. Það er hægt að kaupa sand í byggingavöruverslununum, en hann er frekar dýr. Það er allt annars í gúddí, Addi hefur verið í smá fríi því þeir geta ekki unnið í rigningu, en hann er að vinna núna. Alexander er útisjúkur, hann var búinn að koma með alla skó heimilisins, því ég átti sko að fara út með honum. Nú vantar sko Andreu eða Benediktu, til að skjótast aðeins með honum út, við söknum ykkar, hlökkum til að sjá ykkur!!!
Ætla ekki að hafa þetta lengra bless til næst!!!!!!!!!!!

Ung og falleg!!

2005-07-04T12:27:00.000-07:00

Ég fékk hrós í dag, sem bendir til þess að ég líti ennþá út fyrir að vera tuttugu ára og verð ég að segja að ég hef ekki brosað svona út af eyrum í langan tíma. Ég hitti stelpu í Rønde sem ég þekki úr Dukan, en það er vinnustaðurinn sem ég vann á, og ég var með Alexander með mér, hún spurði hvort hann væri sonur minn og ég játti því, en þá sagði hún að hún hefði haldið að ég ætti engin börn þþþþþþþþþþvvvvvíííí að ég væri svo ung. Ég verð að segja að ég varð eitt spurningarmerki í framan og það lá við að ég tæki nokkur húllaspor, en ég stillti mig og þakkaði henni kærlega fyrir, og ég sagði að reyndar ættum við fimm börn í allt og mitt elsta væri tvítugt. Og þið getið ekki trúað hvað þetta er magnað að fá stökusinnum svona hrós, ég lifi á þessu næstu mánuðina. En annars er allt gott að frétta, ég er í sumarfríi og allt er bara frábært, verst að Addi geti ekki notið þess með okkur. Og ég verð að viðurkenna að ég er farin að sakna barnanna minna sem ekki eru hér, þetta er svo óvanalegt að hafa bara eitt barn heima, en hann heldur mér við efnið. Ég ætla bara að segja þetta gott í bili, blessssssssss í bili, tillll næst!!!!!!!!!

Ferie!!!!!!!!!!!!!!!!!!!!

2005-06-30T00:52:00.000-07:00

Hellú people!!!!
Já, það er ekki hægt að segja annað en að það sé mjög einmanalegt hér, þar sem við erum bara þrjú í kotinu.
En við áttum bara góðan dag í gær, þar sem við áttum fjögurra ára brúðkaupsafmæli, það var pöntuð pissa, drukkið rauðvín, og borðaður ís, og það getum við þakkað Hönnu Stínu fyrir, því við höfðum steingleymt þessu. Við héldum reyndar fyrst að hún væri orðin eithvað rugluð, þar sem hún var að óska okkur til hamingju með daginn, og pældum lengi í því hver eiginlega ætti afmæli? En svo kveiknaði á perunni!!! OOOOOOOOOO brúðkaupsafmælið!!!
Það er bara steikjandi veður hér upp á hvern einasta dag, sólin skín og er eiginlega þægilegra að vera inni en úti.
Í gær var foreldrakaffi hjá dagmömmunni, og var það bara notaleg stund, við vorum þrjár mæðurnar sem mættu, og var spjallað um daginn og veginn.
Ég er komin í sumarfrí, og Alexander fer í frí á mánudaginn, en Addi getur lítið tekið frí, því að hann er svo nýbyrjaður í vinnu, en hann getur kannski tekið launalaust frí í svona viku, og er hann að hugsa um að taka frí um það leiti sem Anna Sigrún og Gunni koma. Ég vil minna ykkur á síðuna hans Alexanders á barnalandi, það eru heilmargar myndir héðan inni á hans síðu og kvittiði svo í gestabókina. www.barnaland.is/barn/15528
Þið getið líka kíkt á www.thorsager-skole.dk þar eru myndir af Benediktu
við hlökkum svo til allra heimsóknanna hingað, það verður gaman að sjá ykkur!! VELKOMIN!!
En nú segi ég bara bæó spæó tiiillll næææsssstttttt!!!!!!!!!

Ein í kotinu!!

2005-06-26T21:23:00.000-07:00

Góðan dag!!!
jæja nú eru stelpurnar lagðar af stað til Íslands, þær lögðu af stað um kl. 6 í morgun með rútunni, og við Alexander fórum með á busstoppið og kvöddum þær. það verður svolítið tómlegt hér, sérstaklega þegar Benedikta er ekki heima, og er ég með svoltið í maganum (smá stress) og verð fegin þegar þær verða komnar á leiðarenda. Það er langt þetta ferðalag þeirra, þær fara svo í lest í Århus, sem leggur af stað kl. 8 til flugvallarins, og tekur það um 4 tíma, fer vélin svo á loft um 13,30(á dönskum tíma). En ég vona bara að þær eigi góða ferð, og við sjáumst aftur eftir mánuð. Benedikta kemur aftur hingað 23. júlí, en það er óvíst með Andreu (eigum eftir að panta far)fyrir hana og Kristófer, en það verður fyrir skóla. Andrea ákvað að vera hér næstavetur og er það ekkert annað en frábært, það var vinkona hennar hér í Thorsager sem fékk hana til að koma aftur. Það verða bara margir hér næsta vetur, gaman, gaman!!!!!!!!!!!!! Nú ætla ég bara að fá mér eitthvað að borða svo bless í bili.

ýmislegt!!!

2005-06-23T07:11:00.000-07:00

halló people!!!!!!!!!!!!!!1
Ég veit ekki hvað ég á að segja núna, Fríða (frænka hans Adda) kom með fjölskylduna í heimsókn. Meðan þau stoppuðu hér þá kom smá slys fyri, Alexander var að borða epli og það stóð svona heiftarlega í honum, að hann var orðinn helblár í framan, og við þorðum ekki annað en að hryngja á sjúkrabíl. Þegar sjúkrabíllinn var kominn, var hann farinn að anda eðlilega, og við gátum varpað öndinni léttar. En það höfðu sprungið margar æðar í kringum augun og á enninu, svo hann er allur marinn og blár. Benedikta er búin að velja gleraugu, og er hún með 3,0 á öðru auganu og 3,5 á hinu auganu í +, hún á alltaf að ganga með þau, hvernig sem það nú gengur. Hún var ekki spennt fyrir þessu og var bara hálf fúl þegar hún var að máta. Hún er nú í ferðalagi með skólanum, og kemur heim á morgun, og svo fara stelpurnar mínar þrjár til Íslands á mánudaginn. Addi var að koma heim úr vinnunni, og er ekki eins þreyttur og vanalega. Þetta er frekar erfið vinna og þarf hann alltaf að fara mjög snemma á fætur, um kl. 5 og kemur ekki heim fyrr en um 4 Hann ætlar að leita sér að betri vinnu. Svo langar mig að spyrja hvort einhver eigi leið norður frá rvk seinnipartinn á mánudaginn? því að tvem ungum píum vantar far. ég yrði afar þakklát!!! Núna erum við mæðgur á leið út í góða veðrið, svo til næst bæ, bæ.

Djurs sommerland!!

2005-06-18T14:45:00.000-07:00

Góða kvöldið!!
við erum bara á leið í Djurs Sommerland, og það verður gaman trúi ég. Og það er búið að vera alveg þrælgaman hér um helgina, og veðrið hefur ekki svikið. að vísu varð ég vitni af slysi , þegar kona datt um band og beint á andlitið, og það blæddi mikið úr höfðinu á henni, og ég náttúrlega fékk sjokk, ég er virkilega viðkvæm fyrir öllu svonalöguðu. En fyrir utan þetta þá hefur þetta bara verið frábært. Ég fór með Benediktu til augnlæknis á föstudaginn, það kom í ljós að hún væri fjarsýn og hún þarf gleraugu, við förum svo á þriðjudaginn aftur og að öllum líkindum fær hún gleraugu þá. Hölli er hér nú, og þeir vilja labba niður á svæði og kíkka á liðið þar, því þar er magnað stuð í gangi. En til næst bæó spæó!!!!!!!!!!!!!

Húllumhæ!!!!!!!!!!!!!!!!

2005-06-16T13:13:00.000-07:00

hellú!!
mjid7iaddi varr að skrifa, en nú er hann ekki lengur að trufla mig, en annars er bara allt gott að frétta. Addi byrjaður í vinnu , að vísu er þetta erfiðisvinna, svo að hann kom dauðuppgefinn og skítugur uppfyrir haus heim, hann var eins og kolanámumaður og ég gat ekki annað en hlegið (svona smá). En annars, þá er hún Aníta hér og við erum á leið niðrí Århus á morgun, með Benediktu til augnlæknis. Alexander er bara sprækur sem lækur, og er bara orðinn þónokkuð brúnn. Andrea kemur heim á morgun, úr skólabúðunum og þá verður fjör, því það er bæjarhátíð hér um helgina. Það verður grillað svín, og svo er útiball á laugardaginn og það verður heilmikið húllumhæ. herlegheitin byrja kl. 1700 á morgun föstudag, og enda kl. 1600 á sunnudag. Fyrstu tónleikar Adda og co (það er band sem hann er í) eru annaðkvöld í Århus, og kannski maður kíkki þangað, það er aldrei að vita. En það er kominn háttatími, og ég á eftir að smyrja madpakke for Adda. svo sjáumst síðar fólk. Bææææ, bæææææææææ.

Aníta kemur á morgun!!!!!!!!!!!!!!!!!!!!!!!!!!!!!!!!!!!!!!!!!!!!!!!!

2005-06-12T06:06:00.000-07:00

Hæ!!!!
jæja, hún Aníta okkar er bara að koma á morgun, og það er mikill spenningur í liðinu, þó sérstaklega í stelpunum. Þær eru með dagatal sem þær krota í við hvern daginn sem líður, en nú er biðin á enda. Andrea fær þó ekki að sjá hana fyrr en á föstudaginn, því hún er að fara í skólabúðir sem eru á fjóni, og hún fer á morgun. þau fara með lest til Nyborg, og hjóla þaðan til Kerteminde, en það heitir staðurinn, sem þau verða á. Benedikta fer í smá ferðalag 22.júní með sfo, til Silkiborgar, og þau verða þar í tjaldbúðum í tvo daga. Alexander gerði mömmu sína ekkert smá skelkaða í gær. Við vorum í búðinni, og aldrei þessu vant þá var hann ekki í kerrunni, ég var við kassann og sleppti aðeins af honum hendinni, og fyrr en varði þá var hann horfinn. Viti þið hvert hann var kominn? hann var kominn út!!!! en sem betur fer stóð hann þar bara stjarfur. (það er nefnilega stór umferðargata öðrumegin, og bílastæði hinumegin) svo þið getið rétt ýmindað ykkur hvernig mér varð við, ég er varla búin að jafna mig. Addi er að öllum líkindum búinn að fá vinnu, en þið megið alveg krossleggja fingurnar fyrir hann, því að það hefur alltaf eitthvað brugðist. En við bara vonum það besta. Núna ætla ég að fara að hitta þá feðga niður við búð, þeir skruppu nefnilega til Rønde. bless í bili !!!!!!!!

Gott skap !!!!!!!!!!!!!!!!!!!!!!!!!!!!!!!

2005-06-06T12:04:00.000-07:00

Hæ heimur!!!!!!!!!!!
Það er bara allt gott héðan, Benedikta á að mæta aftur til augnlæknis, 17 júní og þá fær hún dropa í augun (til að þau slappi af) og svo þarf hún að bíða í hálftíma og þá skoðar hann aftur augun. ferðin til Grenaa gekk ágætlega, ég fékk far með foreldrum einnar vinkonu Benediktu, fékk mér kaffi og kökur, tíu min. seinna fór ég svo til baka heim, því það var nefnilega hætt við að grilla sökum veðurs. (hefði geta sparað mér ferðina). en hvað um það þettað var svosem ágætt. Alexander er byrjaður að tala smá dönsku (segir dagmamman), svo að það er merki um að hann byrji fyrr að tala dönsku en íslensku, og er það bara í orden. Aníta kemur eftir viku, akkúrat í dag, og við hlökkum geggjað til að fá hana í heimsókn!!!!!!!!!!!!! svo fara stelpurnar með henni heim, og þá verður heldur betur tómlegt í kotinu. Ég veit ekki hvað ég geri þegar börnin verða öll farin að heiman, þegar ég má ekki sjá af þeim eina sekúntu, en sem betur fer er langt þangaðtil. Þar til næst Solla Bolla og Álfarnir!!!!!!!!!!!!!!!